يا رب تكون حاجة بسيطه
عرض للطباعة
يا رب تكون حاجة بسيطه
غطا القربة ليه وظيفه مهمه جداً و هى تسريب الضغط الزائد عند معامل ضغوط معين عشان الدورة متنفجرش من الحرارة و فى نفس الوقت يمنع تسريب المية
لو البلف اللى جواه اتسد يبقى وظيفته اتلغت يبقى الدورة كبس الهوا فيها هيزيد مع معدل الدورارن العالى للموتور يبقى بالتالى الحرارة هتسخن
تهويته المقصود بيها انك تعمل تمرير بسيط للهوا الزياده فى الداير
و لو عايز تعرف العيب منين لو وش سلندر هتلاقى الزيت مطحن
لو طرمبة المية العربية هتسخن فى الهادى و الطوالى
لو ترموستات كوعه العربية هتسخن جوه البلد زى بره البلد عشان معامل انتقال و الفتح بتاع المية قل
ارجو انى اكون عرفت اوضح و جهة نظرى
يعني الأعراض إللي عندي دي تنطبق علي إيه ؟؟؟
لما أجري و الأر بي أم يرفع الحرارة تعلي علي طول
أممممم نغير الغطا
انا كان حصل معايا نفس الموضوع لما غيرت الميه واكتشفت في الاخر ان الميه كانت ناقصه . اتاكد ياباشا من منسوب الميه والعربيه بارده وخلي حد ياخدلك هوا الرادياتير وان شاء الله هتظبط معاك وبص علي سلوك السويتشات بتاعه التكييف اللي ورا الراديتيتر ممكن تكون واقعه لان كان سلك سويتش المراوح واقع من مكانه فكان ساعات بيسخن العربيه ولما ركبته رجعت لطبيعتها
غيره ده كله ب 20 جنيه
منه نضافه و امان
والل يا رجالةمش عارف أقولوكو إيه انا هجرب كل حاجة و أقولوكو علي النتيجة إن شاء الله
بس ابقى طمنا و جرب الأسهل فالأصعب
اسال مجرب ولا تسالش طبيب
نفس الحوار و كله كان شغال زي الفل و العربيه ماشيه في البلد الحراره مظبوطه و العربيه علي الطريق و بجري العربيه بتسخن مع ان المفروض العكس يحصل و علي الطرق السريعه المفروض العربيه تبرد مش تسخن
السبب الريداتير لو وحش يعمل كدا و غيرت الريداتير و الحياه رحعت زي الفل و دلوقتي بمشي بالعربيه 170 180 و لمسافات و الحراره مش بتعدي ال 87 بالكتير قوي
و ان شاء الله تلاقي العيب و تعمله بس متسكتش علي موضوع الحراره دا
لو الزيت مش مطحن يبقي الريداتير علي طول
فى ملحوظة بس للتوضيح مش اكتر
جوان وش السلندر بيفصل 3 حاجات عن بعض : زيت , هوا - كبس الموتور - , مية
لو فى عيب فى الجوان وارد ان كبس الموتور يهرب لدورة المية والزيت سليم
مهتم بالحوار و متابع