يا جماعة كل الي عنده شكوى يكتبها ويكتب رقم الشاسيه عشان نبعتهم للأستاذ ماجد تدرس بناء على طلبة ووعدنا بحل كل المشاكل دي
عرض للطباعة
يا جماعة كل الي عنده شكوى يكتبها ويكتب رقم الشاسيه عشان نبعتهم للأستاذ ماجد تدرس بناء على طلبة ووعدنا بحل كل المشاكل دي
مشاكل فردية و طلبات عامة
أنا لحد دلوقتي معنديش مشاكل لسة :E_braces[1]:
بس العربية فيها حاجات كتير مش مظبوطة و لو رحت هابقى متحفز ليهم جدا
يا مسهل :)))))))
هيا الناس ملها محدش بيكتب ليه!!!
المشاكل اتحلت فجأة مثلا :majd(4):
معلش يا yoko ما أنت عارف ظروف الامتحانات:36_7_4[1]:
يويكو انا مستعد اكتب مشكلتى و بياناتى بس المشكلة مش هاعرف اتابع الموضوع ده غير بعد الامتحانات يعنى على اخر الشهر ده فا لو طلبوا اروحلهم مش هاعرف
عادي حطة وقلهم بعد الإمتحانات مفيش مشاكل
ولا يهمك يا باشا والأستاذ ماجد تدرس هو الي طلب مني كده عشان هيتابع الشكاوي دي بنفسه
يا باشا صيانة ال 5000 مش بيعملوا فيها اى حاجة هو واحد بيشوف الاشارات و الانوار شغالة ولا لا و ال بطارية بتشحن كويس ولا لا و بيبص بس على العفشة (بيبص بس مش بيعمل فيها اى حاجة حتى لو طلبت ) و خلاص على كده و هاتقعد 3 ساعات نقريبا و فى الاخر هايحاسبوك على نص ساعة مصنعيات :8954[1]:
و ربنا معاك ولو هاتروح اوماترا جسر السويس يبقى اتأكد ان المهندس مؤمن(((( مش موجود ))))
ﻷ ال٥ مبتدفعش ولا مليم إزاي نص ساعة مصنعيات!!!!
1-العربية فيها اصوات صلصلة وشخللة بقالى سنة تقريبا بقولهم عليها قالولى فى الاول صاجة شكمان ومش عندنا و ما فيش مشكلة انك تمشى بالصوت ما دام عارف مصدره!! و أخر مرة بس المهندس شريف قاللى الصالون كله لازم يتفك و يتركب
2- العربية بتنتش و تكركر و عداد ال rpm بيرعش و الموضوع ده قلتلهم عليه اخر مرة بس ما اتعملش قيه حاجة علما بانها اوتوماتك
3- جرحوا لى التابلوه (ابيض) جرح جامد جدا ده غير الشحم و الارف عليه و على الدركسيون ده غير ان اخر مرة نسيوا يقفلوه اصلا و كنت ماشى بمصارينها برة و رحت الدقى عند باشمهندس لؤى عملها فى ثانية الصراحة
4-قطع الغيار الغالية بهبل
5-قلتلهم الزقولى الجرايد قالولى ما عندهمش لزق
6- بتاع الحسابات اللى عنده صورة مختلفة من عقد نايل موتورز و ازاى ان اخر مرة حاسبونى على 7 ساعات و انا واصل 9 و ماشى 1!!
