مفيش حاجة اسمها شعب بحاله بيكره مصر يا ممدوح باشا
لا اتفق معاك
عرض للطباعة
الموضوع بالنسبة لي و أعتقد بالنسبة لناس كتير مصريين مش كورة ... لو الجزاير خدت كاس العالم مش فارقة معايا
الموضوع بالنسبة ليا موضوع كرامة ... ناس أستهانوا بيا كمصري و عملولي كمين منظم بأحكام علشان يروعني انا و اخواتي
انا مش قادر أنسي شاب مصري قابلوه في المطار بعد حكاية أم درمان ملفوف بعلم الجزاير و بيقول انه اضطر يعمل كده علشان يعرف يرجع سالم و مذيعة تقول لعمرو اديب على الهوا انها قلعت تيشيرت مصر الأحمر و مشيت بالبدي علشان خايفة حد يشوفها و يعرف انها من مصر
تخيل لو كانوا دول أخوك أو أختك ... ده الموضوع ده كان ممكن يطير فيه رقاب
و مع ذلك كرجل مسلم كان عندي استعداد أنسى كل اللي حصل و الواحد يقول عفا الله عما سلف لو كان مسئول من الجزاير طلع و قال احنا اسفين دي قلة منحرفة من عندنا هيا اللي عملت كده ... بس دول حتى رفضوا مجرد انهم يقولولنا حاجة يطيبوا بيها خاطرنا
بالمناسبة أنا برضة ميرضنيش كلام الناس اللي طلعوا من عندنا و قعدوا يردحوا للشعب الجزائري و يشتموهم في أعراضهم و يشتموا موتاهم ... علشان الواحد يقول اللي ليه و اللي عليه
مش فاهم بصراحه النظام كان دخله ايه فاللى حصل ؟ يكونش هو اللى وللع فى مصر للطيران وداس على العلم هناك ؟
وبعدين لو ماكرهتهمش على اللى عملوه ولسه بيعملوه داهكرههم امتى ؟!!!!
انا منكرش ان عندنا بعض الحمقى وراء الكاميرات والميكروفونات فى مصر زيهم بالظبط ويمكن اكتر بس حضرتك مش ملاحظان المسلسل السخيف بتاع قللة الادب والاهانات مازال مستمر عندهم حتى بعد ام درمان وانجولا
هى دى مش علامه برضه تقول لحضرتك حاجه ولا احنا مش عاوزين نشوفها انا لما كنت هناك اول كلمه اتقالتلى "انتو بتاكلوا فول ليه احنا مبناكلش الكلام دا "
ربنا يهدي الجميع متنسوش ان الجزائر مهما كان بتمثل كل العرب
محدش بيحس بالمسئولية ديه غير مصر. حد يكون بيمثل كل العرب ويلعب بالطريقة ديه. ده اللاعبين رايحين عاملين شعرهم كأنهم رايحين حفلة مش ماتش كورة. مصر مثلت كل العرب لما كانت هاتتعادل مع البرازيل بعد هزيمة 3-0 ولما فازت على بطل العالم ايطاليا. وشوف اللعيبة بعد وقبل الماتش التزام ومسئولية. مش حارس مرمى بيوصل الكورة لحد متخش جوه الجون بتاعه كانه بيطمن عليها.
وجمهور يعمل شغب بعد ماتش في كاس العالم اللي بيرسل صورة لكل بلاد العالم إن كل العرب متخلفين ومنعرفش يعني إيه رياضة ولا روح التشجيع المحترم. هو ده تمثيل كل العرب. اعتقد إن احنا نستحق تمثيل ارقي من كده. أنا لو أسحب اعتراضي على الأداء مقدرش اسحبه من علي الاخلاق والالتزام والجدية.