1300 جنيه ضاعو مني في بلاعة

**Ahmosality** · 26-01-2009 10:08 PM

السلام عليكم
حسبي الله ونعم الوكيل
عربيتي عاملة 5000 كيلو جيتا 2009
خدت مطب (بلاعه) من يومين تقريبا و اليوم وانا بعمل الصيانة والعربية مرفوعه اكتشفت كوارث المطبات عملاها فيا
1 - في تقفيل صاج من تحت العربية لاقيتو مكبوس جامد ومقطوع من مطب تاني غير البلاعة
2- تقفيل فايبر من تحت الاكصدام مقطوع بردو من مطب
3- فانوس الشبورة اليمين مكسور ( اعتقد من القرف الي موجود على الدائري من زلط ورمل وغيرو )
4- و دي بسبب البلاعة المذكورة لاقيت بالونة في جنب العجلة الشمال قدام و سألت على نفس نوع الكاوتش ونفس المقاس لاقيتها ب 1300 جنيه http://1.1.1.5/bmi/www.nilemotors.ne...653%5B1%5D.gif
انا بصراحة مش عارف اعمل ايه في موضوع المطبات ده .. الموضوع فعلا زيادة عن اللزوم
و البلونة دي ملهاش حل تاني يا جماعة غير تغيير الكاوتش

**ابوهاشم** · 26-01-2009 10:22 PM

ربنا يعوض عليك هنعمل ايه بس والله الواحد خلاص مبقاش لاى طريق سليم فى القاهره كلها دلوقتى تلاقى طريقك شمال بلاعات ويمين حفر ومطبات

**معتز** · 26-01-2009 10:31 PM

اعتقد انك محتاج تراجع نفسك شوية...السرعات اللى بتتحرك بيها ... اسلوب الحركة على الطرقات الغير ممهده...يعنى... انا معاك طبعا الطرق سيئة بس ده لازم يجعلنا ناخد احتياط اكثر.............ربنا يستر

**Hossam_Zaky** · 26-01-2009 11:22 PM

مساء الخير
بالنسبة لموضوع البالونة . للأسف مفيش غير أنك تشتري فردة جديدة لأن دي خلاص مبقتش أمنة
و أهلا بك في مشاكل الجنوط ال17 / 45
أولا : حتلاقي سعر فردة الكاوتش بداية من الكوري 500 جنيه لحد بريدجستون 1200 لـ 1400 جنيه تقريبا و فيه كمان الكونتيننتال اللي راكبة عندك بتوصل لحد 2000 جنيه
متجيبش حاجة من دول لأنها حتبوظ تاني
لازم تجيب كاوتش يكون جنبه اللي هو في مقاس العجلة ( 45 ) جامد صلب أكتر من العادي و ده غالي لأن الجنب الواطي علي الجنط الكبير بيبوظ لو حتي أخدت مطب هوا علي سرعة عالية و ده عن تجربة جيتا برضه بتاعة صاحبي و أخيرا بعد أستعمال 4 شهور لموديل 2009 خليجي و تغيير 4 فرد كاوتش ( مش مع بعض ) كل فردة بقت نوع مختلف عن التاني
اللي كان كويس نوع أندونيسي بـ500 جنيه جنبه ناشف يستحمل و له شفة بتبقي قافلة علي شفة الجنط و بتستحمل بس مش فاكر أسمه لما أشوف صاحبي بكرة حعرفهولك
أوعي تجيب الكونتيننتال لأنه جنبه طري مينفعش شوارع و مطبات مصر
أبقي روح الحي السادس مدينة نصر عند محل الجنوط و الكاوتش ( بركة ) محمد بركة ده صديق و راجل محترم حيشرحلك اللي أنت محتاجه و ممكن يجيبلك الكاوتش اللي أنت عاوزه

**Hossam_Zaky** · 26-01-2009 11:26 PM

و علي فكرة ده مش عيب سواقة المشكلة أن الجنوط الكبيرة بيركب عليها كاوتش جنب واطي عشان الثبات في السرعات العالية و مش معمول حساب أنها حتمشي في شوارعنا اللي كلها مطبات و حفر
يعني لما تاخد بالك من الكاوتش مش حتعرف تسوق العربية و حتخاف عند كل مطب لأنك لازم تاخده بالهادي جدا
و علي فكرة ده في رأيي العيب الوحيد للجيتا مع أرتفاعها المنخفض عن الأرض

**احمد عبدالله** · 27-01-2009 02:19 AM

ربنا يعوض عليك

**zeyad1810** · 27-01-2009 02:59 AM

كويس انها جت على كدة
المهم انك كويس وبسيطة

**Hesham_91** · 27-01-2009 03:44 AM

لا حول ولا قوة الا بالله ربنا يعوض عليك بلد .............

-

-

الموضوع: 1300 جنيه ضاعو مني في بلاعة

LinkBack

أدوات الموضوع

عرض

-

-

المواضيع المتشابهه

عاوز اجيب موبايل ب 1300 جنيه

فولكس 1300 سى سى للبيع 12.000 جنيه

للبيع مشاية كهربائية كسر زيرو ..بتخفيض 1300 جنيه

الباب و الرفرف ضاعو الحمد لله

خصومات كبرى 7000 جنيه على اللانسر 1300 و 1600

الكلمات الدلالية لهذا الموضوع

المفضلات

المفضلات

ضوابط المشاركة