حد عنده معلومات عن الدراسه بالمانيا؟؟؟؟؟؟؟

**3mr Farrag** · 14-02-2008 09:26 AM

انا بفكر جديا اسافر المانيا دراسه ......
بس معنديش معلومات كافيه عن الموضوع ....من ناحيه الجامعات اللي هناك
و احسنهم و اسعارها......و انا عايز ادخل هندسه....
بس مش عارف بقي في معادله بتتعمل علشان انا كنت ادبي اصلا....ولا باخود سنه ادرس فيها مواد الرياضه
و هل الجامعات هناك كلها دراستها بالالماني ولا في جامعات فيها دراسه بالانجليزي؟؟؟؟؟؟
انا في ناس قالتي ان تعليم الالماني ممكن في حدود 6 شهور و اكون متمكن بيه
ياريت يا جماعه اللي عنده اي معلومه يفدني بيها....لأني مش عارف ابداء اسال منين اصلا

**major_memo** · 14-02-2008 10:05 AM

الموقع دة في كل حاجة عن الدراسة بالمانيا والجامعات وكدة
http://www.daad.de/deutschland/index.en.html

**ahmed ismail** · 14-02-2008 10:01 PM

المشاركة الأصلية كتبت بواسطة major_memo

الموقع دة في كل حاجة عن الدراسة بالمانيا والجامعات وكدة
http://www.daad.de/deutschland/index.en.html

فعلا منظمة daad حتلافى فيها كل حاجة

وربنا يوفقك

**اسلام المصرى** · 14-02-2008 11:12 PM

جرب يا حبيبى موقع سفارة ألمانيا فى القاهرة و ممكن تتصل بيهم , ده الرابط (باللغة العربية) عليه معلومات مفيدة و ان شاء الله تجد ما تبحث عنه :) ربنا يوفقك.

http://www.kairo.diplo.de/Vertretung/kairo/ar/Startseite.html

**Xpert** · 14-02-2008 11:32 PM

مكنش انعذر يا حج ... انا اي نعم سويسري الجنسيه انما زيي زيك هههه

**3mr Farrag** · 15-02-2008 02:09 PM

شكرا يا رجاله علي الردود
بس انا مش عايز مواقع علي النت....انا قريت شويه حاجات
انا عايز حد يكون سافر قبل كده و عارف اي من التفاصيل المهمه للسفر او المعيشه هناك
طيب هي الدراسه في المانيا اللي عرفته انها بتبداء في حوالي شهر 3
يعني اكيد صعب الواحد يخلص الاجراءات في لفتره ديه.....يبقي ادخل علي الترم التاني بقي و لا علي السنه الجديده
و لو حد عنده اي معلومات بالجامعات هناك يعرف حد دخلها ياريت يزودني بمعلومات عنها

**araberphilosoph** · 16-02-2008 12:18 PM

بص يا باشا
الاول مع التاشيره لازم في الاول تخرج شهادتك من الجامعه او المدرسه فيها الدرجات والمواد اللي انت درستها بعدبين توثق في الخارجيه وبعدين السفاره ببلاش عشان انت اصغر من 26 سنه وبعدين تبعت لاي جامعه انت عايزها في المانيا في مجال التخصص زمان كانت الدراسه ببلاش دلوقتي بيدفعوا من 500 لحد 1000 يورو في الترم حسب الولايه والمكان (نصيحه بلاش الجنوب كله غالي مووت خليك شرق او شمال هامبورج مثاليه او لايبزج في الشرق ارخص كتتير)
بعدبن تيجي لمعضله التاشيره بعد كل الورق المطلوب اهم حاجه 7200 يورو في حساب مجمد في Deutsche Bank وده مفيش منه فرع في مصر لازم تحول من اي بنكز الحساب ده هيرجع لك كل شهر 600 يورو تصرف منهم
وبعد متاخد موافقه الجامعه وتحط الحساب هيدوك التناشيره بعد شهر اوة شهرين يعني موضوع شهر 3 انساه خليك في شهر 10 علي الاقل تكون وضبت مسائلك
ارجو اكون افدتك
لو عندك اسئله او عينك علي جامعه معينه قللي ممكن اساعدك
نسيت اخبار لغتك الالماني ايه؟؟ظ
مع تحياتي

**3mr Farrag** · 16-02-2008 01:50 PM

طيب انا اصلا كنت ادبي و ما درستش مواد الرياضه....
و عايز ادخل هندسه....ايه المفروض اعملوا بقي
هل باخود سنه ادرس فيها المواد الرياضه.....ولا بيبقي فيها معادله قبل ما ادخل الكليه
و انا خايف بصراحه من الالماني....انا ما درستوش قبل كده .....بس ناس كتير بتقولي انه مش صعب
و المفروض ان شاء الله بس اظبط اموري و هاخود كورس في معهد جوتا.....
و الدراسه بالالماني معضله اوي.......ولا مش للدرجه
و لو تعرف جامعات كويسه من ناحيه الدراساه و التكلفه ياريت تقول لي
و الف شكر يا باشا

**araberphilosoph** · 19-02-2008 11:28 AM

انت ادبي وعايو تخش هندسه؟؟؟؟ ماشي
هندسه ايه؟؟ ومعلش ممكن اسالك ليه المانيا ليه مش النمسا او بريطانيا او فرنسا حتي
بص الالمانيا مش صعب مغقد شويه بس ممكن في 6 شهور تكون بدات تتكلمه كويس وتفهمه كويس
بالنسبه للمعادله دي تقول عليها الجامعه هناك مش هنا لما تترحم وتبعت هم اللي يقولوا ليك مش احنا ودي بتتختلف من جامعه للتانيه
عايز نصيحه لوجيه الله
لو كده كده هتدرس في المانيا من الاول وهندسه عليك وعلي برمجيات او هندسه معدات طبيه
سوق العمل في المانيا شاحح اوي في المجالين دول
ونصيحه كمان (عد الجمايل يا عم) بلاش تبدا بجوته لانك هتبدا ب srart 1 وموالهم كويل انت خد كورس في اي حته او مدرس خصوصي شويه لحد ماتدوك وبعدين خش امتخان تجديد المستوى
هتتنقل علي المستوي التاني او التالت عدل
يبقي وفرت جهد وفلوس
او شوف الجامعه هتقول ايه يمكن تدرس الاماني هناك احسن

بالنسبه للحامعات جامعه ميونخ او عندي المدام بتدرس في bayereuth مش غاليه 450 يورو في الترم بس كله متوقف علي انت عايز تدرس ايه
لو عندك استفسار تحت امرك

**3mr Farrag** · 19-02-2008 02:20 PM

علي العموم انا عايز ادرس ميكانيكا سيارات....
انا ان شاء الله اليومين دول هبعت لجامعات
و انا اختارت المانيا لعده اسباب.....ان تكلفه مصاريف الدراسه مش غاليه ذي بقيه الدول
غير ان هندسه فيها احسن من اي دوله تانيه.....
و ان واحد صاحبي بيظبط و هيسافر هو كمان المانيا و يعرف ناس كتير هناك
و الف شكر يا باشا علي تعبك معايا