المشاركة الأصلية كتبت بواسطة ahmedbahi76
صباح الفل على الجميع
يا جماعه أولا الكيا النيو سيراتو 107 حصان ولكن الموتور لوحده (( خارج السياره بدون تركيب مستلزماته يدي 124 حصان ))
وانا اشتريتها بعد التويوتا علشان قلت شكل جديد وانتشار واسع وبلاش عقده الياباني وكله بقه زي بعضه وكمان شكل اللانسر بقه قديم.
والحمد لله اشتريت نيو سيراتو سعودي فتيس تربتونيك جنوط 15 وذلك منذ 3 شهور وعامل بيها حوالي 2700 كم وشكويتي منها كالاتي :-
1 - عفشه ناشفه وخصوصا القسم الخلفي
2 - الكونسول فيه سخونه خفيفه
3 - اداء الموتور من سرعه 30 كم الى 60 كم غير جيد (( يمكن لأن التويوتا كانت 2000 أتوماتيك مش 1600 ))
4 - صوت الموتور عالي
أما المميزات كانت كالاتي :-
1 - شكل جديد وجميل
2 - كماليات أكثر من اللانسر
3 - الصالون أجمل من اللانسر
يمكن لو كنت ركبت اللانسر و سوقتها كنت اشتريتها
فرأي الشخصي لازم تركب وتسوق الاثنين علشان لا تندم
أخوك
أحمد بهي الدين