7- التسويق
دى مشاكلى
مع اني معنديش مشكلة في العربية دلوقتي بس برضه عندي مشاكل مع OMATRA نفسها واللهِ من أول ماجيت استلم و قالولي ال BLUE and me معمول فرنساوي و بعتنا العربية جسر السويس تتعمل و العربية اتأخرت و ملحقتش استلمها علشان كانت الساعة 5 لما العربية جت و ماكنتش هلحق المرور
مع ان الموضوع تافه أصلا و أي حد كان ممكن يعملو بفلاشة المهم اني جيت تاني يوم استلم لقيت ال blue and me مش شغال اصلا لا تعليق يعني
استلمت على كده علشان أنا هاعرف اشغله عادي لو جبت الفلاشة و رخصت ومشيت بالعربية لقيتها بتحدف يمين جامد رحت طالع على جسر السويس قالولي العربية مخبوطة من تحت فالقنطرة و أنت اللي خبطها قلتلهم أنا لسة مستلم المهم يعني في النهاية اتفقنا انها هتتعمل على حسابهم و حصل حوار كده و رحت التوكيل 4 أيام ورا بعض و في الآخر العربية متظبطش و بتحدف برضه وقالولي احنا كده عملنا اخرنا و العربية مظبوطة
في الآخر طلع ضغط الهوا في العجل مش مظبوط علشان كده بتحدف :ma: لا تعليق برضه
تعليقي بقى على omatra نفسها
مفيش موظف واحد يوحد ربنا بحس ان قلبه على الشركة زي مايكونوا أعداء للشركة و بدون ذكر اسماء في واحد في جسر السويس قال لي أنا أول فرصة هتجيلي بره هامشي من هنا
و برضه الظروف حكمت وكنت قاعد مع مدير برضه في جسر السويس و كان قاعد معاه واحد صاحبه و قالوا أنت ليه قاعد فتوكيل FIAT ده ماتروح حاجة أحسن تقدرك المدير رد عليه رد لطيف قوي قاله أنا هنا باجي براحتي وبمشي براحتي ومحدش بيقولي حاجة وكانوا عايزني في SKODA بس شفيق جبر مش بيهزر وعايز نظام وحزم و ده مش هينفع معايا
أقسم بالله ده حصل و من مدير مش موظف
موقف كمان حصل تحت عند الحسابات مهندس استقبال مش هأقول اسمه برضه دخل على مسئول قطع الغيار قالوا العميل بتاع السينا امبارح كان عنده حق فعلا كان في 1000 جنيه زيادة في الفاتورة قالوا هو مش دفع ومشي خلاص !!!
أقسم بالله تاني ده حصل قدامي
يا جماعة الواحد هناك بيعد يدور عالموظفين و المديرين لانهم مش على مكاتبهم واللهِ بحس اننا في شركة قطاع عام
و العربية ساعات بينسوا يعملوا فيها كل المطلوب و يطلعوها بره و لما حد ياخد باله تبقى تدخل تاني بقى
ده كوم والكوسة في مواعيد دخول الصيانة كوم تاني
بس كفاية كده أحسن هكتئب بجد :rfds:
يا باشمهندس ماجد أنا مسئول عن كل كلمة كاتبها
انا معايا جراند بونتو ايزى ترونيك 2007 المشكلة عندنا ان احنا معندناش مراكز خدمة وصيانة فيات فى الصعيد فلما بنحتاج نعمل صيانة او كشف لازم نروح القاهره عشان نعمل الصيانة .. ودة اللى مش مخلى الفيات ليها سوق فى الصعيد بالمقارنة بالكيا والرينو والهيونداى والشيفروليه ..
إن شاء الله بكرة بليل هطبع الشكاوي دي كلها ويا ريت كل واحد يكتب رقم الشاسيه (حتى إنت يا أيمن)
انا من اخر صيانة بتاعت 40000 والفتيس بعد ما العربية خرجت في صوت في الفتيس في النقلات الاولى والتانية صوت زي احتكاك او رزعة مش عارف بالظبط الموضوع لما بمشي بالعربية فترة ربع ساعة ولا حاجة الصوت بيروح ... المشكلة ان العربية لما كانت خارجة من الصيانة بتكون شغالة بقالها فترة وكمان الدوشة ما اخدتش باااالي الا ما ريحت في الاستراحة نص ساعة وانا مروح اخدت بالي .... انا غيرت زيت الفتيس بره بس مش عااارف المشكلة في ايييه !!!
