كل الي عنده مشكله يكتبها!!!

**ahablass** · 12-06-2010 01:51 PM

المشاركة الأصلية كتبت بواسطة yoko

تم وضع الشكاوي في ملف وورد عشان أكملها وأطبعها بكرة بليل ahmadmidop يا ريت رقمالشاسيه

طيب يا يوكو باشا بالنسبة للناس أللي حجزا (زينا مثلا) ايه و ضعهم في موضوع الشكوي ده

و لا نرجع فلى كلامنا و ندور على حاجة مضمونة

احنا كدا بقينا قلقليين جدا من موضع التوكيل ده و خايفين من العربية

**yoko** · 12-06-2010 01:53 PM

إكتب إيه الي مخوفك من التوكيل وأنا هطبعها

**damasry** · 12-06-2010 04:46 PM

يا احمد باشا، زى ما اتكلمنا قبل كده، ان يكون فيه مشاكل فى وكيل ده بيحصل لكن اللى مش ممكن نقبله هو عدم وجود رغبة من التوكيل فى حل المشاكل

واكبر دليل على رغبة اوماترا فى حل المشاكل هى مشاركة مدير الشركة بنفسه معانا هنا ورده على كل الناس اللى بيملكوا فيات واللى مش معاهم.

**damasry** · 12-06-2010 11:47 PM

مش بس كده بس صدقنى مدير المركز هناك وخدمة ما بعد البيع راجل كويس جداااااا المهندس/ طارق جبريل واى خطأ تم كان نتيجة قلة عدد مهندسى الصيانة والضغط على المركز لكن لو حصلت مشكلة والموضوع وصل للمهندس طارق بيتحل واللى ها اقوله مش المفروض اقوله بس فيه اتنين معانا هنا فى المنتدى حصلتلهم حوادث والمهندس طارق عمل تخفيض قوووى ليهم (بدون داعى لذكر قيمة التخفيض)

اما موضوع قطع الغيار، فمتقلقش من القطع الميكانيكية بسبب ان الموتور هو هو موتور الجراند بونتو وده قطع غياره موجودة فى التوكيل وموجودة كمان بره التوكيل واشهر الموجودين عندهم هو الكيلانى.

يبقى القطع الخارجية ودى التوكيل مسئول طبعا انه يوفرها.

**Medo.Malek** · 13-06-2010 12:01 AM

المشاركة الأصلية كتبت بواسطة ghamrawy

قسم ال pdi مش شايف شغله كويس
انا لما حجزت العربية و جت اسكندرية كان فيه فيشة مدلدلة من عند بدلات الفرامل و الدبرياج و بعد كده تم حل الموضوع عن طريق مسئول المعرض و مركز الصيانة اللى هنا فى اسكندرية
رقم الشاسيه 481511
الاسم محمد الغمراوى

و كمان موضوع مركز صيانة اسكندرية التابع لاوماترا حايفتح امتى ؟؟ و يا ترى حايبقى مجهز بكل حاجة و لا لأ و اهم حاجة جهاز زواية ليزر و كمبيوتر فحص و ضبط الكنترولات

كلام مظبوط للاسف ازاى عربية تعدى منهم و تلااقى الشنطة مش بتفتح بالمفتاح !!!

**Medo.Malek** · 13-06-2010 12:25 AM

اولا شكرا يا يوكو على مجهودك و دى الشكوى بتاعتى معلش على التأخير

الشنطة عندى مش بتفتح بمفتاح العربية و لما رحت التوكيل فى جسر السويس لطعونى 3 ساعات و فى الاخر معملوش اى حاجة
و كنت طلبت ظبط ال 4 زجاج عشان صوتهم عالى عملوا بتاع السواق فقط و الباقى اتحججوا ان كل العربيات كده !!
وفى عامل بوظلى زراير الانتظار و فتح الشنطة وخلاها تسقط جوة التابلوه و بقى شكل العربية من جوة زيها زى عربية موديل سبعينات
و اهم حاجة بقى الفتيس كان المرشيدير بيعلق كتير و بيجى بعض عضة و كان بيشتغل كويس برضة شوية فا طلبت منهم فى التوكيل يشوفوا اية المشكلة و كل اللى عملوه انهم ركبوا جوة العربية و جابوا المرشيدير كذا مرة و خلاص على كده العربية تمام مفيش فيها حاجة !!!!
و اخيرا و ليس اخرا ودى مش مهمة اوى حكاية غسيل العربية بعد الشغل فيها المفروض العربية قبل ما تخرج الباركنج تكون مغسولة و خصوصا ان الغسيل بقى تحت فى الورشة

دى بياناتى
شاسيه 3090705
الرخصة باسم الوالد
د\ احمد مالك

**Dr. Halawa** · 13-06-2010 02:38 PM

معلهش يا يوكو انا كنت نسيت حاجة, الكاوتش بتاع باب السواق فى حتة منه وقعت قلتلهم عليها قالولى ها يتغير كله قلت ماشى و ما عملوش حاجة برده
و حكاية البطاحة اللى عايزة تتغير دي بس الصراحة ما ظهرتش غير بعد ما كنت عندهم اخر مرة بيوم