الموضوع: فية اية

العربيه دى حكايه اقوللك ايه عنها قوه ومتانه وشياكه واداء عالى انا معايا واحده 88 بس لو قالولى اركب لانسر او تويوتا 2010مش ها ركبهم عربيه صلبه وثقيله على الارض وما حدش يقدر يشد معاك على طريق فى معظم السيارات الحديثه قوة عزل داخلى جبارة ويكفى اقولك بمجرد ما تقفل الزجاج تحس انك مش ماشى وسط عربيات كل هذا واكثر وقطع الغيار بتاعتها متوفره وسعرها جيد يعنى اقل من العربيات الحديثه بكثير وعيوبها ليست جوهريه مثل استهلاك الوقود واشتغالات الصنايعيه يعنى الحاجه اللى بتتعمل ب50 جنيه يقولك 100 جنيه لفهمهم ان راكبى المرسيدس دول حراميه والعربيه دى قليله الصيانه يعنى لما تروح لميكانيكى ها تنساه على ما تروح له تانى بس لو جبت عربيه مشنه وده معظم المعروض للبيع ها تندم وتخرب الدنيا معاك وسعرها يبدأ من 70 الف لحد 120000 حسب الموديل والحاله

المشاركة الأصلية كتبت بواسطة eng.octooo

طيب اية الموديل الى انت عاوز تستفسر عنة ؟؟ او ميزانية حضرتك كام ؟؟ ومتوقع اية منها ؟ واية العيوب الى خايف منها ؟

وعربية حضرتك الحالية اية ؟

علشان نجاوبب حضرتك بتخصص شوية

اعزرونى على تاخرى فى الرد اصلى لسة راجع من اسبوع ايقاف بعيد عنك
1 انا عايز عربية تكون كويسة مش فارقة الموديل بس لو عالى هيكون احسن
2 الميزانية فى حدود من 70 الى 90
3 انا بسافر كتير وبمشى مسافات طويلة بتصل ل12 ساعة متواصلة وكل الى انا خايف منة العربية تعملها معايا فى الصحرا وتقف انا عارف ان كل حاجة قديمة مشاكلها بتظهر بس الزلموكة دى عاملالى ارتيكاريا ونفسى اركبها فى مقولة بتقول old is gold علشان كدة انا حاببها جدا
عربيتى الموجودة حاليا نوبيرا 2007

انا كان معايا e230 موديل 1990..بجد عمري ما هسوق حاجة زي كده..والله لو جبتها تبقي عملت صفقة العمر..انا سقت اللانسر لأني ناوي علي واحدة اليومين دول بس اللانسر سواقتها زي الزفت-سوري ع اللفظ-بعد سواقة المرسيدس..بتديك ثقة غير طبيعية والعربية دركسيونها الباور بتاعه حكايه وعلي فكر العربية دي مصنفة علي انها افضل عربية صنعت في تاريخ صناعة السيارات ولو حضرتك بحثت ع النت هتتأكد من كلامي.بس عيبها انك تلاقي نفسك جايب ع العداد 180 أو 200 وتحس انك ماشي علي تسعين من الراحة!!!حاول لو تجيبها بأي وسيلة ومفيش صدقني أي سيارة تتقارن بيها غير لو جبت حاجة زي الـs500 مثلا بجد في الراحة ومس تنسي تجيبها اوتوماتيك وفتحة سقف..توكل علي الله واستخير وربنا يوفقك ومش تنسي تكشف عليها بدقة عشان في زلموكات بتكون معمولة نصاص وربنا معاك..

المشاركة الأصلية كتبت بواسطة a7medheaders

انا كان معايا e230 موديل 1990..بجد عمري ما هسوق حاجة زي كده..والله لو جبتها تبقي عملت صفقة العمر..انا سقت اللانسر لأني ناوي علي واحدة اليومين دول بس اللانسر سواقتها زي الزفت-سوري ع اللفظ-بعد سواقة المرسيدس..بتديك ثقة غير طبيعية والعربية دركسيونها الباور بتاعه حكايه وعلي فكر العربية دي مصنفة علي انها افضل عربية صنعت في تاريخ صناعة السيارات ولو حضرتك بحثت ع النت هتتأكد من كلامي.بس عيبها انك تلاقي نفسك جايب ع العداد 180 أو 200 وتحس انك ماشي علي تسعين من الراحة!!!حاول لو تجيبها بأي وسيلة ومفيش صدقني أي سيارة تتقارن بيها غير لو جبت حاجة زي الـs500 مثلا بجد في الراحة ومس تنسي تجيبها اوتوماتيك وفتحة سقف..توكل علي الله واستخير وربنا يوفقك ومش تنسي تكشف عليها بدقة عشان في زلموكات بتكون معمولة نصاص وربنا معاك..

ربنا يستر انا عارف ان العربيات بقى فيها لعب كتير اليومين دول بس حضرتك بعت الزلموكة لية ؟ مدام بتحبها اوى كدة

المشاركة الأصلية كتبت بواسطة mo7amed3afifi

السلام عليكم ورحمد الله وبركاته..
انا من قسم البي ام وان شاء الله ناوى اجيب واحده بس بسئل لو حد عنده فكرة لو جبت العربية دي من بره مصر ممكن تكون جماركها كام؟؟...وهل ينفع انقل ملكيتها ولا لازم افضل معلق جمرك علي طول؟؟
وجزاكم الله كل الخير..

محمود باشا
الى اعرفة ان علشان تجييب عربية من برة لازم تكون موديل حديث ولو موديل قديم تكون انتا اول مالك ليها
بس التفاصيل مش عارفها اوى يا ريت حد من الخبراء يفيدنا