أنا بعت الرد لأستاذ تادرس و عملت نسخة منها فى موضوع جديد
فين الموضوع ده وإكتبه هنا أحسن
طبعا بعد كمية الرسايل اللى بدأنا نبعتها لفيات ايطاليا, مدير أماترا بدأ يهتم و دة نص الرسالة اللى لسة باعتهاله حالا:
دى قصة معاناتى مع العربية و التوكيل:
فى شهر 7 سنة 2007 حجزت العربية ب1000 جنية فى معرض أوماترا بتاع شارع وزارة الزراعة , فى الحجز قالولى ممكن تختار لونين,
اخترت الأزرق و الأسود لأن العربية ماكنتش موجودة فى المعرض أصلا ساعتها (يعنى حجزتها عميانى)
بعد شهر كلمونى قالولى العربية وصلت و لونها اسود , قلتلهم أنا عايز الأزرق قالولى استنى بقى الدفعة الجاية كمان شهرين!
شوفتها بالصدفة (الزرقاء) فى معرض فى اسكندرية و جبتها من عندهم
كنت مسافر اسكندرية فى مرة (أنا من طنطا ) وعملت صيانة ال 5000 (مجرد فحص عام) , فى "الطارق النيل " فى الاسكندرية الباب الاخضر ,
المكان تعبان جدا و مابتشوفش بيعملوا اية فى العربية .
و لو العربية محتاجة شغل مش حيخلص فى نفس اليوم حتى لو حجزت معاد مسبق , لان التوكيل دة بيعمل صيانة ماركات اخرى زى "سكوربيو" الهندية وهايما الصينية وبالتالى ضغط الشغل عندهم كبير .
عملت صيانة ال10000 فى توكيل أوماترا بتاع جسر السويس و دفعت 380 جنية ثمن تغيير زيت موبيل 1 و فلتر زيت و مصنعية .التوكيل أحسن بكتير من بتاع الاسكندرية رغم انه لا يرقى بتوكيل شركة عريقة زى فيات من حيث الحجم و الامكانيات.
انتظرت أكتر من 3 ساعات رغم انى حجزت معاد بردو ! لأن الظغط علية كبير لأنه المركز الوحيد فى القاهرة (غير مركزين تانين معتمدين للصيانة فقط)
قلتلهم ان التكيف أصبح أضعف من الاول بكتير, كشفوا علية فى خمس دقايق و قالولى دة زى الفل !
قبل ما أروح التوكيل أخدت بالى ان فى جزء من الدهان متقشرة فى زاوية حادة عند الباب الخلفى . لمل قولت للمهندس عليه قالى ان العربية فيها حكة جنب الجزء المتقشر ,وهى السبب فى كدة علشان كدة مش مسؤلين عنها!!
بعد كدة "كفة" المراية اليمين اتسرقت . سألت عليها فى التوكيل قالولى ب 170 جنية بدون الضريبة , و كمان مش موجودة و ابقا اسأل عليها كمان
شهرين ! يعنى حتة مراية تمنها هايعدى ال180 جنية !
دة صاحبى معاه سيفيك 2009 جاب مراية من التوكيل ب140 جنيه , و كنت معاه و شوفت نظافة التوكيل و المعاملة الشيك قوى هناك
مع العلم ان السيفيك ب 150,000 جنية مش ب 70,000 !
فى واحد صاحبى فى ألمانيا جابلى "كفة" المراية من توكيل فيات هناك بما قيمته 120 جنية و للأسف كسرتها بعد فترة و لاقيت التقليد بتاعها فى
مصر ب 60 بس , رغم وجود فرق بسيط جدا فى الجودة
بعد فترة كسرت الفانوس الأمامى اليمين , كلمت التوكيل قالولى ب 800 جنية بدون الضريبة و التركيب (عرفت ان سعره وصل ل1450جنية حاليا), رحت جبت واحد استعمال الخارج بعد ما دخت عليه ب 170 جنية بس
وأنا بغير فردة كاوتش فى مرة لقيت الجزء الكاوتش فى المساعدين متاكل تماما , و حسيت ان العربية أصبحت أوطى ورا و كمان دة سبب ان اللى جالس ورا بيحس بالمطبات جدا
قلت أسيبها كدة لحد صيانة ال20000 و خلاص.
