اقتباس المشاركة الأصلية كتبت بواسطة Batman372 مشاهدة المشاركة
كلام غير صحيح !! انا كنت من اسبوع فى التوكيل لعمل صيانه الزيت !!

كل مهندسى التوكيل مازالو يوصوا ب 92 ! الى فلوسه كتيره و عايز يحط 95 هو حر . لكنه غير ملزم او ضرورى.

و عن تجربه لان معى c200k / 2009 الاداء الفعلى للموتور و استجابته للتسارع ممتاز جدا ولا يوجد تقريبا اى احساس بالتسقيف ( فى بعض الاحيان كركره ضعيفه جدا جدا سرعان ما تزول بمجرد الضغط البسيط على البنزين ) وكذلك وصلت لسرعه 215 كم بدون اى مشاكل .
احترم تماماً تجربة حضرتك و حكمك ، الفكرة إن الأداء ممتاز على 92 و أحسن على 95 و أحسن وأحسن على 98 ، و برضه هيشتغل على 90 ،
مفيش حاجة بتقول إن الموتور هيبقى ضايع على أكتين معين ، إلي بنقوله إن الأداء هيتأثر بنسبة معينة ، و بالتحديد عشان أكون دقيق العزم هيتأثر ،


هو المشكلة بالضبط هي الكركرة دي إلي حضرتك بتقول عليها ، هتكون موجودة على 92 و هتقل على 95 ، و تقل أكتر على 98 و هكذا ، و هتزيد على 90 و هتزيد أكتر على 80 ، لكن عمرها ما هتختفي تماماً مع أي نوع بنزين مهما كان . الفكرة الفنية في الموضوع انها كل ما قالت كل ما الموتور هيقدر يزود عزمه بدون مشاكل و بالتالي هيدي أداء أحسن (سحب أعلى شوية )، لكن
السرعة القصوى مش هتتأثر خالص على فكرة

اقتباس المشاركة الأصلية كتبت بواسطة yoko مشاهدة المشاركة
أيوه مهندس في مرسيدس وقديم
يمكن تكون الي بتنزل مصر الecu متعدل للأوكتان الأقل!!!
لا توجد شركة تقوم بتعديل برنامج ال-ECU مخصوص من أجل شحنة في دولة واحدة ، و تحديداً عشان موضوع الأكتين دة ، لأن كل ال-ECUs من بعد عام 2000 بتعمل تعديل أوتوماتيك لتوقيت الإشعال عشان تتواءم مع الأكتين الموجود، فامش محتاجين برنامج مخصوص لكل دولة أو لكل نوع بنزين

اقتباس المشاركة الأصلية كتبت بواسطة NoRmAl مشاهدة المشاركة
هو ليه البلبله الى على الفاضى دى :)
أى واحد يعرف أن نوع البنزين بيتحدد على أساس نسبه الانضغاط
نسبه أنضغاط المحرك بتقول أقصى قدره ممكن تيجى بال92
معنى كدا ال95 دا بيرمى فلوسه فى الارض
وال90 بيضر المحرك "على المدى البعيد" ومبيخدش 100% من قدره المحرك
لو الموضوع بأننا بناخد قدره أعلى بأكتان أعلى مكنش حد غلب
كنا جبنا محرك سيات مودين 70 وحطناله بنزين 95 وطيرنا بقى :)))
العبره دائما بنسبه الانضغاط
حط 92 يا فندم ومتقلقش
الكلام دة سليم جداً و مفيش فيه كلام في حالة الموتور إلي بيسحب هواء بنفسه (naturally aspirated engine )، يعني بدون شواحن ، و في الحاله دي كمان كان ممكن 90 لأن الموتور إلي بنتكلم عليه نسبة إنضغاطه 9.3:1 ،
لكن في حالة الشواحن الكلام دة مش بيكون مظبوط خالص، لأن شاحن التربو أو السوبر شارجر بيرفع ضغط الهوا داخل السيلندر أكتر من 9.3 دي بكتيير ، و دة إلي بيدي أداء أعلى


يبقى ماينفعش ناخد نسبة الإنضغاط فقط هي العامل المحدد للبنزين هنا، لأنه مش كلام دقيق