والله هو الي قالي كده وهو مدير في الورشه
عرض للطباعة
هل هو فى توكيل مرسيدس ؟؟
للاسف فيه ناس كتير مثل هذا المهندس بتعمل بلبله بدون اى لازمه !!
انا لسه مكلم المهندس ومدير مركزالصيانه ، قعد يضحك !! و اكد ليه ان 92 عادى و لا يسبب اى اضرار.
- المواتير الكمبروسر موجوده من سنه 2001 فى المرسيدس - و كان وقتها مفيش غير بنزين 90 فقط و كل الناس بتستعمله !! هل كل هذه السيارات مواتيرها بها اضرار اليوم ؟؟ بل بالعكس كل المستعمل منها الى بحاله ممتازه اسعاره عاليه .
هو ليه البلبله الى على الفاضى دى :)
أى واحد يعرف أن نوع البنزين بيتحدد على أساس نسبه الانضغاط
نسبه أنضغاط المحرك بتقول أقصى قدره ممكن تيجى بال92
معنى كدا ال95 دا بيرمى فلوسه فى الارض
وال90 بيضر المحرك "على المدى البعيد" ومبيخدش 100% من قدره المحرك
لو الموضوع بأننا بناخد قدره أعلى بأكتان أعلى مكنش حد غلب
كنا جبنا محرك سيات مودين 70 وحطناله بنزين 95 وطيرنا بقى :)))
العبره دائما بنسبه الانضغاط
حط 92 يا فندم ومتقلقش
احترم تماماً تجربة حضرتك و حكمك ، الفكرة إن الأداء ممتاز على 92 و أحسن على 95 و أحسن وأحسن على 98 ، و برضه هيشتغل على 90 ،
مفيش حاجة بتقول إن الموتور هيبقى ضايع على أكتين معين ، إلي بنقوله إن الأداء هيتأثر بنسبة معينة ، و بالتحديد عشان أكون دقيق العزم هيتأثر ،
هو المشكلة بالضبط هي الكركرة دي إلي حضرتك بتقول عليها ، هتكون موجودة على 92 و هتقل على 95 ، و تقل أكتر على 98 و هكذا ، و هتزيد على 90 و هتزيد أكتر على 80 ، لكن عمرها ما هتختفي تماماً مع أي نوع بنزين مهما كان . الفكرة الفنية في الموضوع انها كل ما قالت كل ما الموتور هيقدر يزود عزمه بدون مشاكل و بالتالي هيدي أداء أحسن (سحب أعلى شوية )، لكن
السرعة القصوى مش هتتأثر خالص على فكرة
لا توجد شركة تقوم بتعديل برنامج ال-ECU مخصوص من أجل شحنة في دولة واحدة ، و تحديداً عشان موضوع الأكتين دة ، لأن كل ال-ECUs من بعد عام 2000 بتعمل تعديل أوتوماتيك لتوقيت الإشعال عشان تتواءم مع الأكتين الموجود، فامش محتاجين برنامج مخصوص لكل دولة أو لكل نوع بنزين
الكلام دة سليم جداً و مفيش فيه كلام في حالة الموتور إلي بيسحب هواء بنفسه (naturally aspirated engine )، يعني بدون شواحن ، و في الحاله دي كمان كان ممكن 90 لأن الموتور إلي بنتكلم عليه نسبة إنضغاطه 9.3:1 ،
لكن في حالة الشواحن الكلام دة مش بيكون مظبوط خالص، لأن شاحن التربو أو السوبر شارجر بيرفع ضغط الهوا داخل السيلندر أكتر من 9.3 دي بكتيير ، و دة إلي بيدي أداء أعلى
يبقى ماينفعش ناخد نسبة الإنضغاط فقط هي العامل المحدد للبنزين هنا، لأنه مش كلام دقيق
الصراحه كلام منطقى
بس نفسر بأيه كلام التوكيل نفسه!
طب أنا عندي سؤال بعد إذن صاحب الموضوع
أنا نسبه الانضغاط عندي 10.5 على موتور 1600. معنى كده لو حاولت اركب Turbo Charger أنا كده هدمر الموتور؟ ولا هاحتاج اعاده برمجة للECU؟ ولا حاسس التسقيف مش هيخلي فيه احتياج لاعادة برمجة الECU؟
كلام التوكيل بيكون متأثر شوية بالناحية التجارية ، و كمان عادةً احنا طبعنا كمصريين مش بنتكلم بدقة قوي ، بمعنى إن البنزين ال-92 مش خطر ولا غلط ، لكن اداؤه أقل في حين 95 أحسن و يدي عمر أطول للمحرك ،
إلي احنا بنقوله هنا هو توضيح للصورة بالتفصيل و بدقة و إيه المميزات و المشاكل عشان كل واحد يحدد إيه المناسب ليه ، مفيش غلط و صح فيه مفضلة بين مميزات و عيوب لكل واحد ، وفي الاخر الاختيار النهائي لكل صاحب عربية حسب عايز إيه من عربيته و حسب ميزانيته .
في حالة تركيب التربو على يد ناس متخصصة بيخفض نسبة الإنضغاط عن طريق عمل خراطة و تجاويف في البستم و حاجات كدة عشان تتناسب مع الضغط ، و بتحتاج برمجة كمان لل-ecu عشان تتناسب مع حالة الموتور الجديدة (كمية بنزين أكتر و هوى أكتر و إشعال مختلف و كل حاجة )، غالباً ال-ecu بتاعة التربو بتكون مختلفة تماماً عن الستوك ، و لو هتشتري تربو كيت على بعضها هيكون معاها ecu جديدة
كلام سليم إلى حد كبير جداً ، الأوكتين هيعتمد على البووست