هاتلك اليكتريك شوك لازم يكون معاك
عرض للطباعة
هاتلك اليكتريك شوك لازم يكون معاك
يا جماعة كل وسائل الدفاع عن النفس لا تصلح للدفاع ضد هجوم من اكثر من شخصين يعني فوق 3 اشخاص العملية محتاجة خبير في في فنون القتال حتي لو معاة سلاح ...هايبقي صعب علي واحد عادي (محترم يعني) انة يتعامل مع 3 او 4 بلطجية شغلتهم الضرب واحداث اصابات بمطاوي او سنج وسيوف..ودي مهنتهم ايلي عايشين عليها ليل ونهار....لازم هو كمان يكون زيهم او متقدم عنهم.....
ودة ايلي بينصح بية اغلب مواقع السلف ديفنس الامريكي...رد هجوم علي اكثر من مهاجم مع بعض...محتاج مهارات متقدمة في بعض رياضات الدفاع عن النفس..زي الساموراي الياباني او الوشو (الكنغ فو الصيني)
شفت فيديو حلو قوي عن طريقة اسمها Ground Fighting ودي الضحية بيوقع نفسة علي الارض ويبتدي يستخدم رجلية في حركات اكروباتية لرد اي هجوم من اي ناحية مع وجود عصاية في ايدة....لصد اي محاولة اصابة بسلاح ابيض ممكن تشوفوة هنا
وانا شفت العصاية الحديد الامريكي برة ايلي بتتفرد وتنضغط هي ثمنها حوالي 220 جنية ..بس تحفة وفي الاخر عصاية ..ياريت اعرف رأيكوا فيها اية..
ألف حمدلله على سلامتك يا دكتور.
ايه يا جدعان؟؟؟ عايشين في غابة؟؟؟؟؟؟
نروح فين يعني ، البلد دي ماعدش لينا فيها عيشة والله!
الحمد لله على سلامتك يابو حميد
ربنا نجاك من مصيبه كبيره...لازم تتصدق باى حاجه
ولو بعلبة دوا لواحد محتاج
وربنا معاك طالما بتعمل خير
حمد لله على السلامة يا دكتور
المهم انهم كانوا منشنيين على العربيه بالذات مش على اى حاجه تانيه
ربنا يسترها معانا
حمد لله على سلامتك يادكتور
وياريت تشوف حد يكون معاك بصفة مستمرة فى الصيدلية بالليل
بالنسبة لموضوع الدفاع عن النفس ده..
أنا زمااااان كنت بلعب بوكس..وأعتقد إنه لو كان واحد بس(يمكن)مكنتش هجري..وكنت هقدر أتعامل معاه
لكن دوووول كانوا حوالي 5 أو 6
يعني هنا لازم نقول..الجري كل الجدعنة
..........
وأنا شاكر جدااااااا لكل الشباب على التفاعل مع موضوعي
كلهم..كلهم
والحمد لله..
أنا من ساعة مافتحت الصيدلية ..وأنا بسهر بالليل(ببساطة علشان أنا من ساهري الليل..ومش ورايا حاجة الصبح أعملها)
والموضوع ماحصلش بالخطورة دي قبل كده
بس ربنا ستر جدا
الف حمد الله على سلامتك يا دكتور احمد وربنا يكفيك شر ضعفاء النفوس والحثالة اللى بقوا مالين البلد الوسخة اللى احنا عايشين فيها دية
والله معارف اقولك اية بس الحمد الله على كل حال وربنا يا رب يحفظك من كل شر ويبعد عنك ولاد الحرام ..
حمد لله على السلامة
حالك بقى يكسف يا بلد
:(
حمد الله على سلامتك يا دكتور أحمد
والحمد لله إنك أخدت بالك وجريت فى الوقت المناسب
ولازم تأمن نفسك أثناء سهرك بالليل لأن البلد للأسف مبقاش فيها أمان
أنا لسة شايف الموضوع
الحمد لله انها جت سليمة
فعلا بقت حاجة تقرف
أنت عملت الصح ، حتى لو واحد مكنش ينفع تقف ، الطريق ضلمة ومفيش حد بيقلب حد لوحده ، دايماً بيكونوا فى جماعة.
