السلام عليكم بفكر اجيب الواجا عربية شيك وناعمة وشكلها فخم المهم بسال ناس اصحابى قالولى لا والف لا قطع غيارها غالية ومش بتتصلح الا فى التوكيل وناس تانية تقولى عربية حلوة مبقتش عارف اقرر قولت اجى هنا للمنتدى واسال راى الخبراء المعلمين
عرض للطباعة
السلام عليكم بفكر اجيب الواجا عربية شيك وناعمة وشكلها فخم المهم بسال ناس اصحابى قالولى لا والف لا قطع غيارها غالية ومش بتتصلح الا فى التوكيل وناس تانية تقولى عربية حلوة مبقتش عارف اقرر قولت اجى هنا للمنتدى واسال راى الخبراء المعلمين
نصيحة لوجه الله اشتري الويرا احسنلك وقطع غيار ها موجودة ورخيصة
عيب الواجا غلو قطع غيارها وعلبة الدركسيون بتزيق وده عيب عام
فنصيحة هات الويرا ولو حاجة اعلي هات الجين 2 وخليك جيناويييييييي
سييبك من كل الكلام ده .... اسأل حد من مالكي الواجا شخصيا وشوف رأيه والعربية عامله معاه كام كيلو وكان عنده قبلها ايه
السلام عليكم اولا
لصاحب الموضوع
خش عاللنك ده
http://www.nilemotors.net/Nile/51833-a.html
يارب اكون افدتك
باشا الف شكر
بص يابشا انا معاية الواجا بقالي حوالي سنة والحمد لله العربية مفهاش حاجة غير بعض المشاكل اللي متفق عليها من ملاك بروتون
علبة دريكسيون
تقفيل احسن من الجين2
العفشة النشفة
غير كدة عربية مفهاش حاجة وبالنسبة لقطع الغيار مش غالية زي الالماني ومش رخيصة زي الكوري وبعدين العفشة هيا عفشة اللانسر
صلي واتكل على الله وان شاء الله خير ومتسمعش كلام حد لو العربية عجباك وممكن تستنى باقي اراء الاعضاء
نسيت اقول ان في كام صوت كدة بس خلاص تعايشت معاهم ومش كل الواجا فيها الاصوات دي
السلام عليكم,
أنا من أحد ملاك الواجا و الحمد لله العربية كويسة جدا ... أنا لسه مدخلتش فى سكة قطع الغيار دى عشان لسه مكملتش بيها 10000 بس هى الحقيقة عربية مريحة و حلوة ... أنا مازلت مصر على موقفى إنها أحسن من الجين تو فى التقفيل و التابلوه من جوه , بس طبعا الجين تو و البيرسونا أحلى من بره ... على العموم محدش يقدر يقولك جيب و متجيبش , أنت لو فى دماغك عربية معينة , صلى إستخارة و توكل على الله , لو فيها خير هتكمل لو مافيهاش هتقف .... و ربنا يوفق
بالنسبة للرأى الأخير فى موضوع قطع الغيار ده, إستنى مهاب أو أى حد من ملاك الواجا القدام و هو يفيدك أكتر.
الواجا عربية كويسة مش واو بس حلوة أنا معايا بقالها 4 سنوات موديل 2006 جميع الكماليات أتوماتيك المحرك القديم الميتسوبيشى مالك أول.
العربية عامل بيها 60 ألف كم و بالنسبة لقطع الغيار لحد الآن الحمد لله ما احتاجتش لقطعة غيار و ملقتهاش برة التوكيل بسهولة و أصلا مش هاتحتاج حاجة و من بعد ما خرجت العربية من الضمان و ما بقتش أروح الصيانة عند الوكيل ما بقاش فى العربية أى مشكلة و بصراحة دى عربة كل ما تقدم بتحلو أرجو إنى أكون أفدتك و بالتوفيق إن شاء الله
ملحوظات :
1- العفشة ناشفة شوية !
2- الزجاج بيعمل صوت هواء فى السرعات العالية.
3- الشكل قديم شوية.
4- التقفيل 9 من 10
5- بس مش لاقى حاجة تانية أقولها
سيارتى السابقة كانت فرنا كورى 2004 جميع الكماليات أتوماتيك أعلى فئة و بصراحة لاوجه للمقارنة بينها و بين الواجا الواجا تكسب طبعا
انا مش من ملاك الواجا بس عندي ويرا
لما كنا بنشتري جربت الاتنين وكنت هموت على الواجا
بس في 2004 كان سعر الواجا 135000 والويرا 74000
فطبعا كان استحاله اني اشتريها
بس فى واحد صاحبي معاه الشكل القديم كان جايبها مستعمله ومسمعتوش بيشتكي من حاجه غير ان اللوجي الى أدام اتسرق ومش لائيه !