شاريد 2007

**ahmedmohieeldin** · 11-06-2010 02:31 PM

السلام عليكم ياجماعة...انا الحقيقة بقالي فترة بدور على عربية استعمال نظيف في حدود الخمسين الف وامبارح اتعرض عليه شاريد 2007 كاملة اتوماتيك عاملة 50000 كلم والراجل اول كلام عنده 50000 جنيه...كده كويس ولا كتير ولا اييييه...وبعدين انا بصراحة ماليش في الميكانيكا قوي..العربية دي كويسة ولا ايه...وفين الاقي مرجعية كويسة اقرا فيها عن تجارب ملاك الشاريد....افيدوني جازاكم الله خيرا

**slim_shika** · 12-06-2010 02:11 PM

بص يا باشا, اللي أعرفه إنها بتبتدي من 45 لحد 53-54 حسب الحالة. قطع غيار مقدرش افيدك, بس بالنظر كده العربية مش منتشرة, بس أكيد ليها سكة في الحرفيين.

إنت لو عجباك أكيد هتكشف عليها في بنزينة, لو هي فعلا نضيفة وجوه وبره, يبقى مش كتير 50 بشرط إنك تاخدها متصرفش عليها غير الصيانة العادية (زيت وفلتر - الخ..)

وبرده شوف رأي بقيت الاعضاء. وبالتوفيق.

**أبو عبدالله** · 12-06-2010 03:16 PM

هو لو عرفت تنزلك الفين كمان او تلاته يبقى كويس
وبرضه الموضوع بيرجع لمدى احتياجك للعربيه دي فعلا
يعني البيع والشراء كده

وعلى فكره فيه على موقع كونتاكت عربيات اقل في الكيلوهات وارخص 5 الاف من سعرك كمان ياريت تشوفهم برضه

عالعموم العربيه كويسه
بس طبعا قطع الغيار مش هتلاقيها اظن غير في التوكيل وحرفيين عند اكثر من محل مثل اوشين وغيره
بس رايي عربيه محترمه
انا نفسي اجيب واحده وكنت فعلا من قريب بشتري واحده ولكن حصلي ظروف
وربنا يوفقك ان شاء الله للخير
ولكن اتأكد ان العربيه نظيفة

**ahmedmohieeldin** · 14-06-2010 10:06 AM

(بص يا باشا, اللي أعرفه إنها بتبتدي من 45 لحد 53-54 حسب الحالة. قطع غيار مقدرش افيدك, بس بالنظر كده العربية مش منتشرة, بس أكيد ليها سكة في الحرفيين.

إنت لو عجباك أكيد هتكشف عليها في بنزينة, لو هي فعلا نضيفة وجوه وبره, يبقى مش كتير 50 بشرط إنك تاخدها متصرفش عليها غير الصيانة العادية (زيت وفلتر - الخ..)

وبرده شوف رأي بقيت الاعضاء. وبالتوفيق)

متشكر جدا سليم باشا على ردك...انا كمان شايف انها مش منتشرة بس كمان شايف انها الافضل في الفئة السعرية الي معايا وانا ليه واحد صاحبي بيفهم في العربيات وهو هيكون معايا انشاء الله

**ahmedmohieeldin** · 14-06-2010 10:15 AM

المشاركة الأصلية كتبت بواسطة أبو عبدالله

هو لو عرفت تنزلك الفين كمان او تلاته يبقى كويس
وبرضه الموضوع بيرجع لمدى احتياجك للعربيه دي فعلا
يعني البيع والشراء كده

وعلى فكره فيه على موقع كونتاكت عربيات اقل في الكيلوهات وارخص 5 الاف من سعرك كمان ياريت تشوفهم برضه

عالعموم العربيه كويسه
بس طبعا قطع الغيار مش هتلاقيها اظن غير في التوكيل وحرفيين عند اكثر من محل مثل اوشين وغيره
بس رايي عربيه محترمه
انا نفسي اجيب واحده وكنت فعلا من قريب بشتري واحده ولكن حصلي ظروف
وربنا يوفقك ان شاء الله للخير
ولكن اتأكد ان العربيه نظيفة

مانحرمش منك يا اخ ابو عبدالله...انا فعلا هحاول انزل ثلاثة معاه وربنا يكرم..وانا فعلا محتاج العربية لاني من بنها وبروح واجي كل يوم وعاوز عربية ماتاكلش بنزين وفي نفس الوقت تستحمل السفر اليومي ...وانا فعلا بصيت في كونتاكت وبالمناسبة العربية دي انا شفتها في كونتاكت وفعلا في اقل من السعر ده وكيلو اقل بس دي كاملة يعني تفرق عنهم في الباور والزجاج كهربا والمرايات كهربا وبيني وبينك اللون (احمر) وبالنسبة للصيانة انا انشاء الله ناوي احترمها ومش مشكله اروح اعمل الصيانة في التوكيل لو العربية نظيفة وتستاهل ...انشاء الله الظروف الي عندك تكون انتهت على خير وربنا يرزقنا ويرزقك ..

**ahmedmohieeldin** · 14-06-2010 10:17 AM

الراجل مش عارف اقابله كل شوية يحصل له ظرف...مش عارف بيتقل بقه ولا ايه...اخر ميعاد معاه النهارده..ادعولي لو في خير ربنا يكرمني...وابقى دايهاتساوي صغنووون مع الدايهاتساوية العتاولة الي في المنتدى

**mohamed_rhem** · 14-06-2010 12:33 PM

بص يا باشا لو الميزانية تسمح

هاتلك سيريون 1300 اتوماتيك 2007 حتبقي في حدود 60 الف جنيه

**mohamed_rhem** · 15-06-2010 09:29 AM

طيب الحمد لله علي كل حال

الشاريد ضعيفة جدا وده عن تجربة حقيقية في الشد والتحميل والسفر لمسافات طويله

انما لو جوا البلد واسرتك صغيرة و اخرك في السرعة 120كم فده تبقي مناسبة جدا طبعا مع سفر قليل علشان متهلكهاش بسرعه

ولو تقدر برضه تضغط علي نفسك شويه وتحاول تجيب سيريون في حدود 55 صدفني فارق كبير ويستاهل تزنق نفسك

الموضوع: شاريد 2007

LinkBack

أدوات الموضوع

عرض

-

-

-

-

المواضيع المتشابهه

دايهاتسو شاريد 2007 للبيع

مطلوب شاريد 2007 اتوماتيك

شاريد 2007 للبيع

شاريد 2007 .. !

عايز مرايتين شاريد 2007 كهرباء

الكلمات الدلالية لهذا الموضوع

المفضلات

المفضلات

ضوابط المشاركة