احباااااااااط و ندم شدييييييييييد اوى

**Medo.Malek** · 10-06-2010 11:55 AM

المشاركة الأصلية كتبت بواسطة zalabany

على فكره التوكيلات اغلبها مش فارقه كتير عن بعضها معامله زفت وخمه زفت والدليل على كده مودرن موتورز اتعاملت معاه كذا مره في عربية اخويا التو يعني منتهى قلة الزوق والعربية لو صلحتها بره كانت هاتطلع احسن من العك اللي بيعكوه جوا

لا حول ولا قوة الا بالله
و الله انا مش عارف ارد اقول اية غير صباح الاحباط (مش قصدى على حضرتك قصدى على سوء التوكيلات فى مصر

)

**Ralliart** · 10-06-2010 12:07 PM

حسبي الله ونعم الوكيل
ايه الناس دي
دا على كده توكيل ميتسوبيشي اللي مش عاجبني ملايكه!!
انا معاكم في الايميل

**aymoz** · 10-06-2010 12:40 PM

واللهِ مش عارف أقول إيه هيا مشكلتك فعلا أنك مش مقيم في القاهرة و مش سهل ترجعلهم تاني يوم علشان تاخد حقك
نخلص امتحانات و رتب معانا يوم و إن شاء الله كذا واحد ييجي معاك علشان دي ناس تخاف متختشيش

**Ghamrawy** · 10-06-2010 12:49 PM

ربنا يطمنكم

جديا حافكر فى مكان تانى اروحله علشان الصيانة

**azmeralda** · 10-06-2010 01:14 PM

هم لسه مفتحوش صيانة فالمنصوره من يوم مفتحوا اوماترا المنصوره من سنة ونص ليه؟ وقالوا هيبقى مع عيسى

**Dr. Halawa** · 10-06-2010 01:32 PM

انا استاذ تادرس كلمنى قعدت اقوله على المصايب اللى حصلتلى الخصهالكم بسرعة
العربية كانت بتقوللى steering failure قالولى تهييسة طلعت البطارية ضعيفة غيرتها بقت تمام
العربية كانت بتقوللى sengine failure قالولى سنسور شكمان طلعت مشكلة بنزين
العربية كان فيها صوت مؤمن قاللى صاجة شكمان و مش موجودة و امشى بالصوت
و شريف وضح لى ان المشكلة فى الصالون و لازم كله يتفك و يتركب
جرحوا لى التابلوه (ابيض) جرح جامد جدا ده غير الشحم و الارف عليه و على الدركسيون ده غير ان اخر مرة نسيوا يقفلوه اصلا و كنت ماشى بمصارينها برة و رحت الدقى عند باشمهندس لؤى عملها فى ثانية الصراحة
قطع الغيار الغالية بهبل
قلتلهم الزقولى الجرايد قالولى ما عندهمش لزق
و قلتله على بتاع الحسابات اللى عند صورة مختلفة من عقد نايل موتورز و ازاى ان اخر مرة حاسبونى على 7 ساعات و انا واصل 9 و ماشى 1!!
و التسويق
قاللى هاشوف اوامر العمل ولو في غلطة و ليك فلوس باشمهندس طارق ها يكلمك تيجى تاخدها!!
خير بس بقية الحاجات كان رده ان احنا عندنا ضغط شغل جامد و لما نفتح المركزين الجداد الدنيا ها تبقى احسن و ان التسويق بتاعهم خطته انهم يرضوا اصحاب الفيات
كلام جميل

**Mostafa.Mahran** · 10-06-2010 01:49 PM

يعنى مش كفاية ان التوكيل مش عامل دعاية محترمة للعربيات الفيات

لا ده كمان بيحارب الناس الى اشترت العربيات

**yoko** · 10-06-2010 01:55 PM

vربنا معاك يا ميدو وإن شاء الله أول ما الإمتحانات تخلص هقابلك ونرحلهم ويا العربيه تتعمل عدل يا إما ساعتها هبعت شكوى لمجلس إدارة فيات نفسها مش لخدمة العملاء هناك!!!!