فيات نصر 128 موديل 1973

**mas128** · 14-02-2008 02:49 PM

السلام عليكوم

يا جماعة انا لسة شارى عربية نصر 128 موديل 1973 وكشفت عليها وهيا كويسة والمتور بتاعها كفاءة 70% بس اللى عايز اعرفة لية بحس انها ساعات تكون نعمة وسريعة وساعات تكون مش بتجرى ؟؟؟كمان عايز اعرف امومن بنزين 90 ولا 80 وانهى الافضل وياريت حد يرد عليا ؟؟؟؟؟

**hazem_khidr** · 15-02-2008 02:56 PM

غير الزيت بزيت نضيف و ليكن كالتكس ب 28 جنيه و ضبط التاكيهات و اعمل صيانه.لو الموتور لسه زي ماهو يبقي كده الموتور في اخر عمره
و الافضل تستعمل بنزين 80

**mig44n** · 15-02-2008 03:02 PM

مبروك عليك العربيه وربنا يباركلك فيها ويديك خيرها ويبعد عنك شرها....
بالنسبه لموضوع بتجرى فى اوقات واوقات تانيه لا...... طالما انت متاكد من البوجيهات والكربراتير نضيف والشرارة عاليه (شرارة الاسبراتير والموبينه والبوجهات) وطالما انك متاكد من فلتر البنزين(ممكن يبقى فلتر واحد او اتنين واحسن خليهم فلتريين)طالما فلتر البنزين نضيف وكمان غير فلتر الهواء الى راكب جو العمه....
وشوف تيل الفرامل لو بيصفر يبقى كده غير التيل للعجلتين (التيل بيصفر يبقى ممكن تبقى بتقفش فرامل فى اوقات واوقات لا)....وكمان خلى العربيه متفوله علطول ولما تنقص زودها(يعنى متسيبش التنك يفضى على الاخر وبعدين تحط بنزين)...

ونمط القياده ذات نفسه بيحدد العربيه بيبقى سحبها ازاى يعنى انت لو مبتحرقش وبتمشى براحتك قوى ....لما تيجى تحب تحرق وتزود التسارع العربيه مبتستجيبش على طول وبتبقى مكتومه...
يعنى انا بغير الغيارات على 2500 او 3000ار بى ام....... وده مناسب للعربيه قوى ده من رائىء ولو انت غيرت اقل من كده يبقى مش هتعرف تمشى مع العربيات التانيه....
طبعا لو الطريق زحمه او فيه مطبات وكده يبقى تغير على 2000 ار بى ام وومكن 1500 كمان....