التكييف أصبح أضعف بالتدريج لحد ما بقى زى المروحة! روحت التوكيل بتاع القاهرة علشان التكييف و كمان صيانة ال20000 بالمرة , بعد حجز معاد و كان مليان على اخرة كالعادة.و كنا فى أول رمضان اللى فات, لما وصلت قالولى " مافيش وقت لتصليح التكييف و كمان صيانة ال20000 ,
اختار حاجة واحدة المرة دى" ! أنا اخترت التكيف لأنى كنت بموت من الحر , بعد ساعتين استلمت العربية , قالولى كان مسرب فريون و شحنوه .
قلت طب دى ممكن تسرب تانى لو فى تسريب فى الدورة ولا حاجة قالولى لأ ماتخافش. و ما دفعتش حاجة
بعد اسبوع حصل الاتى :
1- بدأ التكيف يضعف تانى , بمعنى انة ياخد وقت طويل علشان يسقع و فى خلال مدة الهواء برودته تقل لحد ما يبقى زى المروحة.
2- مروحة الردياتير أصبح صوتها عالى بالتدريج لحد فظييييييييع خصوصا لما أشغل التكيف.
3- الدبرياج مع السواقة و الضغط المتكرر عليه بينزل لتحت بالتدريج لحد لما يبقى مقارب لمستوى الأرضية, برفعه برجلى بيطلع لوضعه تانى , و
بعد ربع ساعة سواقة تقريبا بينزل تانى, و هكذا
4- الفتيس مش ناعم زى الأول, و فيه عضه فى الغيار الأول و التانى و المرشدير
5- الكاوتش فى المساعدين المتاكل بيزود الشعور بالمطبات
6- فى أصوات غريبة مختلفة بسمعها من الموتور على فترات مختلفة!
روحت التوكيل تااااااااااااااانى بعد اسبوع علشان صيانة ال 20000 و المشاكل اللى فى العربية . بعد 3 ساعات تقريبا استلمت المخروبة (كرهتها خلاص) و كانت المفاجأة : ما عملوش حاجة تماما غير صيانة ال20000 لأنهم بيقفلوا فى رمضان الساعة 3 .
كاوتش المساعدين قالولى ان الجنوط "العريضة" اللى مركبها هى السبب (عرضها 195), و كدة عادى مش مشكلة!
الدبرياج ظبطوه (قالولى فى كاوتشة اتحركت من مكانها )و المروحة قالولى صوتها عادى كدة!!
قالولى ان تيل الفرامل هايتغير و وافقت على تغيره
و لما شوفته لقيت فيه لسة أكتر من نصفه
الفاتورة : 950 جنية !! لية 950 ؟؟ هى العربية بكام أصلا علشان بعد 20000 كم أدفع المبلغ دة ؟!
غسلوا العربية أى كلام من برة , رشوها بشوية مية و خلاص
و بعدين أخدت بالى ان العربية محكوكة من الجنب حكة طويلة بطول العربية, قلتلهم عليها قالوا ما هو فى علامة فى الورقة أهى قبل التسليم (و العلامة اللى فى الورقة عبارة عن دايرة بالقلم صغيرة بس) قلتلهم العلامة فى الباب الامامى بس لان كان فى خربوش صغير فعلا , قالوا أصل العلامة دى معناها ان ليها امتداد للباب الخلفى . بعد مناقشة فاشلة زهقت منهم و مشيت.
بعد نصف ساعة الدبرياج رجع زى ما هو تانى !!
