كيف تختار نظامك الصوتي؟

**Ahmed_Abd** · 18-05-2008 03:59 PM

كنت عايز اعرف مين أفضل Pioneer DEG 3950 أو333 Kenwood .و هل فى فرق كبير بينهم فى الأمكانيات و السعر؟

**Ahmed_Abd** · 18-05-2008 04:00 PM

تصحيح قصدىPioneer DEH 3950

**ahmedateya** · 18-05-2008 04:48 PM

المشاركة الأصلية كتبت بواسطة Ahmed_Abd

كنت عايز اعرف مين أفضل Pioneer DEG 3950 أو333 Kenwood .و هل فى فرق كبير بينهم فى الأمكانيات و السعر؟

بين الموديلين دول يبقى البيونيير امكانيات اكتر و الكنوود ده عمره اطول

**marwan_147** · 19-05-2008 06:20 AM

السلام عليكم الاخ العزيزي والله مشكور على مجهودك الكبير وكان لى استفسار ارجو الافادة علية بعد ازنك ..سيارتى لانسر 2007 خليجى سمعتين فى الابواب وعندى سى دى كاريون وعايز اظبط الصوت تنصحنى اعمل اية

**tommys** · 20-05-2008 03:50 AM

لو سمحت ياأستاذ أحمد أنا روحت إمبارح لمحل في مصر الجديدة -ميدان سانت فاتيما ألي في شارع النزهه..المهم كنت رايح علشان أركب طقم الصوت ألي أتفقنا عليه ألي هو 2 صب بايونير 1200 وات على جي أم كينوود 1000 وات .... المهم مالقتش عنده صبات بايونير خالص وكل ألي موجود عنده صبات من نوع Clarion - KENWOOD - ALPIN - JBL - PUNCH المهم قالي خد ال JBL أحسن من البايونير كتييييير وسعره حوالي 450 جنيه الصب الواحد ال JBL 1200 وات ماعرفش الكلام ده صح ولا أيه . وبالنسبه لل جي أم لقيت عنده جي إم كينوود 1000 وات 2 شانيل بس شكله تحفه 2008 وقالي ال2 شنيل ينفع توصل عليه 2 صب عادي عن طريق بريدج للصب التاني... وأنت كنت قولتلي لازم الجي إم يكون 4 شانيل عشان الصبين .. وأنا كنت بتكلم على حسب ردودك عليا فى الأسئلة بتاعتي .. المهم الراجل لخبطني ومشيت من عنده ومارضيتش أركب حاجة إلا لما أسئلك تاني على التغييرات دي لأن أنا رصراحة أتلخبطت وخفت أدفع حاجة وأركب حاجة غير لما أستشيرك والسؤال دلوقتي 1 - هل الصب الجي بي أل فعلا أحن من البايونير 2- هل توصيل الصبين على جي إم 4 شانيل هايكون أفضل من ال 2 شانيل ولا مافيش فرق
وبس كده وياريت ترد عليا في الحاجات دي لأني لغيت التركيب عشان أسئلك الأول وشكرا قوي ياكبير الصوتيات

**tommys** · 20-05-2008 11:55 PM

أنت فين ياأستاذ أحمد أنا مستني ردك من يومين .. أنا خلاص جاهز للشراء بس مستني ردك

**ahmedateya** · 21-05-2008 12:55 AM

المشاركة الأصلية كتبت بواسطة tommys

أنت فين ياأستاذ أحمد أنا مستني ردك من يومين .. أنا خلاص جاهز للشراء بس مستني ردك

بعتلك على الخص التفاصيل

**mageeed** · 25-05-2008 07:41 PM

بقولك ايه يااستاذ احمد ان تكرمت بعد اذنك لو سماعتين 5 واي (90 rms ) وسماعتين 4 واي(80rms ) والاتنين كينوود الجوز الاول 450 والتانيين 400 وات لو ركبت عليهم جي ام boss وهو 400 وات هو 4 تشانيل بس الrms بتاعته 40*4 هل لو ركبتهم عالسماعات هيفرق معايا؟ مع العلم اني مركب عالسماعات الكاسيت البايونير 3950 هل هيفرق ولا انفض ومجيبيوش........؟ وانا في انتظار رد حضرتك ياباشا

**blubell** · 29-05-2008 12:31 AM

السلام عليكم ورحمة الله و بركاتة
أولا شكرا جدا علي الموضوع المفيد دة ,ثانيا أنا عايزة أجيب كاسيت لعربية بيكانتو 2008 أنا مش عارفة أصلا لازم أجيب سماعات ولا لأ أنا بصراحة مش بفهم في الحاجات دي خالص ,أنا عايزة حاجة ماركة نضيفة و سعر مناسب و ياريت لو تقوللي على المكان اللي أجيب منه و كنت عايزة أعرف هو في أصلا كاسيت عادي + سي دي ولا لأ؟؟؟؟ و أنا عايزة الكاسيت يكون بيشغل ام بي ثري
شكرا

**volkeswagin** · 29-05-2008 08:25 AM

انا زعلان بجد يا احمد

وزعلان كمان على الصوت اللى باظ عندى ده مبقاش ليا نفس اسمع الكاسيت اصلا

بحس ان البازوكا بتطلع صوت نزنه دبانه مش زى الاول كنت بنزل منمل من كتر البيز اللى حسه

انا رحت للراجل وقالى التقطيع ده من ان خارج الكاسيت فى الانتينه اللى داخله الجى ام ضعيفه وركبت لها كتاوت عنده وفعلا مبقاش يقطع دلوقتى

بس الولد اللى بيركب قالى الهيديونيت بتاعك مش مطلع امكنيات العده وقالى يستحسن تغيره وجيت اغير بتاع المبيعات حبيبى قالى استنى شويه كلها كام يوم وهتنزل موديلات كتير من بره جديده وسعرها حلو

بس هو بيبيع كينود والبين وبلوبونكيد وكلريون ومش بيبيع بيونير

وانا مسافر الشهر الجاى بره إن شاء الله فا مش عارف اجيب من بره ولا اركب هنا وخلاص
بس المشكله انى حزين قوى على البيز اللى ضاع منى ده وحاسس انى رميت فلوسى فى الارض ومكتئب ومش عايز اشغل الكاسيت:(