طلع متابع اهو الناس بتابع في الخباثه ماشي يا خالد باشا كويس انك متابع برده
ان شاء الله يا باشا هتلاقيني موجود عندكو في القسم و اوبل برده عربيه محترمه جدا و انا بكنلها كل احترام و تقدير
عرض للطباعة
تقريبا الكلام الكنت عايز اقوله قالوه الاستاذ نورمال و الاستاذ خالد ايمن
يعني الاعضاء فعلا ساعات بيبالغوا في الدفاع عن السيارة و الواحد مبقاش عايز يقول حاجة عنها عشان عارف ان هنلاقي وابل من الردود بيبرر العيوب او المشكلة الاتقالت عن العربية
بس بصراحة , معذورين
يعني العربية حاصل عليها هجوم شديد , و مبقاش عن عربية فيها شوية عيوب زاى اي عربية , لأ دة هجوم رهيب بيقول ان دي عربية "مش نافعة"
و الكلام دة مش صحيح , و الدليل مبيعات السيارة جول العالم و التقييمات الجيدة للسيارة
و احب اقولكم ان الهجوم مش في المنتدى بس , يعني انا محضرتش هنا في المنتدى نزول السيراتو و اول نيران الهجوم
بس كنت بشوف منتديات تانية و من ناس اعرفهم و ناس كتير من صحابي
في فكرة , ممكن تعملوا موضوع تحطوا فيه مميزات العربية و عيوبها , عشان تبقوا حياديين , و اليعمل الموضوع يكون قضى مع العربية وقت كبير و يكون موثوق فيه
هو بصراحة , الحاجة الوحيدة المش بحبها في العربية دي هي كمية انتشارها , كتييييييير اوي :F_eyeb1[1]:
فعلا يادكترة انا ملاحظ برده الموضوع ده وناس كتير( بلاش كلمة بتخاف) بس بيقلقوا لو ردوا هنا فى القسم
بس ده مش ذنبنا ومش دى طريقتنا أو إسلوبنا
اى حد بيجى يتكلم بهدوء وبيتكلم كلام عقلانى ومفهوم وموضوعى(حتى لو مش عجباه العربية ومعارض ليها)
هتلاقى اى حد من ملاك السيراتو إتكلم معاه بكل هدوء وبالدليل وبكل أحترام :3_3_102[1]:
إنما بقه واحد زى الأخ اللى بيجى يرمى زبالة ويمشى ده هههههههه
هنعمل معاه ايه غير ان الواحد ممكن يخرج عن شعوره فى الرد وبحدود برده (هو ده الهجوم)؟
ومع ذلك برده فى بعض من الملاك إتكلموا معاه بمنتهى الهدوء . وليه ياباشا ومزعلاك فى ايه طب إحكيلنا طب قولنا (ناقص نبوس إيده عشان يقولنا) ومش بيرد وانا عارف أنه مش هيرد
لأنه ده داخل يقول الكلمتين بتوعه قصدى الكلمة اللى معندوش غيرها " زبالة " :ma:
عشان يعمل تشويش للناس اللى لسه ((هاااااااااااتشترى)) عشان كل اللى معاه العربية عارفين كويس أنه بيقول هجس
غير كده والله الناس هنا بترد بمنتهى الأمانة ولا فى هجوم ولا غيره والناس هنا كلها حبايبنا :satelite:
بجد فعلا من أحسن الكلام الى أتقال
ووالله أحنا لما بنتكلم عن السيراتو بنبقى عايزين غير الملاك يبقوا عارفين مميزتها وعيوبها
زيك كدا يا خالد أنت مش مالك أهو لكن تعرف دلوقتى عن العربيه من ملاكها مميزتها وعيوبها
ودا المطلوب الظبط
وأنا شايف أن لو فيه حتى 10 أعضاء زيك يا خالد وصلهم الفكره الصح عن العربيه من ملاكها
يبقى أحنا نجحنا جدا والحمد لله
ومنور القسم يا خالد باشا :)))
مكدبش عليك يا دوك فكرت بردو فى كده
بس تعالى نتكلم بدون أسماء علشان محدش يزعل مننا
لو السيراتو داخله فى مقارنه مع عربيه x
ودخل الناس قالوا أيه دا سيراتو أيه دى عربيه وحشه وكورى
أنت بتقارن أيه بأيه دى يبانى يا باشا
وواحد صاحبى جابها وبعها بعد 500 كيلو
والكلام الى أحنا حافظينه دا
لو أنت يا دكتور عارف كويس أن العربيه x متساويش تمنها
هترضى تسيب الراجل دا يلبس فى الحيط وتسيبه يتضلل من آراء مش مجربه
والله ساعات بقول مش هرد
وبعدين أقول أعمل بضميرى وأقوله وأخلص زمتى
ألاقى نفسى دخلت فى مشاحنات مع الناس دى
فمش قادر بردو أقول أننا نسكت ونكبر دماغنا
لأننا ممكن بكدا نساعد فى تضليل واحد ملوش ذنب غير أنه داخل ياخد نصيحه
يُقابل بآراء اليبانى والاوروبى والحاجات دى
بس أنا معاك لغايه منلاقى حل
يخلينا معروفين بالحياديه والذوق فى التعامل
وبردو بنرد بالدليل وبناقش بالحجج
أنا معاك
طيب كويس والله إن الكيا بتاعتي نزلت فطيس و محدش سمع عنها.......
