الموضوع: منازل الدائرى عند ميدان لبنان

أنا ماشفتش حد مكنش هيلبس فيه إلي لو كان ماسك اليمين من الاول
على الرع؛م من إنه غلط في غلط بس المنازل متظبتة كتير عن الاول

مهو حضرتك لو اللي راكبين عربيات بني آدمين و عارفين ان طالما انا نازل النازلة "س" يبقى الزم اليمين بدل ما اعرض في وسط الطريق او اقفل الحارات كلها و اللي مش نازل يقف في الزحمة برضه مكنش دا حصل

لكن معظم اللي راكبين عربيات ............

لقد خالفت القاعدة 12 من قواعد المنتدى لذا وجب حصولك على انذار مع وقف اسبوع
يرجى مراجعة قواعد المنتدى
تم تخفيفه لتحذير مصحوب بوقف يوم واحد نظرا لسجل العضو
3:56pm 18/6/2010
مشرف القسم 9ب

بصراحة الحكومة عندها حق و ده بسبب تصرفات الناس يعنى انا كنت بكره اى مشوار اكتوبر الصبح بسبب منزل ميدان لبنان او المحور بيبقى طابور طو يــــــــــــــــل وجنبه ييجى 5 طوابير والدايرى كله مقفول لحد نزلة القناطر وطبعا ده بسبب همجية البنى ادمين واللى مفروض انهم ياخدوا الجنب اليمين من قبل النزله لكن طبعا بسبب الفهلوة بيقفلو الطريق فالحكومة عملت كده علشان تجبرهم ياخدو يمين الطريق من قبلها بكيلو وتفضل ماشى عربية عربية طابور واحد
طب هيعملو ايه

مهو الالتزام مش جوانا والملتزم فى حاجة زى كده بيروح فى الرجلين
ولذلك الاختراع ده معمول عند نزلة المحور وميدان لبنان وشبرا الخيمة دونا عن باقى منازل الدايرى لانهم اكتر منازل عليهم ضغط والهمجية بتظهر فيهم وتروح دلوقت 8 صباحا هتلاقى السيولة المرورية زى الفل اللى كنا الاول فى مسافة 5 كيلو ناخد لنا ساعتين
واما موضوع الحوادث ده فسببه الهمجية برضه لان بسلامته ولابيفكر يقرا اليفط المحطوطة على الطريق بمسافة 3 كيلو على الاقل ويقولو
المحور 3 كيلو الزم اليمن
المحور 2 كيلو الزم اليمين
المحور 1 كيلو الزم اليمين
المحور 500 متر الزم اليمين
هيعملو ايه تانى
هيتحايلو عليه
لكن طبعا سيادته مش متعود يقرا هو متعود يجرى على الاسفلت وبس ويكون الناتج انه يفاجا بان اللسان اللى عاملاه الحكومة طلع فيعمل ايه العبقرى يرجع بضهره لورا وهنا تحصل الحادثة
برضه تصرفاتنا احنا
طب بالذمة الحكومة تعمل ايه تانى
بصراحة انا سافرت مصر كلها واكتشفت ان المرور لازم يدرسوه من ابتدائى واللى يسقط فيه ميعديش السنة

مع احترامى الشديد لكل الاراء - لكن معا لجه الخطا بخطا ليس هو الحل - انا باتكلم عن خطا تصميمى للطرق - المرور استسهل حل و نفذه - هناك حلول كتير اخرى و امنه سواء للنازل او المستمر لكنها مكلفه و المرور شايف ان تكون التكلفه على اصحاب السيارات اهون او حتى ارواحهم.

معظم الحوادث للسيارات المستمره للامام و ليس لها علاقه بميدان لبنان تفاجا بالحاجز فى نصف سياراتهم

و لو حد من الاخوه اللى مع وجود الحاجز حصل لهم كده معتقدش ده هيكون رأيهم و لو مره حد حاول يفادى الحاجز و خبطهم ده برضه هيكون رايهم

على فكره كل منازل الدائرى اتعمل عليها الحاجز الاسمنتى ده .. يعنى المنزل المؤدى الى اكتوبر والمنزل المؤدى الى ميدان لبنان والمنزل المؤدى الى الطريق الزراعى .. هو له عيب وله ميزه العيب زى ماحضرتك ذكرت انه اللى مش متعود على الطريق ممكن مايكونش واخد باله ويلبس فيه ودى شفت اثارها كتير على الحاجز ده من اثار تحطم زجاج وفيبر متطاير من الاكصطدامات .. وايضا محاولات السيارات التى دخلت الى الحاجز بطريق الخطأ ومن ضمنها سيارات نقل بمقطوره الرجوع الى الخلف (لادراكهم ان الطريق خاص بمسار خاطىء ) ومايسببه ذلك من حوادث خطيره ... الميزه الوحيده هى انه لايوجد تكدس من السيارات على المنازل وكل سياره تأخذ دورها الطبيعى بدون اى زحام او فوضى وقد لاحظت ذلك بصوره فعاله على المنزل المؤدى الى الطريق الزراعى