الموضوع: ثقافة الرقم المميز

انا عندى التفسير النفسى للموضوع.... فى ناس للاسف الشديد بتكتسب قيمتها مما تملكه..... سواء اموال او وظيفة او مكانة اجتماعية او سيارة او حتى نمرة..... الناس دى-على عكس ما يتخيل الكثيرون و بالرغم من كل ما يملكون- بيبقى عندهم احساس قوى بالنقص بيعوضه بالحاجات اللى بتحسسه انه متميز عن غيره.... هذا الشخص-نتيجة لاحساسه بالنقص الذى يحرك انفعالاته لكنه غالبا على غير وعى به- يصبح عدوانيا جدا فى حالة اى تهديد لاى شئ مما يعطيه الاحساس بالقيمة- لان ببساطة هو لا يجد قيمة لنفسه الا من خلال ما يملكه..... يعنى لو حد جاب عربية احسن منه يتجنن او لو حد حقق حاجة يتفوق بها عليه لا يهدأ له بال الا اذا حقق هو شئ اكبر او قام بتحطيم هذا الشخص الذى تفوق عليه فى شئ ما...... اهو مرض بجملة امراضنا المجتمعية....ربنا يشفى

افتكر مرة واحد من المديرين المرضى نفسيا اللى عدوا عليا اكتئب و بان على وشه فورا لما عرف ان اول عربية انا جبتها فى حياتى- و كانت 128 موديل 88- كان موديلها احدث من اول عربية هو جابها- و برضه كانت 128 بس موديل اقدم من اللى انا كنت شاريه..... تخيلوا..... مع ان وقت الحوار ده هو كان راكب باسات الشكل القديم !!!!!!!!!

المشاركة الأصلية كتبت بواسطة مصطفى مغربي

معرفش ايه هو الدافع ان كل الناس عايزين أرقام مميزة على لوحات عربياتهم .

هل هي حب التميز عن الأخرين و حب الظهور

ولكن ماهي أستفادة الشخص ذاته بهذا الرقم و سر حسد كثير من الناس عليه بسبب هذا الرقم المميز

أنا مش لاقي سبب مقنع ...

لا .... الحمد لله بش انا مش بحسد حد على نمرة عربية