معايا 128 وفى مشكلة فى الدينمو

**elntra1** · 12-06-2010 11:28 PM

انا عضو جديد عندى مشكلة فى الدينامو

عندى لما بدوس بنزين النور بيزيد ولما اشيل رجلى النور بيقل ورحت للكهربائى قلى الكتاوت خربانة غيرتها نفس النظام وبعدين غيرت الدينمو استيراد ونفس النظام وشحنت البطارية وغيرت مية البطارية ونفس النظام وشكرا

**yoko** · 12-06-2010 11:30 PM

المشاركة الأصلية كتبت بواسطة elntra1

انا عضو جديد عندى مشكلة فى الدينامو

عندى لما بدوس بنزين النور بيزيد ولما اشيل رجلى النور بيقل ورحت للكهربائى قلى الكتاوت خربانة غيرتها نفس النظام وبعدين غيرت الدينمو استيراد ونفس النظام وشحنت البطارية وغيرت مية البطارية ونفس

النظام وشكرا

ده طبيعي يا باشا نفسي أشوف ال١٢٨ الي معايا مبتعملش كده وأهي البطاريه نايمة عشان بقالي إسبوعين مبخرجش بيها

**mohamed9999** · 14-06-2010 11:54 AM

المشاركة الأصلية كتبت بواسطة elntra1

انا عضو جديد عندى مشكلة فى الدينامو

عندى لما بدوس بنزين النور بيزيد ولما اشيل رجلى النور بيقل ورحت للكهربائى قلى الكتاوت خربانة غيرتها نفس النظام وبعدين غيرت الدينمو استيراد ونفس النظام وشحنت البطارية وغيرت مية البطارية ونفس

النظام وشكرا

عملت دا كله عشان النور بيوطى و يعلى ..................يااااااااااااااا قلبك

**محمد فريد** · 18-06-2010 03:30 PM

انا عندى نفس المشكلة فى الكهرباء وانا بقلب بالصدفه لقيت سلوك الدينامو (هما سلكتين واحده تخينه والتانية رفيعه) لقيت السلوك مملحه ومتاكله طبعا العربية بقالها 23 سنه المهم مغيرتش حاجة رحت قاطع الاطراف عن الجزء المملح ورحت مقشر السلك وربطهم مع بعض والدينامو بيشحن كويس دلوقتى بس بالليل بلاحظ اللمبة بتسرى كده (بتنور على خفيف لما بدوس بنزين) بس تقريبا عشان مركب جى ام سيمفونى بيسحب جامد من البطارية وعايز كابستور
المهم اكشف على السلوك اهم حاجة وبعد كده دور على التقيل ومتخليش حد يقعد يفكلك الدينامو كده خلى الصعب للاخر
وبالتوفيق

**motazyounes** · 24-06-2010 07:48 AM

كان عندى نفس العيب وعربيتى لادا وكل الكهربائية قالوا عيب كتاوت شحن الدينامو وده ما كانش صح عندى
والحل ان شاء الله بتركيب كتاوت نور نوع جيد ( تركى زى نوع انج او الطيب ايلو )
وكهربائى شاطر يركبه علشان يركب اسلاك صح من حيث تخانة الأسلاك علشان المحافظة على الضفيرة ومفتاح النور