ماهى اضرار زياده زيت الموتور عن علامه max

**akmm** · 04-11-2012 11:29 AM

جميل ... ردود هايله .

**azkol2005** · 17-02-2013 10:13 AM

موضوع على درجه عاليه جدا من الاهميه ..
انا غيرت زيت في كالتكس المعادي ..
ربنا يسامحه العامل حط زيت زياده ..
لكن بسيط ..
فكان فيه آثار زيت طالع من فتحة الفايظ اعلى الموتور لكن بقوه شويه لدرجة انها ضاربه في الكبوت من الداخل ..
جاري المتبعه وربنا يستر ..

**A.samy** · 17-02-2013 10:57 PM

اسهل طريقة انك تجيب خرطوم رفيع وسرنجة وتسحب الزيادة من فتحة المقاس بتاعت الزيت ترفع المقاس وتنزل الخرطوم الرفيع مكانة وتسحب بالسرنجة بس يفضل تكون السرنجة من الحجم الكبير

**هيثم الشرقاوى** · 18-02-2013 11:54 AM

بمناسبة الكلام عن مستور الزيت ممكن اسال ماتور النوبيرا 1500 سى سى بياخد كام لتر علشان لما غيرت الزيت والفلتر الراجل بتاع البنزينة قالى 4 لتر بالفلتر ومقاس الزيت اعلى من الشرطة بتاعت max وهو تقريبا واصل لاخر كلمة max نفسها فكدة زيادة ولا اية مع الشكر

**sno7y** · 20-02-2013 11:06 PM

متابع

**fosta123** · 21-08-2013 12:02 AM

المشاركة الأصلية كتبت بواسطة هيثم الشرقاوى

بمناسبة الكلام عن مستور الزيت ممكن اسال ماتور النوبيرا 1500 سى سى بياخد كام لتر علشان لما غيرت الزيت والفلتر الراجل بتاع البنزينة قالى 4 لتر بالفلتر ومقاس الزيت اعلى من الشرطة بتاعت max وهو تقريبا واصل لاخر كلمة max نفسها فكدة زيادة ولا اية مع الشكر

Valvoline Lubricant Advisor - Valvoline

LIQUI MOLY - Motor Oils, Additives, Car Care - Oil Guide

**AlGazar2** · 08-10-2013 10:03 PM

النوبيرا المكنة ال 1500 بتاخد بالفلتر 3.75

خلى العامل يحط 3.5 و انت مغير الفلتر و الباقى زوده براحتك عشان جوان غطا التاكيهات ميضربش

**Smart_Lion** · 09-10-2013 12:12 AM

طبعا في خطورة على المحركات جديدة.
الزيت في المحرك يتجمع في حوض اسفل المحرك تحت عمود الكرنك (كارتيرة الزيت)
حجم الزيت الموصوف من الصانع في الحوض محسوب له حجم معين من الفراغ فعند زيادة الزيت يتم انتقاص هذا الفراغ.
هذا الفراغ يسمح بالوصول للضغط المناسب داخل المحرك الناتج من حركة عمود الكرنك وبقية اجزاء المحرك وبالتالي عند انتقاص حجم الفراغ يرتفع الضغط داخل المحرك اسفل عمود الكرنك مما يؤثر بالسلب على قدرة تحمل عوازل الزيت (Oil seals) وتثبيت الاجزاء الدوراة داخل نفس المنطقة. بالإضافة لزيادة المقاومة على شنابر البساتم (Piston Rings)وهي في حركة البستم لأسفل فيدخل الزيت بنسبة زائدة داخل غرفة الحريق فتظهر دخنة زرقاء من ماسورة العادم.
وطبعا ارتفاع الضغط يصاحبه ارتفاع في درجة حرارة المحرك
كل الاعراض التي ذكرها المشاركون الافاضل صحيحة وطرق العلاج بسيطة وهي التخلص من كمية الزيت الزائد وذلك بالذهاب لمكان تغيير الزيت وتفريغ الزيت في إناء نظيف - يفضل لو جركن زيت من نفس النوع ثم إعادة الزيت بالكمية المناسبة للمحرك
او ممكن تطلع جدع مع المحرك بتاعك وتحت زيت جديد وتبقى كانك عملت حمام زيت للمحرك بتاعك (Flushing)