الحمد لله حجزت تيدا هاتش باك بلس لون اسود

**Bishoy.Girgis** · 12-06-2010 01:04 AM

الف الف مبروك مقدما

**ahmed.mohy** · 12-06-2010 01:57 AM

اولا الله يبارك فيكم وربنا يتمم الموضوع علي خير
ثانيا احب اشكر دكتور احمد الي قام بفك الشفرة "وتحيا مصر"ههههههههههه
بجد والله انا بسوط لاني حاولت ابعت الموضوع اكتر من مرة ولكن علي حظي النت كان بيقطع عشان كان في اصلاح في Net workفاضطاريت ابعته من الموبايل واضايقت لما شوفته لوغاريتمات كده
علي كل حال انا فعلا فرحان اني منضم لناس محترمة ومتعاونه زي حضاراتكم في هذا المنتدي

**ahmed.mohy** · 12-06-2010 02:05 AM

المشاركة الأصلية كتبت بواسطة sskarim

مبروك علي العربية التيدا...بارك الله لك فيها..
سيادتك حجزت فين؟

الله يبارك فيك انا حجزت من مودرن موتورز واخد افضل سعر ليها

**ahmed.mohy** · 12-06-2010 02:23 AM

المشاركة الأصلية كتبت بواسطة ahmed.tv

باذن الله تستلم على خير , انت حجزت فى اى معرض

مش حتحتاج الى سبويلر ولا حاجة , العربية جميلة ,وادائها ممتاز من غيره كمان

اذا عاوز تظبيط عليها فى سبويلر وعتب امامى وخلفى وفى الاجناب شيك جدا بس ب3300 فى التوكيل , اذا كنت عاوز تروش العربية

وبالنسبة الى الالوان عندك فى الوان عملية شوية عن الاسود , لان الاسود فى حر مصر وجو مصر صعب جداااااااااا ولو تقدر تغيره يكون افضل لان بيبان فيه التراب والخرابيش كمان

مبروك مقدما وباذن الله تستلم على خير

الله يبارك فيك انا حجزت في مودرن موتورز مصر الجديدة
بالنسبة للسبويلر هو عجبني شكله في العربية وبيديني احسلس رياضي للعربية خاصة في عربيات الهاتش باك
لكن انا مش عايز عتب او كدة علي العموم هسال عليه لو ممكن يتباع لوحده
اما بنسبة للون الالوان في التيد للاسف مشعارف لية قليلة اوي مفيش غير 8 الوان فقط منهم 2 فضي بدرجات مختلفة والباقي ابيض - بيج - احمر - كحلي - اسود - ولون تاني غريب بيسموه نحاسي دي الوان 2010
احلاهم الاسود والكحلي وغالبا هاختار لون الفرش الداخلي غامق عشان البهدله

المهم محناج حد يقولي علي الاحتياطات عند الاستلام وازاي اعمل تليين للعربية في البداية ان شاء الله

وكنت عايز اسال عي العربية بعد ال120 خفيفة علي الطريق ولا ثابنة
ومعلش علي الطالة وشكرا

**Ahmed.TV** · 12-06-2010 03:29 PM

انا كنت عايز اركب سبويلر لوحده قالولى انه بيجى مع مجموعة الاعتاب كلها , مع انه زمان قبل كدا كان موجود وبيبعوه لوحده بحوالى تقريبا 1500 جنية

انا سمعت ان فى لون نزل جديد الرمادى اللى هو الفيرانى , وكمان فى لون موف بينزل دايما فى التيدا من زمان , وعربيتى لونها موف

بالنسبة التلين اهم حاجة فى الفترة الاولى انك متقرص وتجرى فوق ال100 , ومتعملش كيك دون , ومتغلش التكيف الا بعد ماتعمل 1000 كيلو ,

بالنسبة الى ثبات العربية بعد 120 دوسى وامشى واجرى انا بدوس وبجرى على الدائرى باليل 130 ومفيش مشكلة وعلى طريق السفر كمان اقل سرعة بكون ماشى عليها 140 , وبكون ماشى لغاية 150 , بس بعد 160 الثبات بيقل طبعا
بس طبعا صوت الماتور بعد ال120 مسموع ولكن مش مزعج اوى للدرجة ,
وتحت امرك فى اى استفسار

**Ali_Abo_Amr** · 13-06-2010 02:39 PM

100000000000 مبروك على العربية ... وربنا يعطيك خيرها ويكفيك شرها ...واى استفسار معاك هنا ناس ما شاء الله فاهمة وجدعان قوى وبصراحة استفدت منهم كتير قوى ربنا يبارك فيهم جميعا ...