الموضوع: كنز حقيقي لمالكي citroen c4 لا يصدق .. آسف لمهندسين التوكيل ... نص شغلكم إتعرف ..

المشاركة الأصلية كتبت بواسطة nadeem2009

c4owners: Downloads

الموقع الموضح بالأعلى فيه كنز كبير جداً لكل مالكي ستروين سي 4 ... لإنه ممكن تنزل من عليه كاتالوجات pdf بالصور والشرح لكيفية عمل حاجات كتيييييييييرررر في العربية دي .. والحاجات دي ممكن تفيد ناس كتير ... وكمان حتي فنيين الصيانة ... والله كنز كبير لينا كلنا .. ومن ضمن المواضيع إللي نزلت كتالوجاتها الآتي :

1- الدوائر الكهربائية للسيارة وشرحها وكيفية قراءتها .
2- كيفية تركيب أمبليفاير و كاسيت جامد في العربية .
3- كيفية تركيب سماعات جامدة بدون التأثير علي كمبيوتر السيارة .
4- كيفية تغيير تيل الفرامل الأمامي والخلفي .
5- كيفية تصليح الأعطال الكهربائية بالسيارة .
6- كيفية تركيب بخاخات مياه لتنظيف الأنوار الأمامية .
7- كتالوج المبادئ الكهربية لتشغيل السيارة .
8- كيفية تغيير ألوان لوحة السرعة والعداد الرئيسي وعداد ال rpm .

وغيرها كتير من المعلومات القيمة والمهمةبس خلوا بالكم أن الحاجات دي بلاش تعملوها إللا لما تكونوا متأكدين من كيفية تنفيذها أو تنفذوها عند الفنيين المختصين .. والميزة الحقيقية في كل ده إنك تبقى فاهم إيه إللي هايحصل في عربيتك بالظبط .

ملحوظة : الموقع مش هايسمحلك إنك تنزل غير 3 كتالوجات بس في اليوم الواحد .

الله ينور عليك يا استاذ نديم حضرتك تغيب تغيب وترجع بالمفيد

المشاركة الأصلية كتبت بواسطة ahmed_nubira

مفيش حد عنده استعداد للقراءه والفحص والاكتشاف خصوصا فى عربيه زى دى

ليه بس كده الأفكار التشاؤمية دي يا أحمد بيه ... معلش يعني مع إحترامي لوجهة نظرك لكن الفخامة والجودة العالية والمميزات الكتيرة جداً في العربية دي موجودة في مقابل التعقيد اللي في العربية دي ... وبعدين أنا كنت راكب نوبيرا 2007 زيرو أنا أول يد فيها ولما بعتها عشان أشتري ( عربية زي دي ) إكتشفت إني ضيعت 3 سنين من عمري في آلام الظهر وعدم الإستقرار علي السرعات الأعلى من 120 كلم \ ساعة وقصر عمر قطع الغيار ( الأصلية ) ... والعفشة التعبانة الطرية جداً .. والعزم القليل نتيجة لحجم العربية الكبير ... والتابلوه اللى يفتقر لأي لمسة فخامة أو شياكة أو عملية حتى ... و كله كووووم والتصميم الخارجي للعربية كوووم تاني خالص بقه .. طبعاً لا تعليق .. عموماً لمعلوماتك يابو حميد الحاجة الوحيدة المعقدة فعلاً هي الكهرباء بتاعتها ... غير كده العربية زي الفل ... وبعدين الموضوع إللى أنا كاتبه ده واضح إنه من أكتر 3 مواضيع في المشاهدة في منتدي الستروين ... وعلى فكرة أنا كتبت الموضوع ده عشان الناس تستفيد ... يعني قصدي خير والله .. فلو عندك كلمة حلوة قولها .. ماعندكش يا ريت ماتقولش كلام محبط زى ده ...

جزاك الله كل خير

المشاركة الأصلية كتبت بواسطة nadeem2009

ليه بس كده الأفكار التشاؤمية دي يا أحمد بيه ... معلش يعني مع إحترامي لوجهة نظرك لكن الفخامة والجودة العالية والمميزات الكتيرة جداً في العربية دي موجودة في مقابل التعقيد اللي في العربية دي ... وبعدين أنا كنت راكب نوبيرا 2007 زيرو أنا أول يد فيها ولما بعتها عشان أشتري ( عربية زي دي ) إكتشفت إني ضيعت 3 سنين من عمري في آلام الظهر وعدم الإستقرار علي السرعات الأعلى من 120 كلم \ ساعة وقصر عمر قطع الغيار ( الأصلية ) ... والعفشة التعبانة الطرية جداً .. والعزم القليل نتيجة لحجم العربية الكبير ... والتابلوه اللى يفتقر لأي لمسة فخامة أو شياكة أو عملية حتى ... و كله كووووم والتصميم الخارجي للعربية كوووم تاني خالص بقه .. طبعاً لا تعليق .. عموماً لمعلوماتك يابو حميد الحاجة الوحيدة المعقدة فعلاً هي الكهرباء بتاعتها ... غير كده العربية زي الفل ... وبعدين الموضوع إللى أنا كاتبه ده واضح إنه من أكتر 3 مواضيع في المشاهدة في منتدي الستروين ... وعلى فكرة أنا كتبت الموضوع ده عشان الناس تستفيد ... يعني قصدي خير والله .. فلو عندك كلمة حلوة قولها .. ماعندكش يا ريت ماتقولش كلام محبط زى ده ...

معاك حق اللي يركب فرنساوي يضايق علي الوقت اللي ضيعه في الكوري مجهود مشكور جدا وياريت لو ليك تجارب مع عربيتك تقلنا حصل ايه واتصرفت ازاي ....زي اعطال متكرره او مفاجئه...