حصلت مع واحد صاحبى فى شارع ضلمة كان ماشى لوحده طلع عليه 3 ، مجريش ، فضربوه وسرقوا منه الموبايل وكل اللى معاه وخد مطواه فى دراعه اليمين.
الجرى مش جبن أبداً ، الغباء هو اللى يخليك تقف فى مواجهة نتيجتها محسومة.
سلاح العصى والنونشاكو أفضل أسلحة الدفاع عن النفس بعيد عن الأسلحة النارية والاليكتريك شوك ، لو بتعرف تستخدمهم قتالياً بطريقة مظبوطة ، هتقدر تتصدى لمواجهة 3-5 مستريح أوى.
الحمد لله انك بخير
بلاش تخرج من الصيدليه مع شخص غريب متعرفوش
حمدالله عالسلامه .. قدر و لطف
حمد لله على السلامة يا دكتور
حرص و لا تخونش
معلش يامان انا لسة واخد بالى من الموضوع
ولاد ال....................... تيييتتت
مخلوش لأولاد الحلال حاجة حاول تخلى معاك اى حاجة تدافع بيها عن نفسك
انا عن نفسى بقيت بعمل دا ... بس طبعا قانونى ياباشا
مسدس9 ملى مرخص :gun_bandana:
بعد موقف من كلاب الشرطة مرضيوش يقفوا معايا على طريق مصر اسكندرية من سنتين الساعة 1 بالليل والعربية بايظة
لاء واية عربيتين شرطة الاتنين يقولولك خلى بالك دا فى ناس بتقلب اللى بيوقف هنا
طيب استنوا معايا 10 دقايق الونش جاى فى الطريق ... ولا الهوا
وطبعا العربتين خلعوا وكان معايا ناس اجانب .... تخيل ويقوللك اية خلى معاك الكوريك فى العربية لو حد طلع عليك
عالم .............تييييييييييييييييي يييييييييييييييييييييييي يييييييييييييييييييييييي يييييييييييييييييييييييي يييييت
هههههههههههههههه
اه ونسيت
درع واقي ضدد الرصاص ( تموووووووويه)
جوانتي عشان البصمات (رايحين نسرق بنك)
نظارة اشعة تحت الحمراء وفوق البنفسجية (مش عارف ليه)
4 بودي جارد (من الجيم اللي علي اول الشارع)
4كلاب مدربين كويس (تاكلهم لحمة نيه)
4 عربيات جيب شروكي موديل 2010 (من عند الطارق )
غير كده انتا تستني في الصيدلية وكل واحد داخل البودي جارد ياخدوه البطاقة منه
ويفتشوووووووووه (داخل امن الدوله):policeman:
ههههههههههههههههههههههههه ههههههههههههه
هههههههههههههههههههههههه
حمد الله علي سلامتك
الناس بقت فظيعة بجد
واحد بيحكيلي النهاردة كان بيتكلم في الموبايل لقي واحد بموتوسيكل خطف منه الموبايل وجري!
ربنا يعافينا
اشترى electric
الف سلامه
والحمد لله انك قدرت تفلت من ولاد ............ دول
الحمد لله انك بخير
هيا فعلا كانت مستحيلة اوى .... ومش شرط وسايط فى ناس كتيير ومعاها وسايط بالهبل بس مبيقدروش يعملوها بسهولة
بس عملتها بردة مع وجود وسايط وكمان لانى صاحب شركة مقاولات وعلى فكرة بيتعمل عليك احلى تحريات وعن
انتمائتك السياسية و عيلتك كمان يمكن بتوصل لاقارب انت نفسك متعرفهمش خالص
او لو زهقت اوى هات واحد صوت .... هيا فكرة وجود المسدس مش بتحسسك بالامان قد ما بتخوف اللى قدامك لان اللى
عايز يقلبك دا بيخاف وبيترعب أكتر منك ..... الحارس هو الله
هوا كان عايز ايه منك يعني ؟
لو عايز يسرقك كانوا اقتحموا عليك الصيدليه
لكن انتا هاتروح بيت بفلوس كتير يسرقوها ؟!!
لازم تبلغ البوليس طبعا
وممكن تطلع رخصه سلاح