الموضوع: كيف تختار نظامك الصوتي؟

المشاركة الأصلية كتبت بواسطة mimmo986

السلام عليكم يا شباب
انا معايا بيجوا 205 عايز اركبلها عدة صوت محترمه بس بصراحه انا ماعنديش اى خبره و عايز نصيحتكم ( كاسيت usb و cd محترم - سماعات مدوره فى الاربع ابواب " ياريت تقولولى النوع المناسب و المقاس و كام وات يكون كويس" و فى نفس الوقت يا ترى لما اركبها مش هتعمل زن لان فى واحد صاحبى قالى ان من عيوب سمعات الباب انها بتعمل زن - سامعتين بيضوين او اربعه فى الشنه لانى عايز اجيب اثنين جداد " ياريت تنصحونى بنوع اليه و كام وات يمشى مع الكينود ال 400 وات الى عندى بس قدام اوى و انا مش عايز ارميهم" - صب - جى ام و هل انا كده محتاج اكتر من جى ام ولا واحد بيكفى)

معلش لو هتعبكم معايا تقولولى الانواع الى تناسبنى و تطلع صوت نقى ... الف شكر مقدما

شوف يا عم ميمو, بالنسبة لموضوع الأنواع ده أنا مش هاقدر أفيدك, كل حاجه بسعرها والغالي تمنه فيه, أنا عن نفسي بارتاح مع الأجهزه بتاعة كينوود.
بالنسبة للسماعات, كينوود لحد فترة قريبه ماكانش عندهم سماعات مدوره محترمه (16 أو 17 سم) دلوقتي بقى فيه حاجات كويسه بس التوكيل بتاعهم لسه ماجابهاش. فمفيش قدامك غير السوني الإكسبلود. ودي هاتلاقيها في أي فرع بي تك.
ولو رجعت للحاجات اللي أنا قلتها في آخر كام بوست أنا كاتبهم هنا هاتلاقي المفيد:
سيبك من الأرقام الخزعبليه اللي مكتوبه على السماعات دي بتبقى الpeak power إختار سماعه يكون الRMS بتاعها مش أقل من 50 watt عادة ده الpower بتاع خرج الhead unit.
طبعاً لو هاتركب أكتر من أربع سماعات لازم هاتحتاج أمبليفاير (وممكن اتنين كمان) وماتروحش لحد يركبلك مثلاً 8 سماعات ويروح موصلهوملك parallel كلهم على الhead unit علاطول وجو الفلاحين ده. شوف الhead unit اللي هاتجيبها بتطلع كام channel وكام watt لكل channel واشتغل على قدهم.
لو هاتركب أمبليفاير ممكن تزود عن ال50 watt (على حسب الأمبليفاير اللي هاتجيبه) يعني مثلاً لو هاتجيب أمبليفيار 500 watt ويكون 4 channels, يعني بالبلدي كده ممكن تحط على كل channel سماعه لحد 125 watt بس ده طبعاً كتير. (يعني دي الideal case).
بالنسبه لموضوع الزنه اللي في الباب أو في التابلوه الخلفي, الموضوع مش محتاج أكتر من سروجي شاطر, يفكلك الباب ويبطنهولك لباد, وتجرب, لو لقيت لسه فيه زن هاتحاول تعرف الزن ده بييجي منين بالظبط وتروح للسروجي تاني... وهكذا.