خبراء المنتدى العظيم وخصوصا m11

**augast** · 14-06-2010 07:53 PM

انشاء الله انا حجزت سيارة m11 من ابو الفتوح المعادى
بعد التأكد من انها افضل عربية فى فئتها
طلبى من الاعضاء الكرام
اعمل ايه واكشف على ايه عند استلام العربية
علشان انا اول مرة اشترى عربية زيرو (اشتريت قديم كتير بص بصراحة العربية دى ليها رهبة فظيعة فأنا خايف اخدها كدة ومشى من غير مأتاكد من التقفيل المصرى ربنا يستر)
انا حجزتها يوم الخميس اللى فات قالولى بأذن الله هتستلم يوم الخميس او الاحد اللى بعدة (انتو ايه رأيكو برضة انا خايف من المواعيد)

**fineart607** · 14-06-2010 11:37 PM

نصيحتى لك والله على ما اقول شهيد تراجع الفروقات كويس جداوخاصة الكابود واسفل التابلوه ونهايه وسط التابلوه عند الزجاج الأمامى واعتقد ان شاء الله انهم ظبطو ا نفسهم وباذن الله ربنا يحفظها لك هى عربيه كويسه جدا بس فى بعض اخطاء تجميع زى نوع كاوتش الزجاج مش كويس لان كل العربيات او معظمها الله اعلم بها تزييق خفيف وهما بيعملوا عبط لما تسالهم وبيقولوا اول مره حد يشتكى او مره نسمع الكلام ده
بس كن على يقين انها ان شاء الله سياره كويسه واحسن من كل السيارات الى فى نفس سعرها وربنا يحفظها لك وكل الى يمتلكها

**odaoda** · 14-06-2010 11:49 PM

مبروك مقدما ولو ان فى عربيات افضل منها فرأى الشخصى

**augast** · 15-06-2010 12:29 AM

المشاركة الأصلية كتبت بواسطة fineart607

نصيحتى لك والله على ما اقول شهيد تراجع الفروقات كويس جداوخاصة الكابود واسفل التابلوه ونهايه وسط التابلوه عند الزجاج الأمامى واعتقد ان شاء الله انهم ظبطو ا نفسهم وباذن الله ربنا يحفظها لك هى عربيه كويسه جدا بس فى بعض اخطاء تجميع زى نوع كاوتش الزجاج مش كويس لان كل العربيات او معظمها الله اعلم بها تزييق خفيف وهما بيعملوا عبط لما تسالهم وبيقولوا اول مره حد يشتكى او مره نسمع الكلام ده
بس كن على يقين انها ان شاء الله سياره كويسه واحسن من كل السيارات الى فى نفس سعرها وربنا يحفظها لك وكل الى يمتلكها

اولا احب اشكرك على طريقة نصحتك واستجابتك السريعة
انا فعلا كل اللى خايف منة موضوع التقفيل دة بس مش اكتر العربية انا مجربها اكتر من عربية
وفعا هى حكاية العبط دى مظبوطة لانى سألتهم على حكاية الديناموهات ولا اكنهم يعرفو حاجة يقلك انت اول واحد اسمع منة الكلام دة

**evram** · 15-06-2010 12:31 AM

انا راي الشخصي اسبرانزا 516 افضل منة بكثير جدا جدا جدا

**augast** · 15-06-2010 12:35 AM

المشاركة الأصلية كتبت بواسطة odaoda

مبروك مقدما ولو ان فى عربيات افضل منها فرأى الشخصى

الله يبارك فيك
حكاية عربيات افضل انا دورت كتير مش هقول انها احسن عربية لكن هقول انسب عربية لية فى السعر دة واعلى منة ب 15 - 20 باكو كمان
اشكرك على مساعدتك

**augast** · 15-06-2010 12:39 AM

المشاركة الأصلية كتبت بواسطة evram

انا راي الشخصي اسبرانزا 516 افضل منة بكثير جدا جدا جدا

لو ما اختلفت الازواق لبارت السلع
516 مش هقدر اتكلم ولا كلمة عربية حديد واوبشنز وثبات فى السوق وحجات تانية كتير
لكن بردة الm مقدرش اقلك اوحش على الاقل الشكل الخارجى والداخلى اجدد وحاجات تانية كتير
انا ركبت الاتنين
الانسبلى ال m11
وربنا يسترها معانا جميعا

**evram** · 15-06-2010 06:59 AM

المشاركة الأصلية كتبت بواسطة augast

لو ما اختلفت الازواق لبارت السلع
516 مش هقدر اتكلم ولا كلمة عربية حديد واوبشنز وثبات فى السوق وحجات تانية كتير
لكن بردة الm مقدرش اقلك اوحش على الاقل الشكل الخارجى والداخلى اجدد وحاجات تانية كتير
انا ركبت الاتنين
الانسبلى ال m11
وربنا يسترها معانا جميعا
:10d5c8w1107:

اكيد طبعا كلامك صح هي 516 شكلة مش عاطفي شكلة قديم شوية زي لانسر و شكلة لا يطاق من ورا و من جوة عادية هي ام 11 جميلة و ربنا يبارك لك فية و تجيبة علي خير و يديك خرة و يكفيك شرة و طبعا في كل حاجة ام 11 شكلة اشيك

**emad7759** · 15-06-2010 12:43 PM

اولا الف الف الف الف مبروك وربنا يديك خيرها ويكفيك شرها

وثانيا بص ياسيدى

1- بص على الطابلوه من عند الزجاج ممكن يكون سليب ومرفوع من جنب زى عندى كده

2- وده الاهم جرب العربيه الاول ويريت يكون فى طريق مشحلو علاشان يبات اللى فيها من خبط او صوط فى الزجاج

3- اقفل الزجاج بلكامل وسيب الزجاج الشمال اللى جانبك مفتوح وامش براحه جنب الرصيف واسمع صوت البلى

لو سمعت صوت خشونه يبقا البلى خشن

4- جرب جميع ماهوه فى الكهربا زى المسحات والانوار وكل ماهو لوة مفتاح

5- اكسر العجل الى اخره وشوف فيه صوت ولا لاء لان لو فيه صوت زنه يبقا فيه حاجه فى الاسكترا او طرمبه البور

6- جرب التكيف وشوفه

7- شوف فيه صوت طالع نت ورا فى العربيه ولا لاء لان لاصوات اللى بططلع فى ابلعربيات دى هما تفسهم مش عرفين حل ليها

ولما تروح ليهم بيقولو ات العفشه عيزه تطربط وفعلا بيروح الصوت ويرجع بعد يومين تانى

وفى النهايه ربنا يكرمك وكون من العربيه اللى الرجاله فى خط الانتاج كان مزجهم كويس وتكون ان شاء لله كويسه وليس بها مشاكل

وفى النهايه الف مبروك عليك