الله يجا ذى شركه الامل

**hish172005** · 11-06-2010 10:24 PM

الله يجاذى شركه الامل على اللى عملته فينا...صحيح لما هى مش اد الحاجه بتعملها ليه..حجذت انا وواحد صاحبى السيارهbyd gli فى احد المعارض واتصل صاحب المعرض بالمسؤلين فى شركه الامل لمعرفه الاستلام واخبروه بالاستلام بعد اسبوع وبناءا عليه بعنا عربياتنا لتجهيز باقى المبلغ ..وبعد اسبوع ابلغونا بالاستلام بعد اسبوع كمان وفضلنا مستنيين لما عدى الاسبوع التانى وظلت الوعوود الكاذبه حتى مر شهر ومش عارفين امتى الاستلام وبعد ما كنا راكبين عربياتنا بئينا نتشعبط فى الميكروباسات..لما بئينا شماته...وبعد ماكانت الbyd متوفره بجميع موديلاتها وممكن تشتريها فى اى وقت قبل تقفيلها فى شركه الامل اصبحت عمله نادره..وسلملى على الانتاج المحلى وتشجيع الصناعه المصريه....وصاحبى نفسه اتسدت عن العربيه وظل يلومنى لاننى شكرتله فى العربيه وخليته يحجزها وقال الشركه دى هتبوظ العربيه وهتخليها ذى الادا ميركبهاش غير بتوع الاجره..وسحب فلوسه من المعرض وشافله عربيه تانيه وانا جالى ياءس والظاهر هعمل ذ يه....

**mohamedsisi** · 11-06-2010 11:53 PM

حاول تصبر لان بصراحه العربيه تستاهل

لكن هنعمل ايه يدى الحلق الى بلا ودان

انا برضه قاللى تعالى بكره واستلمتها بعد اسبوع

**sv065** · 12-06-2010 12:03 AM

الحقيقة يا جماعة كلنا مضايقين علشانكم

بس بأمانة فعلا مش مجاملة فيه ضغط شديد حصل للعربية خصوصا موضوع تشغيلها تاكسي وتأخير خامات الموديل GL-i من الصين

ولولا كده كنتم استلمتم من أول ثانية علي طول وفيه كتير جدا لما نزلت إستلموا فورا أو خلال يومين بالكثير الشركة طبعا عاوزة تبيع وتكسب مش من مصلحتها تأخر التسليم وتخسر زباين

وده بيأكد أد إيه العربية تستاهل وإذا كنتم مش مصدقيني إسألوا أي حد راكبها

طبعا موضوع بيع عربياتكوا هو أرخم حاجة في الموضوع بس معلش

إذا ممكن تدوني بيانتكم علي الخاص وأتابع لكم الإستلام حيكون إمتي إن شاء الله مع الشركة

تقبلوا مودتي

**seba** · 13-06-2010 07:00 PM

قلبى معاكم وكل الاعضاء فى غاية الاسف الى انت بتحكية دة بس للامانة والتعامل عن قرب انا دفعت المبلغ كلة الخاص بلسيارة 60000 ج ومشيت من الاسكندرية والاستاذ احمد محسن مدير فرع الاسكندرية بعد 3 ايام من الدفع اتصل بيا علشان اروح استلم العربية وانا الى اتاخرت لانى ما كنتش فاضى

**abuelnure** · 13-09-2010 01:29 PM

السلام عليكم ورحمه الله وبركاته
من فضلكم وبكل امانه امام الله حد يقوللى اشترى السيارةbyd والا ايه
جزاكم الله خير

**ابو ياسمين** · 13-09-2010 04:02 PM

المشاركة الأصلية كتبت بواسطة abuelnure

السلام عليكم ورحمه الله وبركاته
من فضلكم وبكل امانه امام الله حد يقوللى اشترى السيارةbyd والا ايه
جزاكم الله خير

وعليكم السلام ورحمة الله وبركاتة .. أشتريت السيارة .. حجزت يوم 20 - 1 - 2010 .. وأستلمتها بفضل الله يوم 21 - 6 - 2010 .. بعد 5 شهور من الحجز .. والأن .. الأستلام فورى .

