طب أعرف إنها شغالة إزاي ؟؟؟
عرض للطباعة
طب أعرف إنها شغالة إزاي ؟؟؟
لازم تتفك
و شوف الخرطوم اللى طالع منها معبى هو ولا لأ
لو العربية سخنة والمراوح شغالة والرادياتير بارد يبقى الثرموستات معلق وقافل
مممم بكره إن شاء الله لما أظبط هاجي أحكيلكوا
ايوه مهندس احمد قال اللى انا عايزه
و يا رب تطلع فى البسيط
إن شاء الله أنا والله يا رجالة متشكر جدا لمجهودكوا وأنا عارف إن العربية عربيتكوا برده و بكره إن شاء الله هعرفكوا التفاصيل
يا باشا هو مش وش سلندر خالص دة لو وش سلندر بيكون عامل طحيم فى الريداتير
يعنى هتلاقى فى زيت فى الريداتير
و حضرتك بتقول دة مش موجود
يبقى حاجة فى دورة التبريد و بعون الله حاجة بسيطة لانها مفيش اى عيب ملموس
و نصيحتى لحضرتك انك تتخلى عن المية الخضرا عشان بعد استخدامى ليها سنين و اغسل الريداتير و اغير المية كل صيف
فى دخلة الصيف الى احنا فية دة
و الحمد لله الريداتير فرقع من فوق عشان عندة الريداتير من فوق فية جزء فبر كبير المهم بعد ما فرقع و انا عند بتاع الريداتيرات انا قلوت هيفك الوش الاقى الريداتير فابريقة بيلمع
و تررررم المفاجئة الريداتير مكتم لدرجة ان السلكة مكنتش بتدخل فية ... ؟؟؟ ازاى دة انا كل استخدامى مية خضرا و بجيب الكنزاية الامريكى بتاعت الصدا الصدا دة بقى جية منين
و المفاجئة ان كل المية الخضرا الى موجودة مضروبة كلة ملوش لزمة ...
بجد حضرتك مش متخيل كمية الصدا الى كانت فى الريداتير و من ساعتها ولا هاجى جمب المية الخضرا تانى
و لو عايز اروش الريداتير
هنزل افتح الطبة انزل الى فية و اجيب جركن مية مالية من مية التكيف (التكثيف بتاع تكيف البيت) عشان تكون مية مقطرة بدون املاح و بتاع و كدة زى الفل ..
ربنا معاك و تحل مشكلتك ..
بخصوص الغطا بتاع الريداتير ف مكنش لية لزمة انو يتغير
دة ف عربيتنا لية وضيفة واحدة انو يمنع خروج المية من الريداتير غير كدة لا
لان بخار المية الناتج من التسخين للمية فى المتور بيتكثف ف القربة و هى دى فكرة الضغط بتاع الريداتير
و عشان كدة العربيات بتاعتنا مبتحتجش تتزود مية عشان الى بيتبخر بيطلع فى القربة و يتكثف و مع انكماش المية ب البرودة بتسحب الى ف القربة تانى عشان مفيش هوا فى الدايرة
لو الغطا بايظ هتلاقى القربة مليانة و الريداتير فاضى ..
السلام عليكم شوف انا عندى نفس العيب الى عندك بلظبط وعملت كل حاجه ومش عارف السبب وشكلى هعمل زيك واغير الرديتار انا روحت سالت عليه عند مستر اوبل قالى تقريبا عامل 500 جديد بس صينى والاستعمال تقريبا عامل 700 جنيه بس اوعى تغير حاجه غير لما تكون متاكد لان كل الميكانيكيه بيستسهلو ويخلونا نغير وخلاص
ويا ريت ولله لو عرفت حل تقولى لحسن موضوع السخونيه والعربيه ماشيه بسرعه دى خانقنى جدا ومش لاقيلو اى حل