كيف تختار نظامك الصوتي؟

**ahmed1975** · 16-06-2008 12:24 PM

انا يا احمد باشا لسه جايب لانسر 2008 الشكل القديم البومه فيها من الشركة 2 سماعات امامي فى الباب + 2 سماعات خلفي (اصلي) بس من غير كاسيت....المطلوب من سيادتك تقترح عليا كاسيت كويس (500:1000 ج) والتطوير المناسب بس قللي تدريجيا اجيب ايه عشان الميزانيه يعني كل كام شهر ازود حاجات...وعلى العموم انا قريت كل المشاركات مجهودك رائع ودماغك حلوه بصراحه كان لازم تفتح مركز صوتيات...

**mohaned_magdy** · 18-06-2008 10:19 AM

طبعا الموضوع ده جميل ومفيد وانا احب استفسر عن حاجه

انا عايز اجيب بازوكل جى بى ال 1000 وكاست ال وعندى سماعات بيضاوى هاوصلهم على الكاست وهاوصل البازوكا على الجى ام فى توكيل كلاريون رشحولى ان البازوكا توصل على جى ام كينوود 350 (2شانل) ناس قالتلى هايكون ضعيف وناس قالتلى لازم السماعات كمان تكون على الجى ام مع العلم انى عندى شمستين سيمفونى

**Safroot77** · 28-06-2008 01:30 AM

الأستاذ أحمد شكر خاص جداااا على النصائح الغالية والبالغة الدقة
أنا جيت كاسيت بيونير 4850 + كينوود 400ًW
منغير لا جى أم ولا صب بس الصوت حكاية دلوقتى بس ممكن أشغل الكاست
وانا مش مكسوف منة . بجد ألف شكر

**moodymody** · 28-06-2008 12:02 PM

شكرا بجد يا احمد على مجهودك

على فكرة دا اكتر موضوع فى المنتدى عجبني وبجد مفيد جدا

والله مش مجاملة دا بجد

المهم يا مان انا معايا 1000 جنيه وعايز اجيب عدة كاملة تمام لو ال1000 هتزيد حاجات بسيطة اشطة مفيش مشكلة .. (اه انا عربيتي فورد فيستا) شوف انت بقى ممكن اجيب ايه وبكام ومنين ؟؟؟

شكرا جدا على وقتك ومجهودك

**mohaned_magdy** · 28-06-2008 02:07 PM

بخصوص الاسعار ممكن تزيد حوالى من 100 الى 200 جنيه وهاتركب بازوكا 1000 جى بى ال وجى ام كينوود 350 وادعيلى لانى انا لسه مركبهم عندى :) والله ياباشا انا عندى احساس ان الشنطه هاتنفجر من الصوت :) بس اهم حاجه الكاسيت عندك ايه نظامه والسماعات الداخلية ياحبى

**amr_elrashidy** · 29-06-2008 11:08 AM

احمد موقوف عشان اعترض على ان الادارة كانت مثبته موضوع حملة على الدنمارك عشان موضوع الرسوم المسيئة لسيدنا محمد (ص) و مثبتتش موضوع ليه من وجهة نظره افيد للناس ...و مكنش يصح ابدا انه يتكلم اصلا خصوصا ان الموضوع يمس دين الاسلام و رسوله الكريم...كلنا بتمنى التثبيت لموضوعاتنا لكن مش بالتهكم و السخرية

**hossamabdou2000** · 06-07-2008 12:36 PM

السلام عليكم يا استاذ احمد
اولا احب اشكرك جدا على الموضوع الرائع ده

ثانيا احب اعرف على نفسي انا اسمي حسام بشتغل مصمم اعلانات فى دولة الامارات
وعندي عربيه سبورت وعايز اركبلها سيستم يكون كويس ومش مهم سعره كام
المهم نقاء الصوت وتقسيم الصوت
ممكن تقولى على موصفات سيستم جيدة من الاف إلى الياء

وده اميلى
hossamabdou2000@yahoo.com

وجزاك الله خير يا ابو حميد

**m0i0d7o** · 12-07-2008 12:20 PM

يا باشا انا عندي سماعتين صب مش بتوع عربيه دول بتوع سي دي ينفع اركبهم في العربيه وعايز اعرف منك علشان اعمل نظام صوت عالي جدا يكلفني كام وشكرا ليك.

**mohaned_magdy** · 12-07-2008 02:06 PM

اولا احب ارد فى حدود معرفتى ومش بحب افتى فى حاجه مش عارفها
انا هاقولك الكلام الى هو عن تجربة
السماعت الى بتتكلم عليها ديه ايه نظامها صاب ولا سماعات ولا ايه
انت ممكن تجيب صاب بتاع كمبيوتر بس يكون الترانس او الاديبتور بتاعه 12v
بس على فكره مش اى كهربائى يظبطهولك (واحد صديقى مركب صاب كريتيف فى عربيه جيب ) صوته كويس لاكن لو عايز صوت جامده بقى حدد امكانياتك الاول فى الكاشات وبعدين قول عليها إن شاء الله كلنا فى المنتدى نساعدك وياريت لو تصور السماعات الى بتتكلم عليها نقدر نعرف تنفع او ماتنفعش

**m0i0d7o** · 12-07-2008 02:28 PM

1.أولا السماعات الي انا الي انا بؤلك عليها دي سماعات (صب) بتاعت كين وود سي دي
2. نظامها فردتين سلك متقشرين من غير فيش منغير حاجه نظام احمر واسود
3.عايز حاجه في حدود700دهغير ان انا هبدل كل النظام الصوتي الي في العربيه (العادي)يعني قول حاجه في حدود1000.