**ymthmy** · 13-09-2010 04:10 PM

المشاركة الأصلية كتبت بواسطة sv065

الحقيقة يا جماعة كلنا مضايقين علشانكم

بس بأمانة فعلا مش مجاملة فيه ضغط شديد حصل للعربية خصوصا موضوع تشغيلها تاكسي وتأخير خامات الموديل GL-i من الصين

ولولا كده كنتم استلمتم من أول ثانية علي طول وفيه كتير جدا لما نزلت إستلموا فورا أو خلال يومين بالكثير الشركة طبعا عاوزة تبيع وتكسب مش من مصلحتها تأخر التسليم وتخسر زباين

وده بيأكد أد إيه العربية تستاهل وإذا كنتم مش مصدقيني إسألوا أي حد راكبها

طبعا موضوع بيع عربياتكوا هو أرخم حاجة في الموضوع بس معلش

إذا ممكن تدوني بيانتكم علي الخاص وأتابع لكم الإستلام حيكون إمتي إن شاء الله مع الشركة

تقبلوا مودتي

الأخ العزيز sv065
كنت عايز أسألك بخصوص ال بي واي دي الأوتوماتيك
ايه أخبارها معاك
في أي شكوي معينة منها ولا زي الفل ان شاء الله
وكنت عايز أعرف كمان امتي هاتنزل ان شاء الله التوكيل وهايكون سعرها كام
أنا سألت عليها من فترة والأعضاء قالولي ان شاء الله علي شهر 8 أو 9 ولغاية دلوقتي لسه منزلتش
ياريت لو تقدر تفيدني الإفادة الأكيدة عن الموعد والسعر من مصدر موثوق منه ان شاء الله
وأكون شاكر ليك جدا جدا جدا

**mmmmgogommmm** · 13-09-2010 04:25 PM

مع انى من الملاك المستقبليين الاانى باؤكد لحضرتك انها تستاهل الصبر وكل ماالشوق زاد زادت الغلاوة دة احنا بنستنى المولود 9 شهور-وعشان كدة غلاوتة بتزيد ولو جة بعد فترة ودوخة وتحاليل ودكاترة بتزيد الغلاوة اكتر واكتر --------------مش عايز حضرتك تكون زعلان عشان المشاعر السلبية اللى هتتكون عند سيادتك تجاة التوكيل هتنسحب تدريجيا وبدون ما تشعر على العربية ودة هيفسد عليك فرحة امتلاكها كسيارة جديدة وبالذات انها الbyd مش اى عربية وربنا يوفقك وطمنا خطوة بخطوة

**elmanahry** · 13-09-2010 06:24 PM

وفرق السعر ايضا مهم للغاية السيارة الاوتوماتيك التقفيل الصينى اشتريتها انا والغالى sv065 ب82 الف العام الماضى والتقفيل المصرى هايكون ارخص بحوالى سبعة الاف جنيه فى حين عندما دخلت على قسم الجاك وجدت سعرها ارتفع من 70 الى 79 الف وايضا عليك الانتظار للاستلام والطلب على السياراتين عالى ولكن شركة الامل تحاول ان تبيع ارخص بسبب ان التجميع يتم فى مصر صبرا جميلا وكل شئ له ميعاد

**sv065** · 13-09-2010 07:05 PM

المشاركة الأصلية كتبت بواسطة ymthmy

الأخ العزيز sv065
كنت عايز أسألك بخصوص ال بي واي دي الأوتوماتيك
ايه أخبارها معاك
في أي شكوي معينة منها ولا زي الفل ان شاء الله
وكنت عايز أعرف كمان امتي هاتنزل ان شاء الله التوكيل وهايكون سعرها كام
أنا سألت عليها من فترة والأعضاء قالولي ان شاء الله علي شهر 8 أو 9 ولغاية دلوقتي لسه منزلتش
ياريت لو تقدر تفيدني الإفادة الأكيدة عن الموعد والسعر من مصدر موثوق منه ان شاء الله
وأكون شاكر ليك جدا جدا جدا

السلام عليكم

الأخ الفاضل بخصوص سيارتي الأوتو ماتيك بسم الله ما شاء الله ممتازة ولا تقل عن الموديل العادة في الإمكانيات والجودة

وموعد الإنتاج المحلي مازال غير محدد ولكن قريبا بإذن الرحمن وسأتحقق من إدارة الشركة عن موعد مؤكد وأخبر الجميع بإذن الله