كنت مشغول و مافيش عندى وقت أسافر للتوكيل تانى علشان المشاكل دى كلها
من 5 شهور العربية عملت 30,000 كيلو كلمت التوكيل و حجزت معاد بعد أسبوع و لكن بعد يومين للأسف عملت حادثة
كلمت التوكيل قالولى هايأخدوا 500جنيه علشان أنقلها لحد هناك و بعد كدة هايعملوا المقايسة و هتأخد اسبوع تقريبا
أنا ماكنتش مأمن للأسف و كنت عايز أصلح العربية بتمن معقول, فغيرت الأتى:
- المقص اليمين (ب330 الأصلى عند الكيلانى) و ب750 جنية تقريبا فى التوكيل
- "شداد الفتيس" أصلى ب300 جنية , ماعرفش سعره كام فى التوكيل بس أعتقد الضعف على الأقل
- الزجاج الأمامى بنوع مشابه للأصلى ب330 جنية , فى التوكيل الأصلى ب 1700 تقريبا
- الفانوس الأمامى يمين ب 450 ماركة ديبو من الكيلانى, فى التوكيل الأصلى ب1450
- 2 كرتير رفرف الأصلى ب150 عند الكيلانى , ماعرفش بكام فى التوكيل
- صلحت الأكصدام الأمامى ب50 جنية بس , طبعا التوكيل كانوا هايغيروه بألفين جنيه
- صلحت جزء من الشكمان (headers) لأنه كان واخد خبطة من تحت ب150 , طبعا كان هايتغير فى التوكيل بس ماعرفش سعره كام
- عملت سمكرة لبعض الأجزاء
- اشتريت طقم جنوط جديد
- الأيرباجز فتحوا و لسة ماصلحتهمش
- العربية بتحدف يمين حاجة بسيطة بعد الحادثة و مش عارف السبب لحد دلوقتى
طبعا المشاكل الأساسية بتاعة الدبرياج , التكيف, صوت المروحة العالى جدا, عضة الفتيس و صوت الموتور الغير طبيعى لسة موجودين و أنا مستحمل العربية و ماشى بيها كدة!
و الجديد بقى: لمبة الباور و لمبة الهاند بريك بينوروا و يطفوا على فترات لوحدهم كدة و أنا سايق
تتوقع لما أى حد يسألنى "البونتو عاملة اية معاك " أقوله اية ؟؟
علما بأن سعر اعادة بيعها فى الأرض خالص لأن فى ناس عارفة تقصير التوكيل و كمان مافيش دعاية ليها فى التلفزيون خالص و بالتالى مش معروفة و منتشرة, على عكس أفيوهاتشباك مثلا أو هيونداى جيتز و غيرهم
لدرجة ان مرتين قبل كدة واحد سألنى فى الشارع " هى العربية دى صينى؟"
العربية: بونتو كلاسيك 2008
الرخصة: أبوبكر محمد صلاح الدين
الشاسية: 1007104
كتبته خلاص
يا نهار ابيض و انا كنت فاكر ان انا مطحون منهم كان نفسى اكتب بالتفصيل زيك كده بس من كترها نسيتها
تم وضع الشكاوي في ملف وورد عشان أكملها وأطبعها بكرة بليل ahmadmidop يا ريت رقمالشاسيه
رقم الشاسيه 2739706 فيات باليو 2006
هضيف بس حاجة على المشكلة صوت الخبطة اللي بسمعها لو اخدت حفرة فجأة ناحية المساعد الشمال الي ورا كنت قولتلهم عاليها قالو هتروح مع تربيط العفشة بس ولا حاجة حصلت لان تقريبا العفشة ما بيتعملش فيها حاجة
غريبة !!!
اصل كل الباليو الصينى اللى نزل مصر كان الفتيس بتاعه مابيعمرش اكتر من 10 او 15 الف و يبتدى يخبط و يرزع و يطلع دخان كمان و كان بيتغير ضمان
فيه حاجة تانية معلش
انت الموضوع بتاع الفتيس ده حصل معاك بعد موضوع الحفرة اللى العربية نزلت فيها ؟
ممكن يكون المساعد عايز يتغير بس
غمراوى باشا كنت قلتلى على موضوع الصوت لما انزل من العربية ده بطاحة مساعد يا ترى دى بتتغير لوحدها ولا ها يقولولى مساعد على بعده و سعرها تفريبا كام عشان ابتدى احوش لاوماترا
:(