زي كل سنة في بداية الصيف روحت عشان أغسل الريدياتير و أغير المية
رغم إن درجة الحرارة كانت زي الفل

المهم قلت أروح موبيل الطيران و غسلت وخلصت و كلو تمام و حطيت حوالي 7 ليتر مياة خضرا نوع امريكي كده

و طالع مبسوط بأه و بشوف الحرارة و إز أكتشف إكتشاف عجيب !!

العربية باردة جوه البلد و بتسخن علي الطريق !!!!!!

درجة الحرارة جوة البلد زي ما هي بس لما أطلع علي الطريق تبدأ تسخن ! جربت لما زهقت الموضوع وصل إني لما أجري 120 130 العربية تقعد تسخن تسخن لغاية في خلال دقيقتين أو تلاتة تعدي ال 100درجة , يا نهار أبيض 100 درجة (ده أن عمري ما شفتها) و إمتي الساعة دلوقتي 2 بليل و الجو برد أصلا أمال في الصيف هعمل إيه (نفس الظروف دي قبل الغسيل كانت 80 85 درجة)

صحيت الصبح غيرت المياه تاني و حطيت موبيل زي إللي كان فيها ولا الهوا
كلمت واحد قالي خد هوا الريدياتير و شلت الخرطوم اليمين بتاع القربة زي ما قاللي فعلا كان فيه هوا طلع شوية لغاية ما جاب مية وركبتو تاني

أجرب تاني في تحسن طفيييييف بعد ما طلع الهوا بس بردة لما أكون ماشي 120 الساعة 3 الفجر علي الطريق و تكون الحرارة 95 مش طبيعي
لو زودت 140 150 تطلع جري علي 100 درجة و تعدي كمان

أففف يا ريتني ما غسلتوا
المراوح شغالة عادي عند 91 السرعة الأولي و عند 95 السرعة التانية و بعد المية في مروحة بتشتغل بس مش عارف فين
أعمل إيه أنا راجع إمبارح الساعة 1 بليل علي طول الطريق الحرارة 98 و ماشي 130 140

هههه هروح شرم في الحر إزاي أمشي 60 بأه

الغريب بأه جوة البلد عاااادي ده انا لو سبت العربية دايرة بتنزل ل 80 وهي واقفة

العربية فيكترا 1600 2003

أعمل إية أنا كده هتسوح في الصيف ههههه يا حلاوة ده أنا إستخدامي كلو سفر
قال تسخن علي الطريق وتبرد جوه البلد قال

يا ريتني ما غسلتووووو

حد ينصحني يا رجالة أنا محتاس