الموضوع: تيدا اوتوماتيك و تيدا بلس..

بصراحة زي ما الناس قالت هيا وجهات نظر في ناس بتحب لما تجيب تحب تجيب اعلي حاجة و ناس بتفكر في الاوبشن دا هيفيد ولا لأ
انا عن نفسي لما اشتريت فكرت الحاجات دية هتلزمني ولا لأ علشان ادفع 10 زيادة الشبورة بيركب عادي 200 جنية و السنسور نفس النظام المالتي مش مشكلة اوي ياعني لأني كدة كدة مشتت في الموبايل و غيرو و الجنوط شايف اني اجيب اللي علي مزاجي و 16 من بره ارخص و شكل احلي هوا كان الحوار في الايرباج التانية و شايف ان ان شاء الله طول ما الواحد ماشي محترم ربنا هيحفظوا هوا و اللي معاة و في الاول و الاخر حاجة ترجعلك :)

انا معايا 2008 اوتوماتك هاتشباك ، و فيها كل الأضافات الى بتتكلموا عليها دى ( ماعدا ال multifunctional steering wheel , A/C touch) ، اقصد اقول ان الحاجات دى كانت بتنزل فى العربية من الأساسيات مش من الكماليات ، فايه معناه ان نيسان بتنزل العربية فاضية بسعر و عربية تانية كاملة بسعر اعلى ، او تبيع الحاجات الى هي شالتها ( الى كانت من الأساسيات ) بسعر غالى ، فى حين ان مالك العربية لو اشترى الأضافات دى من بره و ركبها برده التوكيل ، بيخرج العربية من الضمان . و اعتقد ان الموضوع ده اصبح موضة جديدة فى مصر ، كل حاجة تشتريها بتكون ناقصة اللوازم بتاعتها ، الشقة ناقصة تشطيب ، و العمارة ناقصة الأسانسير ، و المستشفى ناقصة الأدوية ، و المدرسة ناقصها التعليم ، و و و ( و خايف يوم اجى اشترى لمواخذه جزمه الاقيها بتتباع من غير رباط )