الموضوع: بتشتري حليب ( لبن ) ايه ؟؟؟؟

انا بصراحة دائما بستعمل دلة و بيتهيالي انه كويس و لكن جربت مرتين كده كريمي و كانديا و برضه شايفهم معقولين لكن جهينة و بخيره مش لبن خالص

من الآخر ماحدش يأمل إن يكون في لبن كويس في السوق ... ولا جهينة ولا بخيره ولا بيتي ولا دينا ولا حتى إيزيس

ونروح كمان بعيد شوية ... ولا حتى اللي بيشرب اللبن رأسا من ضرع الجاموسة أو البقرة يفتكر إنه كدة بيشرب لبن كويس

لأن حتى الجاموسة دي عمالة طول النهار تاكل من الغيط مثلا أكل كله مرشوش مبيدات وأسمدة كيميائية وخلافه مباشرة تخيلوا بقى نسبة المبيدات اللى هاتكون في اللبن بتاعها عاملة إزاي ... إذا كان الأم المرضعة بيتم منعها من تناول العديد من الأدوية العادية جدا لأن نسبة كبيرة من المادة المكونة للدواء بتنزل في اللبن للطفل

دا الأساس اللى لازم نكون كلنا متفقين عليه

بعد كدا بقى يتبقى طعم اللبن .. عموما الولاد عندي مش بيحبوا غير جهينة .. يعني حتى لو فكرت أجيب حاجة تانية بلاقيهم مش بيشربوها ... مع العلم هما لسة مش بيعرفوا في الفرق اللى بين الماركات لإنهم لسة صغيرين ... لكن هما بيحسوا بالطعم فقط

لعلمكوا حتى الكدبة الكبيرة اللى إسمها زراعة عضوية أو منتجات عضوية أنا مش مصدقها بس معنديش سبب .. غير يمكن إحساس ودايما بسأل نفسي منين بييجي كل الكمية الرهيبة من المنتجات العضوية دي واللى تكفي بلد بحالها ومش لاقية اللى يشتريها ومرطرطة في السوق وكمان بنصدر منها ... طب ماهو لو الزراعة العضوية بطلع الإنتاج الوفير ده مايخلوا كل الزراعة عضوية بقى ونرتاح من البلاوي اللى بتتحط على المزروعات !!!!!!!!!!!

المشاركة الأصلية كتبت بواسطة n.y.s.m.a

من الآخر ماحدش يأمل إن يكون في لبن كويس في السوق ... ولا جهينة ولا بخيره ولا بيتي ولا دينا ولا حتى إيزيس

ونروح كمان بعيد شوية ... ولا حتى اللي بيشرب اللبن رأسا من ضرع الجاموسة أو البقرة يفتكر إنه كدة بيشرب لبن كويس

لأن حتى الجاموسة دي عمالة طول النهار تاكل من الغيط مثلا أكل كله مرشوش مبيدات وأسمدة كيميائية وخلافه مباشرة تخيلوا بقى نسبة المبيدات اللى هاتكون في اللبن بتاعها عاملة إزاي ... إذا كان الأم المرضعة بيتم منعها من تناول العديد من الأدوية العادية جدا لأن نسبة كبيرة من المادة المكونة للدواء بتنزل في اللبن للطفل

دا الأساس اللى لازم نكون كلنا متفقين عليه

بعد كدا بقى يتبقى طعم اللبن .. عموما الولاد عندي مش بيحبوا غير جهينة .. يعني حتى لو فكرت أجيب حاجة تانية بلاقيهم مش بيشربوها ... مع العلم هما لسة مش بيعرفوا في الفرق اللى بين الماركات لإنهم لسة صغيرين ... لكن هما بيحسوا بالطعم فقط

لعلمكوا حتى الكدبة الكبيرة اللى إسمها زراعة عضوية أو منتجات عضوية أنا مش مصدقها بس معنديش سبب .. غير يمكن إحساس ودايما بسأل نفسي منين بييجي كل الكمية الرهيبة من المنتجات العضوية دي واللى تكفي بلد بحالها ومش لاقية اللى يشتريها ومرطرطة في السوق وكمان بنصدر منها ... طب ماهو لو الزراعة العضوية بطلع الإنتاج الوفير ده مايخلوا كل الزراعة عضوية بقى ونرتاح من البلاوي اللى بتتحط على المزروعات !!!!!!!!!!!

بصراحة عندك حق في كل اللي قلتيه

مافيش حاجة مضمونة دلوقتي طالما الهواء اللي بنتنفسه و المياه اللي بنشربها ملوثين

و للأسف الضمير منعدم من عند الناس و الغش اصبح حرفة و صنعة و تجارة رابحة

انا جربت كل الانواع تقريبا

حاليا مزارع دينا ، طعمه حلو جدا و صلاحيته اسبوع بس ( موضوع ال 6 شهور ده مبينزليش من زور بصراحة )

و بحب اشرب نيدو جدا مع الشاى و النسكافيه

بالنسبة لمزارع دينا ابتدى يبقى منتشر فى السوبرماركت بقيت بلاقيه على طول فى سبينيز و مترو و مركاتو و اماكن تانية برضو