بس على فكرة.. أنا ساعات بحس إني مالك الكيا الوحيد اللي متحامل على عربيته :ma::ma:
في رعاية الله.......:satelite:
يا رب عدي المشاركة ديه علي خير :ask:
أنا على فكرة بحترم الCerato جدا وكنت ريح احجزها قبل مجيب عربيتي. أنا بس شايف إن الموضوع من نحيتين.
نحية ملاك العربية اللي هما بيحبوها عشان عربية حلوة والعربية عامة بتمثل جزء من كرامة أي راجل :ma:. بس برده أنا شايف إن ملاك العربية عمرهم ماقالوا على عيب في العربية وهما بينصحوا حد. يعني واجب برده وانا بانصح واحد بحاجة اقوله هي 10/10 بس خلِّي بالك من كذا. أنا بقى مسمعتش كذا ديه من صحاب العربية. وعشان أنا عارف إن الكمال لله وحده فأنا برمي ودني للإشاعات.
والجزء التاني من اللي بيهاجم والسلام. يعني ييجي واحد يقولك أصلها بتتشقلب بعد ال155 . واللي يقرأ الموضوع يكون لسة راجع من الدائري وكان ماشي 170 معظم الطريق. أو حد يقول أصل العربية مش معمرة ومش هتقعد 18 سنة. ماهو كل العربية في بيئتها الطبيعية مبتعدش أكتر من 300 كيلو في الالماني (مصاريف تشغيل وصيانة غالية) أو 200 في الالسيوي (مصريف اقل وكده كده بره العربية بتتغير بعد 8 سنين بالكتير) احنا بس اللي بنقعد العربية مدة هي متعملتش عشان تعدها ولا في شوارع معمولة للعربية. احنا مينفعش في بلدانا غير وابور جاز, لو كل مواطن كان عنده دم ومشي بوابور جاز هانرصف شوارعنا في مده قياسية.
بس أنا بحيي فيكم إنكم حضرتكم يد واحدة على أي عدوان غادر :khd:. بس ياريت برده متخدش النقد على العربية أو على كوريا بمحمل شخصي. لما حد يقول أصل KIA مش بتبيع في أوروبا عشان عربيتها تعبانة وجايب احصائيات مش لازم يكون غلطان و هنصححله المعلومة هنصححها. مفيش أرقام مبيعات معتمدة في العالم ولا في أوروبا غير من جوه الشركة. وديه عمرها مابتفصح عنها. ده فيه شركات أكل عيشها إنها بتعمل Market research وبتحاول تجيب أرقام قريبه من الحقيقى. وسعر الresearch ده بيكون غالي.
أنا بس قصدي هي العربية حلوة ونجحت على الاقل هنا في متطلبات بلدنا. مالنا بقى ومال أوربا والكلام ده. ماهو فيه عربية كتير ناجحة في أوربا مبعتش عربية هنا.
Cerato عربية حلوة و KIA عرفت تنزلها بسعر مغري أنا مش شايف في ده أي حاجة تدعو للتعصب أو الهجوم. كلنا فالاخر حبايب :satelite:
ربنا يباركلكم في العربية و يسترها معانا كلنا
(على فكرة أنا كنت بخاف أتكلم على الCerato بس بعد الموضوع ده مش هخاف, بجد موضوع رائع)
اوافقق الراي من كل قلبي
واحترم تفكيرك
هههههههههههههههه
:POINTIy2[2]::POINTIy2[2]::POINTIy2[2]:
جامد اوي الموقف ده
كلام حضرتك جميل جدا
و هارد على نقطة اننا ما بنقولش على العيوب
لأ احنا بنقول و الله على الحاجات اللي بتقابلنا
بس دي مش عيوب ممكن تخلي واحد يسيب العربية
طبعا ما فيش عربية كاملة
بس في كويس و في وحش
و مافيش عربية من غير عيوب
بس في عيوب أساسية و عيوب ثانوية
و العربية فعلا ما فيهاش عيب أساسي ....نفس فكرة البومة تمام
ممكن حد يقول عيبها ايه اللي يخليك تقدر تعيبها ؟؟؟ مافيش
مع انها مليانة أوجه قصور صغيرة بس متأثرش
لكن في عربيات فيها عيوب تقطم الظهر و تكره في العيشة ....
بس ما حدش فاهم التفكير ده ...هي مش كاملة الأوصاف
بس كويسة
و حتى لما أغيرها لو لي نصيب و أركب أوروبي تالت أو كوري تاني أو ياباني تاني
هافتكر للعربية دي حاجات كتير حلوة
أهم حاجة انك ما عدتش خايف :ma: