انا بلغت قبل كده عن العيال بتوع الترامادول الي كسروا قزاز عربيتي قبل كده
وطبعا الامن عندنا مش فاضي((للهيافات))دي
عندهم قضايا تانية أكتر أهمية..زي تحرير مخالفات مرور للناس
...
وأنا فعلا عندي مسدس صـــوت(بريتا)
عرض للطباعة
حمد الله علي السلامة
متعمل باب حديد زي معظم الصيدليات ويكون فية فتحة صغيرة تتعامل من خلالها بالليل وبالنهار يتفتح عادي
أولا حمدا لله على نجاتك من البلطجية دول
بس فعلا حاول تكون حريص أكتر , و بلاش حسن النية اللي بيودي في داهية , لأن الدنيا فيها نماذج كتير لوحوش أدميه
بس تعرف , أول مرة ألاقي فايده للسجاير , لو مكانوش البلطجية دول مدخنين كان زمانك .... الحمد لله على ستره , وربنا يسترها معاك كمان و كمان
لا الة الا الله
عاالم معنجهاش ضمير ولا اخلاق
ربنا يسترها معاك يادوك
وشيع بين البلد انك معاك طبنجة ومرخصها
علشان الاشكال دة متفكرش تعملها تاني
حمدلله على السلامة
بس لازم تعمل باب حديد زي كل الصيدليات
وتخلي فيه شباك صغير تتعامل من خلاله
علشان يبقى امان ليك وللصيدلية كمان
لازم تاخد بالاسباب لان مبقاش فيه امان
الحمد لله انك بخير ي دكتور و ع فكرة ربنا سترها معاك عشان نيتك و اكيد عشان الخير ايلي انت عملتة قبل كدة و مفهاش حاجة ي دكتور لو جبت اليكترك احتياطي تحسبا ل اي موقف و ربنا يسترها معانا جميعا
مره زمان واحد اتقتل في صيدليه جنبنا بغرض السرقه
طبعا انا مش بقول الكلام ده علشان افول عليكم والعياذ بالله
ربنا يخليكم لاهاليكم ولينا
بس لازم الحذر
الصيدليه دي من بعد الموضوع ده عملوا باب حديد وشباك يبيعو منه
ومره شوفت في صيدليه عاملين زي درج في الحيطه
علي شكل نص كوره
تفتحه لبره والناس تحط الفلوس وتقفله عليك تاخد الفلوس وتحطلهم الادويه
ودا كويس علشان محدش يمد ايده لجوه
----------------------------------------
لازم يكون فيه سلاح في المكان
انا عندي مسدس بريتا في الدرج مش بتحرك بيه
وكان معايا مسدس جامو ضغط هوا بتحرك بيه
لان عندي المنطقه بالليل هاديه جدااااااااا
بجانب اني بحب الاسلحه
الجامو ده كويس جدا صوته مش عالي بس تاثيره قوي
وبيكون نسخه طبق الاصل من السلاح الناري
ده كان شكل اول واحد اشتريته
http://www.aceros-de-hispania.com/im...amo-auto45.jpg
وكان بحوالي 500 جنيه من 6 سنين وكان بيشيل 16 طلقه تقريبا او 12 مش فاكر عباره عن بلي معدني بيتضرب بضغط الهوا من اسطوانه co2
وبعد كده جيبت الموديل ده
http://www.fishit.com/Image/luftpist...stol-87044.jpg
وده من 3 سنين كان عامل 600 جنيه
بس اتسرق مع سرقه المحل
لاني مكنتش بحب امشي بيه كتير وكنت بسيبه في الدرج
حاليا مفيش عندي غير البريتا والحمد لله عمري ما استعملت حاجه منهم
غير اول واحد واثبت كفائه بمنظره بس من غير الضرب بيه
ربنا يسلمكم جميعا ويكفيكم شر ولاد التيت
ربنا يسترها معاك يا دكتور بس خاف على نفسك شوية وبلاش زيارات بالليل
حمدلله على سلامتك ياباشا
ربنا يستر طريقك وطريقنا اجمعين
حمداً لله على سلامتك يا دكتور
أنا قلبي وقف و أنا بقرا الوضوع الحمد لله إنها جت سليمه
حضرتك لازم تطلع حاجة علشان ربنا الهمك و نور بصيرتك و على اي حال حضرتك اخدت الثواب الي كنت اساسا طالع عشانة
ربنا يكتر من امثالك يا دكتور
الحمد لله انها جت على قد كده
+11111111111111
يا دكتور احمد انا اتصدمت انا متخيل موقفك وكويس انك عرفت تضربه وتملص منه
بس بجد ياريت تجيب اسبراي بتاع العين ده او اي اسبراي اي حد يتعرضلك ف عينه على طول
ربنا يحفظك ويحفظنا
الجري نصف الجدعنه
والجدعنه كلها ان محدش يطولك
:36_6_3[1]::36_6_3[1]::36_6_3[1]:
والله انا معرفش
انا عن نفسي عاوز اجيبه
بلغ اولاً + سلاح
ياخبر يادكتور
الله يكون فعونك علموقف دا...كل متخيل اني ممكن اكون مكانك مثلا
هات الكتريك محترم للمواقف الزفت دى وبعد ما ترقدهم بيه تعمل محضر محترم فيهم
الف حمد الله علي سلامتك يا دكتور
وانا اؤيد فكرة حزام وفيه(مسدس صوت _ الكتريك شوت _ سبراي فلفل احمر )
لا حول ولاقوة الا بالله والحمد لله انك عرفت تخلع من الأشكال ده.......
يا دوك مفيش حد بيفتح الصيدليه لمتأخر كده
ولو جيت عندنا بنها حتعرف كده.. كل الصيدليات الليليه بتحط علي بابها باب حديد وتقفله وتبيع من وراه
عشان بالليل ده الحشاشين والمدمنين بينتشروا زي الخفافيش.. ويدوروا علي اي حاجه يسرقوها
نصيحه ليك.. اعمل باب حديد علي صيدليتك... وبعد الساعه 12 اقفله وبيع من وراه
دا العمر مش بعزقه
انا رأي يا دكتور احمد انك تعمل بلاغ وتشوفلك واسطه كويسه
انا مش عايز اخوفك لكن دول مكنوش عايزين يسرقوك انت دول كانوا مخططين انهم ياخدو العربيه
الي جالك اللح عليك انك تروح معاه بالعربيه لو كانوا عايزين يقلبوك كان يبقى من مصلحتهم انك تروح مشي لأن هيكون موقفك اقوى وانت جوا العربيه وسهل انك تجري بيها عن لو انت على رجلك
يمكن الل خلاك تعرف تخلع منهم بعد ستر ربنا طبعا انهم كانوا قاعدين مستنيينك تدخل عليهم من اول الشارع بالعربيه ومكنوش متوقعين انك هتيجي مشي علشان كده مكنش رد فعلهم سريع لأن مش ده السيناريو الل هما محضرين ليه
واحمد ربنا واشكر فضله انه نجاك فى الوقت المناسب لأنهم لو كانو مسكوك أكيد كانو هيأذوك علشان متقدرش تتحرك او تجري وراهم بعد ما ياخدو منك مفاتيح العربيه
نصيحه شوفلك واسطه محترمه تجبلك العالم دي لأن الموضوع ده شكله مش مجرد محاولة سرقة تلتمية او ربعميت جنيه الل فى جيبك
طاب ولي امكانياتة الجسديه علي ادها يعمل ايه
يتشيع ولا ياخد علي قفاه
اكيد لازم يكون معاه
طبانجه
ويلبس كمان واقي ضد الرصاص او خبطه سييف او سنجه او حديده
وليكتريك شوك عشان ينيم الي حوليه علي الارض
وكمان يبخ في عنيهم الفلفل الاحمر
ويتكل علي الله بعد كل ده ويجري (وهو ده الي بيقولوا عليه الجر نص الجدعنه )
والجدعنه كلها ان محدش يطولوا :36_6_3[1]::36_6_3[1]:
والله ياشباب أنا عندي مسدس بريتا صووووت
وده معايا على طول في الصيدلية ..وباخده معايا في العربية وأنا مروح
علشان أنا سهران لوحدي بالليل..والصيدلية متطرفة شويتين
وعلشان بروح لوحدي بالليل(مش قبل 4 الفجر)من طريق زراعي مقطوع
بس الي حصل ده مكنتش واخد فيه خوانة خالص..وبالذات انها مش أول مرة أعملها وأخرج مع حد بالليل أدي حقن أو أعلق محاليل
والحمد لله ...جت سليمة
وبالنسبة للبلاغاات..أنا بلغت مرة قبل كده عن عيال شمامة كانوا عاوزين ترامادول..وكسرولي قزاز العربية
لكن ماجابتش أي نتيجة خااالص..ولاحتى حد عبرني من الشرطة وجه يعاين التلفيات ولا أي حاجة
اهم حاجة حاول ان يكون معاك اى حماية وخلاص وربنا اللى بيستر اهم حاجة تحمى نفسك بأى حاجة
حمد الله على سلامه حضرتك وقدر الله وما شاء فعل وخلى بالك لانهم كانوا مخططين ودارسين المنطقه كويس وممكن يرجعوا تانى بس هتلاقيهم فى الصيدليه على طول خلى بالك