الرجاء الافادة ايهما افضل الانسر1600 اوتو ام كيا سوراتو هاى لاين

**marvel** · 16-06-2010 08:40 PM

الف الف شكر على الردود الحلوة لكن ما حدش رساك على بر

**nonopopo** · 16-06-2010 09:11 PM

المشاركة الأصلية كتبت بواسطة amrseba

طب انا هقولك على حاجه لازم محدش يشتكى من العربيه ديه موديل 2010 ياعنى ملحقتش انا بقول فى المستقبل وانا بقول كان معايا سيفيا بهدلتنى وعارف الكورى عامل ازاى مش بتكلم من فراغ تجربه صعبه و قاسيه اولا الواحد ابتدا يشوف النترا من سنه 2007 والنترا القديمه قليله جدا جدا والنترا الجديده حاجتها خفيفه وتعبانه وماتورها مش بتاع لعب ولا بهدله ثانيا فتيس لانوس وانا ماشى فى الشارع ومشى جامبيه واحد معاه شيفورليه لانوس بسمع النقله عارف ياعنى ايه بسمع النقله وموديل السنه ما علينا ولو هنتكلم لانسر فى التجديد يبقى نتكلم على الشارك بقى صح والاتنين موجدين الى عايز يشترى ديه اهلا وسهلا والى عايز يشترى ديه بردو موجوده والتوكيل لاقى حب الناس للعربيه ديه فا بينزلها لاغيت دلوقتى عشان يدى فرصه للى عايز يشتريها والى حاببها والى عايز يجدد قدامه الشارك برده وتحياتى لحضرتك

نحياتي ليك وجه نظر تخترم لاكن برده السيراتو احلي

**ahmzd** · 17-06-2010 06:59 AM

أنا أيضا وع احترامي الشديد لكل الآراء: لا أحترم الكوري على الإطلاق.. أنا معي بوما 2006 لم أشتكي منها على الإطلاق في أي شيء.. وأنا لا أدافع عنها فكل سيارة في الدنيا بها مميزات وعيوب، والكمال لله وحده.. وإن سالني سائل عن السيارة التي أحترمها وأتمنى ركوبها فالمرسيدس ثم المرسيدس ثم المرسيدس.. ولكن أين الإمكانيات؟ الحمد لله على كل حال!!!!

**M.ABDEEN** · 17-06-2010 09:41 AM

المشاركة الأصلية كتبت بواسطة amrseba

لا والله انا معنديش عقده يابانى ولا حاجه وان بردو مقولتش السيراتو وحشه انا جربت انواع عربيات كتير كان معايه ريجاتا وبعدين جبت سيفيا ندمت انى جبتها الريجاتا كانت احسن منها بعد كده جبت تمبرا وبعدين جبت تويوتا

اولا السيفيا كانت معايه بهدلتنى فى العفشه والفتيس الاوتو
ابن خالتى معاه شوما عربيه مفككه و طول مانتا ماشى بيها تحس ان العربيه فيها حاجه غلط
اخويه معاه نوبيرا مخلعه
ياعنى انا مش بتكلم من هوا

مع خالص الاحترام لساعتك
النوبيرا ازاي تبقى مخلعة يعني خردة مثلا ولا ايه ؟؟؟؟؟؟؟؟
وبعدين سيفيا مع كتير وبدون مشاكل عويصة
شومة من العربيات الكويسة جدا
كلامي مش دفاعا عن الكوري وانه احسن من اي حاجة بس ممكن اللي حضرتك بتقوله يكون فردي مش اكتر

**Ahmmansour** · 17-06-2010 09:58 AM

خليك فى اليابانى أضمن واللى أحسن الأوروبى

**ldsaklf** · 17-06-2010 10:32 AM

خليك في السيراتو شكل جديد عربية احدث كماليات اكتر عايز تعرف السيراتو معمرة ولا لآ اركب الشيب الي قبلها وانتا هتعرف

**george_2you** · 17-06-2010 06:03 PM

اللة ينور ويزيدكم علم

**george_2you** · 17-06-2010 06:04 PM

اةةةة نفسى فى الاسكودا لكنننننن ولا بلاش

عايز على كد ال120000

**amrseba** · 17-06-2010 06:07 PM

المشاركة الأصلية كتبت بواسطة m.abdeen

مع خالص الاحترام لساعتك
النوبيرا ازاي تبقى مخلعة يعني خردة مثلا ولا ايه ؟؟؟؟؟؟؟؟
وبعدين سيفيا مع كتير وبدون مشاكل عويصة
شومة من العربيات الكويسة جدا
كلامي مش دفاعا عن الكوري وانه احسن من اي حاجة بس ممكن اللي حضرتك بتقوله يكون فردي مش اكتر

