بتشتري حليب ( لبن ) ايه ؟؟؟؟

**elnakshabandy** · 22-11-2013 06:03 PM

سايب من عند اللبان او المراعى او بيتى

**walidzakzok** · 22-11-2013 06:12 PM

بيتي

**mk3** · 22-11-2013 06:54 PM

لعبه اللبن دى كبيره اوى
البودره اللاعب الاساسى فى اللعبه

**MOTOR HEAD** · 22-11-2013 08:03 PM

المراعى

**Hacker5** · 22-11-2013 08:21 PM

بيتى او مراعى
و دانو بودرة

**Ahmed_Adham** · 22-11-2013 09:54 PM

للعلم فقط: ألبان جهينه و انجوي و بيتي كلهم تابعين لنفس الشركه ومعمولهم قضيه احتكار من فتره معرفش وصلت لحد فين.

**محمد يوسف** · 22-11-2013 09:57 PM

المشاركة الأصلية كتبت بواسطة ahmed_adham

للعلم فقط: ألبان جهينه و انجوي و بيتي كلهم تابعين لنفس الشركه ومعمولهم قضيه احتكار من فتره معرفش وصلت لحد فين.

متهيألى بيتى بقت تابعة للمراعى حاليا..مش عارف انجوى تبع جهينة ولا لأ..أنا أعرف جهينة وبخيره تبع بعض ومتهيألى انجوى تبع فرج الله

**benmatar** · 22-11-2013 11:11 PM

أقولك القول الفصل

بصراحة مش عارف اذكر اسماء ولا لأ ؟؟؟

بس اللي هقوله ده كلام متأكد منه 100% ومسؤول عنه كمان ومن سياق كلامي هتفهم حضرتك ببساطة...
طبعا طبعا بيزنس الألبان ده شبكة كبيرة وقصة طويلة جدا

القصة تبدأ من: قطيع > محلب > مصنع > بيع

بعض الشركات دي بتكون مالكة للمزارع اللي فيها القطيع خاصة بها مكتفيه بالمزارع بتاعتها وبالإنتاج بتاعها، وبيكون المحلب في نفس المكان وغالبا المصنع كمان ودي أفضل أنواع الشركات، بس لاحظ إن الانتاج ككمية وانتشار مش كبير بس الجودة أفضل من النوع الثاني

النوع التاني هو شركات ليها مزرعة او ملهاش بس المهم إنها متعاقدة مع مزارع كتييييير لتوريد الحليب لمصنعها وبالتالي يبقى عندنا مزرعة ومحلب في مكان والمصنع في مكان تاني (ودي نقطة مهمة في الجودة) بالإضافة إلى إنها بتستلم الحليب من مزارع متنوعة (موردين) وده برضه بيفرق في الجودة، ودي منتجاتها منخفضة الجودة وواسعة الانتشار وكبيرة الانتاج، بعضها متعاقد مع 85 مورد!!!
كل ده لو بنتكلم في حالة المثالية واتباع المعايير ووجود الرقابة الصارمة (الله يرحمها ويحسن لها)
كوم تاني ألا وهو اللبن البودر اللي بيجي من الدنمارك وهولندا ونيوزلاندا وغيرهم في عبوات سعة 1طن وبيتم التصنيع منه مع محسنات قوام ومواد حافظة وغيره.
كوم تالت هو طبيعة البودر وجودته وطبيعة المواد الحافظة ... إلخ
لو كملت محدش هيشرب لبن تاني، إنما عندنا حالتين أفضلهم هو النوع الأول من حيث الجودة والسلامة للمنتج، ولو عاوز تفاصيل انا تحت أمرك

**الاستاذ** · 22-11-2013 11:21 PM

شوف لومخذة حد عن زريبة واشترى اللبن طازة
دة احنا كنا نشترى بجنية ونشرب من الكيس منغير غلى اياااام

**minicooper20** · 22-11-2013 11:28 PM

بحكم شغلى فى التسويق
عندى نصحتين
عايز لبن فى مصر اتفق مع اى فلاح عندو جموسه و خد منو بلشهر و حطو فى الفرزير
الحل تانى اشرب المراعى و ده مضمون بنسبه 75 % فى مصر هنا فى السعوديه 200% طبهان
لاكن لا جهينه و لا بيتى ولا العفريت

الموضوع: بتشتري حليب ( لبن ) ايه ؟؟؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

بطارية 128 بتشتري منين في الاسكندرية ؟

حد يعرف ناس بتشتري عربيات حوادث

ألاقي فين حليب أطفال s26ar

متهتمش بالعداد وانت بتشتري

تفاحة و رمانة و حليب

الكلمات الدلالية لهذا الموضوع

المفضلات

المفضلات

ضوابط المشاركة