كيف تختار نظامك الصوتي؟

**ahmedateya** · 24-03-2008 04:42 AM

المشاركة الأصلية كتبت بواسطة خالد

الشكر ليك أنت ياملك الصوتيات
فعلاً الماروتى مالهاش رف خلفى ثابت ، هى ليها رف متحرك مع الباب الهاتشباك
هل برضه أجيب البيونير 3950 ، وسماعتين ورا بس ؟ ولا 2 كمان قدام ؟
البيونير 3950 أنا شفت أنك مابتفضلوش ! أيه الماركة الثانية اللى ترشحهالى؟ وشكراً ليك جداً جداً

ممكن كنوود 333 مع نفس نوع السماعات و بلاش تركب قدام خلليك ورا بس
و لو ممكن الميزانية تعلى شوية اكون شاكر جدا
و انا تحت امرك في اي حاجة

**ahmedateya** · 24-03-2008 05:06 AM

المشاركة الأصلية كتبت بواسطة tito_bora

السلام عليكو اذيك يا احمد باشا
بجد موضوع مفيد ومتميز انا كنت عايزك تقولى انا عايز عدة فى حدود3 الاف بالكاسيت لان عربيتى فيرنا ونازلة بكاسيت شرايط وياريت لو تحددلى نوع كاسيت يقبل يشتغل علية شاشة ومستنى ردك

لو قصدك شاشة زي بتاعة DVD يبقى اقولك راجع نفسك تاني في الميزانية
انا بركب لأصحابي انظمة DVDحقيقية و بالكاد المبلغ ده بينفع لهيد يونيت دي في دي محترمة
و الا فيه انظمة رخيصة و في حدود ميزانيتك ولكن عمرها و جودتها في الضياع
و انا عن نفسي مركب صوت بس بالمبلغ بس و مازلت بزود لسة و ده صوت بس بدون ضوء

**ahmedateya** · 24-03-2008 05:12 AM

المشاركة الأصلية كتبت بواسطة king_de_egypt

يا احمد باشا انا كنت عاوز اعرف انا عندى سى دى كينود و العربيه اللى معايا اكسنت فا جايه بسماعات فى الابواب الاماميه و انا جبت عليهم السماعات الخلفيه جبتهم دائرين بايونير 150 وات على ما اعتقد بس اهو اديهم شغالين انا دلوقتى عاوز اجيب سماعتين جمب البايونير دول و امبلفير فا تنصحنى بايه يا احمد باشا انا مستنى ردك يا معلم

ممممممممم....اولا هتشيل البايونير ال150وات
ثانيا هتركب مكانهم بيضاوي 400وات بيونير او كنوود ولا زم تركبهم على جي ام و لو ناوي على صب ابقى قول و نظبتها سوا بدل ما العملية تفرط منى:)

**ahmedateya** · 24-03-2008 05:14 AM

المشاركة الأصلية كتبت بواسطة mody_2002_mody

انا ان شاء الله ناوى اجيب بازوكا Jbl و كاسيت بيونير بس يكون بيركبله شاشه - وسماعتين 350 وات هوصلهم Direct على السى دى
السؤال : الجى ام اللى عندى سيمفونى 400 وات 2 تشانل هل يقوم البازوكة؟؟؟؟

يقوم ابوها بس توصلها Bridged

**ahmedateya** · 24-03-2008 05:17 AM

المشاركة الأصلية كتبت بواسطة volkeswagin

احمد باشا مش كنت قلت هتظبط لينا الفلاتر عشان الصوت يبقى فى التمام؟

او قول لينا الدنيا ممكن نعمل فيها ايه وربنا يعنا ونعرف نظبطها

اتلهيت يا مان اعذرني
ابعتلي على الخاص ساكن فين و ممكن تليفونك و ارببط معاك قريب قوي

**volkeswagin** · 24-03-2008 05:29 AM

بعتلك ياباشا كل اللى طلبته ولو عايز اى توضيح انا تحت امرك

**king_de_egypt** · 24-03-2008 02:11 PM

المشاركة الأصلية كتبت بواسطة ahmedateya

ممممممممم....اولا هتشيل البايونير ال150وات
ثانيا هتركب مكانهم بيضاوي 400وات بيونير او كنوود ولا زم تركبهم على جي ام و لو ناوي على صب ابقى قول و نظبتها سوا بدل ما العملية تفرط منى:)

طب انت يا احمد رايك ايه اجيب الصب وله ال جى ام احسن انت رايك ايه ؟؟؟؟؟ و دا بكام و دا بكام ومعلش بتعبك معايا يا احمد باشا ;)

**ahmedateya** · 24-03-2008 11:31 PM

المشاركة الأصلية كتبت بواسطة king_de_egypt

طب انت يا احمد رايك ايه اجيب الصب وله ال جى ام احسن انت رايك ايه ؟؟؟؟؟ و دا بكام و دا بكام ومعلش بتعبك معايا يا احمد باشا ;)

قول العدة الاول "موديل"
تاني حاجة الميزانية
و سيب عليا الباقي

**king_de_egypt** · 24-03-2008 11:59 PM

المشاركة الأصلية كتبت بواسطة ahmedateya

قول العدة الاول "موديل"
تاني حاجة الميزانية
و سيب عليا الباقي

العده كينود 333 وبصراحه مش عاوز اغيرها عاوز اركب السماعات و الجى ام او الصب عليها فا ايه رايك وله لازم العده تتغيرر ؟؟ لان بصراحه الميزانيه كنت عاملها فى حدود 750 او 800 بلكتييير يا احمد يا ملك الصوتيات بنتعبك معاااانا و الله

**ahmedateya** · 25-03-2008 01:08 AM

المشاركة الأصلية كتبت بواسطة king_de_egypt

العده كينود 333 وبصراحه مش عاوز اغيرها عاوز اركب السماعات و الجى ام او الصب عليها فا ايه رايك وله لازم العده تتغيرر ؟؟ لان بصراحه الميزانيه كنت عاملها فى حدود 750 او 800 بلكتييير يا احمد يا ملك الصوتيات بنتعبك معاااانا و الله

طب كده الصب المحترم بالبوكس المحترم بعملوا 500جنيه يبقى احنا بندور على سماعات + جي ام ب300جنيه!!! ده لو سيمفوني حتى هيكون صعب
طب ركز على حاجة حاجة الاول بدل ما تجيب حاجات مش قد كده
و ممكن نعمل السماعات و الجي ام الاول و لما ربنا يسهل يبقى نعمل الصب
و الكاسيت حلو يا مان و متغيروش