معلش انت ماشوفتش المعانه الى حصلتى عشان كده انت تقول مفيهاش حاجه والشوما عربيه معموله غلط والسيفيا عايزه الحرق وانا سوقت كذا عربيه ومجرب اولا السيفيا الى بيقول مفيهاش مشاكل كتير يبقى بيكدب والشوما المفككه والعفشه تعبانه فعلا طول منا ماشى بسمع صوت زقزقه وكركره والباب يزيق وعمل ايه الاقى صوت فجائه راح ظهر حاجه خلتنى اشد فى شعرى والنوبيرا مشاكل الفتيس الاوتو هيا والسيفيا و نخش فى العفشه كل اسبوع عند العفشجى مش عاوز اقولك لو دوست على اى حاجه اى حاجه لازم احس بيها يا راجل وبردو انا اكتر حاجه بكرها حكايه فردى ديه عشان كل واحد يقول مشكله فيها لازم تبقى فرديه ياعنى انا كنت سايق حاجه غير كيا ولا دايو وانا لو فيه شركه عملت عربيه واحد سيئه تبقى شركه لا تستحق و اشمعنا التيوتا والميتسوبشى والفيات ولا اوبل ولا هوندا ولا بيجو حتى لو موديل قديم والحاجات ديه مفيهاش حد بيقول فرديه وانا هقولك على حاجه الناس الى معاها كورى بتغير العفشه كل اد ايه عارف التمبرا الى معايه بالها 6 سنين معايه وقبل كده كانت مع واحد صاحبى وهيا موديل 93 العفشه الفبريكه لسه شغاله ياعنى 17 سنه العفشه زى الفل وبشتغل بيها لحد انهرده هو ده الفرق بين اليابانى او الاوروبى والكورى
وتحياتى ليك

**mohamed1979** · 17-06-2010 06:27 PM

المشاركة الأصلية كتبت بواسطة amrseba

يا راجل الكيا مفيهاش مشاكل ولا كل لما واحد يقول مشكله يقولك ديه مشاكل فرديه ياعنى انت وحظك ربنا رزقك بعربيه كويسه خير وبركه ربنا مبيحبكش اداك عربيه فيها مشاكل فرديه البس العربيه بقى ولو العربيه انا هشتريها عشان 124 حصان بس ماتورها ميكملش 5 سنين ويريح منى ويبقى خفيف يبقى يغوووووووووووور ال124 حصان وفيه حاجات غير الحصان فى العربيه الوزن العربيه وحاجات كتير وكمان انا هقولك على حاجه الكورى عمتا اول3 سنين او 4 سنين تبقى زى الحلاوه وجرايه واحلى شغل بعد كده تحس ان العربيه مفككه من تحتيك وعفوا لكل ملاك السيراتو لكن هذه هى الحقيقه بعد تجربه اكتر من عربيه كورى (كيا سيفيا - كيا شوما - هيونداى اكسنت - هيونداى فيرنا - دايو نوبيرا )

انا مكنتش ناوى ارد فى الموضوع بس لما جت سيره السيفيا حرد و اوعا تزعل من كلامى
جبت العربيه السيفيا من 2001 و بعتها فى 2009 عامله 185000 الف
كل الى غيرته فى الفتره دى كانت علبه دركسيون على 120000 الف و اربع مساعدين على 140000 الف
وبايعها فابريكه كلها من الأكصدام الى الأكصدام

الأكسنت ال 1500 شاريها مستعمله من واحد صاحبى عامله 110000الف و قعدت معايا حوالى 3 سنوات عملت فيهم 35000 الف مغيرتش غير المساعدين الخلفى و صاحبها الأول كان مواظب على صيانتها دائما و كانت فابركه بالكامل زى ما كانت زيرو ولغايه ما اتباعوا كانو بيجيبوا ال 200 عادى جدا
العربيتين الكورى لا وقعوا بعد 3 او 4 سنين ولا حاجه و اصحابهم بيدعولى لغايه دلوقتى
الفرق فى الأستخدام و طريقه السواقه
حضرتك ممكن تكون اشتريت عربيات متهانه و متبهدله او طريقه سواقتك عنيفه على العربيات