عايز اجيب شريط ليدات

**am79** · 12-06-2010 04:00 AM

طيب الليدات ايه اسم الماركات الكويسه وايه اسعارها

**magyver** · 12-06-2010 05:43 AM

لا عادي
كلهم واااحد
وحسب المقاس اللي انت عايزو
ومن المكان اللي انت بتتشتري منو
بص هاقلك علي اسعار اللي عندنا
ال 30 سم ب6 جنية
ال 60 سم ب9 جنية
ال 120 ب13 جنية

**kasten** · 12-06-2010 06:07 AM

المشاركة الأصلية كتبت بواسطة misoalex

ده الى انا بقوله برضه

حبيبى يا ميسو

**kasten** · 12-06-2010 06:11 AM

المشاركة الأصلية كتبت بواسطة shod90

مهوا انا مش عايزو بالقوة دى فى العربية !! :) ... انا عايزو نور خااافت كدة اعتقد هيبقى شكلة احلى !! :) ... و بردو عايز اركب فى العتب !

عايز اقولك التكاتك عامله الموضوع ده من اول ما طلعت
فياريت لو مش هتعمله ليزر مترميش فلوس الليدات فى الارض
عموما لو هتعمله ليدات الموضوع مش هيكون صعب ممكن تعمله بنفسك انك تنزل التوفيقيه بتوع الليدات هناك اكتر من الهم على القلب
وهتلاقيهم حاطين انوار وليدات وكده
وممكن تلجأ لحد بتاع اكسسوارات يعملك الموضوع ويستحسن يكون بتاع الاكسسوار مش عالى .. يعنى فمنطقه شعبى شويه

**kasten** · 12-06-2010 06:13 AM

المشاركة الأصلية كتبت بواسطة magyver

لا عادي

المشاركة الأصلية كتبت بواسطة magyver

كلهم واااحد
وحسب المقاس اللي انت عايزو
ومن المكان اللي انت بتتشتري منو
بص هاقلك علي اسعار اللي عندنا
ال 30 سم ب6 جنية
ال 60 سم ب9 جنية
ال 120 ب13 جنية

هى هى اسعار القاهره بس زود جنيه على كل واحده

**powerofhelll** · 12-06-2010 04:50 PM

المشاركة الأصلية كتبت بواسطة BAZED2006

السلام عليكم ورحمة الله وبركاتة
الاخوة الافاضل الموضوع مش محتاج كهرائى محتاج حد عايز يكون عنده استعداد نبدا الشرح
أول حاجة تكون مزاجك رايق وضارب شورت وفانلة وواقف فى مكان ضل وضارب بطيخ ومزاجك عالى وتشغل الكاسيت وتعيش مع الشغل
الادوات المطلوبة مفك عادة ومفك صليبة وشيكارتون دول تقريبا موجودين فى كل عربية ولو مش موجودين نشتريهم ب7ج الليد حسب انت محتاج قد اية كام ليد ودة تقريبا ب7-20 جنية حسب النوع
حضرتكم هتنزل اى محل اكسسوار وتختار الليد اللى يعجبك لونه وبعين تدفع ثمنة
2- تختار انت هتركبه فين وتبدا تلزقه باللزق الدبل فيس الموجود فى الليد او تزوده فى من عند بتوع الاكسوار مع انى بحبذ انكم تشتروا واحدة وهى مش غالية ب12 جنية
3- تشوف الزرار بتاع نور الصالون اللى راكب فى الباب وتبدا تفكه سواء بمفك جى ام أو عادة حسب اللى موجود عندك وتبدا تشوف السلكين اللى راكبين فى المفتاح توصل معاهم السلكين اللى جاين من الليد وتحاول تدارى السلك وبعدين وتوصل السلكين معاهم وتعزلهم كويس جدا بالشيكارتون وترجع كل حاجة مكانها
وبكدة اقدر أقول انكم انجزتم المطلوب
يارب اكون قدرت اساعدكم فى الموضوع السهل دة زى متعودنا من نايل موتورز اننا نبعد عن الصناعيية لانة لو رحتله فى حوار زى دة هيدخلك فى 50جنية

استاذ ايه الحل الجامد ده بس مقلتش نجيب البطيخه منين