ما تزعلش مني بس انا مش عارف ليه بحس ان اراءك وتعليقاتك غريبه وغير منطقيه بالمره يعني ايه لما احب اوفر الملايين الي حضرتك بتتكلم عليها وازود في الميزانيه يبقى لازم اعمل الكلام ده على حساب الشعب واقعد كل ما يحصل عجز في الميزانيه يبقى لازم الشعب يكون الضحيه وهو الوحيد الي يدفع الثمن وليه احنا كل مره ندفع ثمن اخطاء غيرنا اقسم بالله ان معظم المال المهدر في البلد دي اما بيكون لمصلحة رجال الاعمال او بيكون نتيجة تخطيط فاااااااااشل وسئ ده اذا كان اساسا في حاجة في البلد اسمها اسمها تخطيط لان القرارت بتتاخد في البلد كانهم قاعدين على مسطبة او قهوة بلدي بدون دراسه استراتيجيه او وضع خطط مستقبليه وجراج رمسيس ومشروع توشكى وخصخصة وبيع معظم مشاريع البلد يشهدوا على كده , مين الي قال ان البنزين يغلى مقابل اننا نقبض نفس المرتبات مين الي قال ان المنتجات البتروليه تغلى مقابل اننا بنصدر الغاز لاسرائيل بابخس الاسعار , مين الي قال ان الي بيحط بنزين 92 بيعتبروا راكبين سيارات فارهه, لعلمك بس بنزين 92 هو اول بنزين موصى بيه في كل دول العالم يعني علشان احنا عندنا بنزين بارقام اوكتين كتير بيبتدي من 80 حتى 95 فبنعتبر 92 شئ راقي ومن باب العلم بالشئ ان البنزين الاستاندرد الي المفروض يتحط هو 92 او
91 (زي في بعض البلدن العربيه) ودي اول فئه بتتحط للسيارات الحديثه مش حاجة بره اسمها بنزين 80 ولا بيعتمدوا على استخدام الغاز للتوفير بل بالعكس هما اساسا ناويين يلغوا البنزين خالص ويستخدموا الوقود الهيدروجيني والبعض مصصم على استخدام الكهرباء , ما علينا سيتك بتقول
" و ان الدعم يوصل بجد لمستحقيه يا جدعان فيه اسر بتعيش ب100 جنيه في الشهر كل واحد فينا بياخد دعم بنزين حوالي 250 جنيه " يعني انا مش فاهم هو حضرتك على كده متفق تماما مع سياسية وكلام احمد بيه عز وبتدعم كلامه ؟؟؟؟!!!! اساسا ليه حضرتك بتعتبر ان الاسر الي بتعيش ب 100 ج في الشهر بسبب وجود دعم على البترول ومشتقاته ؟ ليه مثلا ما رجعت سبب هذا للسرقه الي بتحصل في البلد والاراضي بالي بتتوزع بالمجان او باسعار هزيله (المتر ب10 ج و 100 ج)
وليه ما رجعت الاسباب للبيع كل ممتلكات الدوله من شركات ومصانع للاجانب والمستثمرين العرب وطرد العمال مسؤولين عن عائلات , ليه ما رجعت الاسباب للفساد المالي الموجود في الرياضه واتحاد الاذاعه والتليفزيون واقربها شراء 22 مباراة من " لعبة " كورة القدم ب 250 مليون جنيه
(مش كانت الفلوس دي كلها اولى بيها العائلات الي سيتك بتقول انهم بيقبضوا 100 ج شهريا)
حضرتك بتقول
" اللي بيسافر و عامل حساب البنزين غير اللي مش بيبقى فارق معاه بيشد براحته
لما كنت بشد بالاوكتافيا معدل الاستهلاك اللحظي كان بيعدي 25 لتر لكل 100 كيلو
لما كنت بثبت دواسه البنزين على 100 الاستهلاك اللحظي بيعمل 3.6 لتر لكل 100 كيلو
اعتقد الفرق ده الاولى بيه المحتاجين " اشمعنى احنا الوحيدين في العالم الي لازم ندفع ثمن كلها حاجة سواء كان سفر ولا شد بالعربيات ولا خروجات ما العالم كله بيعمل كده مفش حد بيحاسبه ليه دائما الي عايش كويس في البلد (مش اقصد فئه الاغنياء) يعني من الطبقة المتوسطه لازم نيجي عليه وهو الي لازم يدفع الثمن كل مره لييييييييييييييييه طيب على الاقل بالخارج كلهم بيتعاملوا معامله ادميه ولا بيستنزفوا من دفع ضرائب وجمارك ولا كهرباء ولا اسعار لبس واكل وشرب باسعار " خياليه " وبالرغم من كده احنا تقريبا عايشين وبندفع كل حاجة بمعنى كل حاجة بغير اسعارها الحقيقه وباضعاف اسعارها وكمااااااااااان مش عاااااااااااااااااااااااا ااااااااااااااااااااااااا ااااااااااجب
* بعيد بقى عن كل الكلام ده انا الحقيقه نفسي اعرف وصلت ازاي للاستهلاك 3.6 لكل 100كيلو ليه راكب عربيه 200 سي سي 2 سلندر !!! ده اقل شئ بيبقى في المانيوال بيبقى حوالي
7 لتر لكل 100 كيلو والاتوماتيك حوالي من 8.5 الى 10 لتر لكل 100 كيلو
معلش بس كلام حضرتك كان لازم يتعلق عليه بصراحه لانه استفزني جدااااااااااااااااااااا
وان الاختلاف في الراي لا يفسد في الود قضيه
المفضلات