الحمد لله ..
ماشى فى طريقى شارع رئيسى ..
نص نقل طالع """""بضهره""""" من شارع جانبى ..
دخل فى جنب عربيتى اليمين ...
"دغدغ" الباب الى ادام يمين و الرفرف الى ادام يمين ...
الحمد لله ايرباج الباب مفتحش ..
طبعا الحيوان بيرجع و انا ايدى على الكلاكس و الى ادامى واقف مش عارف اروح فى اى حته ..
دخل فيا لدرجه ان عربيتى اتزقت الناحيه التانيه ..و دخل فيا و فضل يزق فى العربيه ...هى طبعا متحركتش من مكانها بس ميلت جامد جدا على الناحيه التانيه ...
الحيوان بيقول ان هو ادى العربيه غيار و فتح الباب يبص على العجله وقع من العربيه يا حبه عينى ..و قال ايه رقبته عدت من تحت الكاوتش ...
طبعا كالعاده فتحت القاموس و شتمته ...
و اتفقت معاه يصلحلى العربيه فى التوكيل على حسابه ..مهما اتكلفت و لو معرفش يدفع همضيه على شيك بالباقى ...
الناس اتلمت طبعا فى محاوله لاقناعى ..
بالجملتين المشهورين فى اى حادثه ..
الى ييجى فى الريش بقشيش و حشيش و الجعر ده كله ..
اصله غلبان و عنده 65 عيل و ابوه انتحر من الفقر و كلنا ماشيين على عجل هوا و ربنا يستر طريقك و الكلام ده كله
حاليا الموضوع متوقف على والدى هما عاوزين يدفعو جزء من التصليح و انا الجزء التانى ..و لو انا شخصيا رافض تماما ...الله اعلم والدى هيعمل ايه ..
حاليا معايا البطاقه بتاعه و رقم موبايله و رقم 4 شغالين معاه
و عرفت بيته و مكان شغله ...
الناس الى هتقولى ....
انى ظالم و انه غلبان ..
ده لو دفع دم قلبه فى العربيه دى عشان تتصلح ..
و حس فعلا بقيمه الغلط الى عمله عمره فى حياته ما هيتحرك بعربيته غير لما يكون حذر تماما ..
البيه بيرجع ورا و عنده مرايه يمين و شمال و مرايه صالون كل دول عربيتى ظاهره فيها و هو مكلفش خاطره يبص فيهم ..
و عنده صوت كلاكس ...
سادد ودنه و مش عاوز يسمع و مفكر نفسه بيرجع فى بيت ابوه ...
و من افسد شيئا فعليه اصلاحه ...
انا مش هتنازل عن حقى غير لما والدى هو الى يقرر "التنازل"عن حقه ..
و طبعا حوار انه وقع من العربيه ..
العربيه الى تبقى مانيوال و تاخد غيار و هى واقفه و السواق يقع منها ..و نتبطلش ..و تدخل تزق عربيه و تدغدغها و متبطلش لسه مخترعوهاش ...
معرفش هو عمل الحوار ده على اساس انى هندى ولا عشان معتقد انه هيصعب عليا و اقوله تعالى نعمل اشاعه على رقبه سيادتك لحسن انا قلقان عليك ...

كالعاده ..
مقدرش اقول غير حسبى الله و نعم الوكيل .