معلش بس من قراءة مشاركات حضرتك طرأ علي سؤال
هو انت عايز ايه ؟؟؟
يعني ايه فكرتك اللي عايز توصلها
عرض للطباعة
يا سيدى الفاضل..........انت بتتكلم على جيل تانى غير الموجود دلوقتى......دول الثوار و الأحرار ( مع العلم ان الثورة الجزائرية قامت بمساعدات من جمال عبد الناصر على قد معلوماتى )
و بعدين هما كانوا بيقوموا بثورة و بيقاوموا الأحتلال و أحنا كنا بنلعب بنج بونج مثلاً ؟؟؟
و بعدين مين قال لحضرتك أن العضو cairo2005 محتاج يعمل موضوع عن الدين عشان ياخد ثواب......مش يمكن بيعمل أكتر من كده و مش بيقول لحد أبتغاء مرضاة الله ؟؟؟؟؟؟؟؟؟؟؟؟؟؟؟؟؟؟
و لو واحد مسلم و وطنى و ثائر و قاوم الأحتلال و حارب فى كل الحروب مع بلده و جه يتهجم عليك مش هترد على هجومه ؟؟؟؟
اولا شكرا لزوق حضرتك وادبك
ثانيا انا معنديش فكره ولا حاجه انا بقول الحق فى اى موضوع ولازم اى انسان يكون صادق مع ربنا فى شيئ قبل العبد
يا استاذ احمد انا نفسى افهم شيئ واحد بس ليه دايما لما اى فرقه فى الدنيا بتكسبنا بنكرها بدون سبب الكلام ده بيحصل وبسمعه وبعيشه فى الشغل وفى كل مكان ومحدش يقولى مبيحصلش
احنا قبل كده برده شتمنا وبهدلنا الدنيا مع تونس والمغرب وليبيا فى مواقف كتير ولو رجعت بذاكره حضرتك هتلاقى الكلام ده حصل فعلا وبيحصل اكتر منه فى مصر بين الجماهير فى بعض مبارايات عندنا
ثالثا احنا دايما بنفتكر الحاجات اللى اتعلمت ضدنا فقط والاوسخ من كده اننا بنضخم كل شيئ وبنهيج الدنيا وبنقلب الحقايق فى كثير من الامور بسبب اعلامنا الفاشل واغلب الشعب اللى بيمشى ورا الاعلام
قد يكون حدث بعض التجاوزات فى السودان لكن مش بالصوره اللى صورها الاعلام ابدا
رابعا حدث تجاوزات فى القاهره ايضا وبصوره سيئه ايضا وده سبب المشكله الرئيسيه لكن الاعلام دارى وكذب وقتها وقال انها تمثليه منهم ورجع فى الاخر وقال ان كان هناك تجاوزات يعنى لو من الاول كل الاعلام قال ان حصل تجاوزات واعتذر للاخوه فى الجزائر عن اللى حصل من القله من الجماهير وقالو ان احنا فى الاول والاخر اخوه واشقاء مكنش حصل كل ده
مصيبتنا فى اننا لما بنتكلم عن الجزائر بنتكلم عن الشعب كله انه كذا وكذا
والله يا استاذ احمد لو تعرف الجزائر دى ايام جمال عبد الناصر كانت بتعمل ايه مع المصرين هتعزرنى ومش بس الجزائر كل العالم العربى وعلى فكره الرئيس الجزائرى هوارى بو مدين هو اللى اتوسط لمصر وجاب لها السلاح فى حرب اكتوبر 1973 ومن قبلها فى ايام النكسه بعث بلواء مدرع كامل ووضعه عبد الناصر فى الاسماعليه يعنى فى وش المدفع وقتها
ولكن حدثت بعد ذلك بعض التغيرات السياسيه وتحديدا 17/9/1978منذ هذا التاريخ وكل الامور تغيرت بالنسبه للعرب من ناحيه مصر
المسأله مش كوره وبس لمن يقرأ التاريخ يجد ان مصر وقفت بجانب الجزائر ودعمت قضيه الجزائر ضد فرنسا وكان ذلك سببا من اسباب دخول فرنسا العدوان الثلاثى ضد مصر ولكن الجزائر ايضا وقفت مع مصر فى كثير من الامور واحب اوضح لحضرتك كمان ان الجزائر كانت بتحارب معنا فى 1973 مش سوريا بس ذى الناس ما فاهمه وتونس والمغرب والعراق فى كمان دولتين مش فاكرهم حاليا شاركو بقوات ومات منهم ناس معانا فى الحرب والكلام ده مش كلامى ده كلام السيد اللواء / سعد الدين الشاذلى رئيس هيئه اركان القوات المسلحه عام 1973 وقاله فى شهادته على العصر يعنى اشتركوا معانا بالدم فى تحرير الارض العربيه قبل ما تكون المصريه انا اسف انى طولت على حضرتك بس فى النهايه لا يجب ان تكون الشماته بهذه الامور ولابد منا كمسلمين عقلاء وان الدين الاسلامى دين سماحه وليس دين عداء ان نهدىالامور افضل من هذا بكثير ولا يجب ايضا ان ندعو الله ان ينصر الامريكان والانجليز على المسلمين الامريكان دول بيدعموا العدو الصهيونى اللى ليل نهار عمال يقتل فى اطفال ابرياء والانجليز دول كانوا محتلين لبلدك وفعلوا ما لايفعل بأطفالنا ونسائنا وفى الاخر ندعى ان ربنا ينصرهم على مسلمين
سيدنا محمد صلى الله عليه وسلم خير البريه فى اشد عذابه من اليهود لم يدعوا عليهم وكان جبريل عليه السلام فى انتظار اشاره فقط من يديه الكريمتين ليصب الله عذابه عليهم قال له ( لا يا جبريل عل يدخل احدهم يومأ الاسلام)
واحنا ليل ونهار شتيمه فى كل العرب مش بس فى الجزائر وقدام عينى فى الشغل وفى كل مكان مع اى موقف ونتناسى دائما اى موقف من اى حد مننا وارجو من الاخوه الاعضاء تفهم وجهه النظر وانا مستعد انى امتنع عن اى رد على موضوع الناس بتعتبره استفزاز ولو اى حد مش عايزنى ارد على اى موضوع يقول حالا وانا والله همتنع عن المشاركه فى اى موضوع خصوصا هنا فى القسم الاجتماعى لو بعض الحقائق بتغضب الناس
وشكرا مره تانيه لآدب حضرتك وذوقك واسف للاطاله
بالرغم من كل ما حصل. أنا زعلان على هزيمة فريق عربى. ربنا يوفق الجميع