تويوتا افينسيس موديل 2007 لم تستخدم

**ashraf12345** · 14-06-2010 10:20 PM

السادة اعضاء المنتدى الكرام السلام عليكم
يوجد لدينا سيارة تويوتا افنسيس للبيع موديل 2007 جميع الكامليات مانيول لم تستخدم فقط 22 الف كيلو لون مارون نبيتى غامق فابريكة بالكامل مشتراة من تويوتا اجيبت ضمان الوكيل اكرر بحالة الزيرو قمنا بشرائها ولظروف السفر كانت تستخدم فى الاجازات فقط اشتريناها ب 167الف جنية وهية اخر موديل فى 2007 ولايوجد 2008 و 2009 ويوجد فقط موديل 2010 سعر الزيرو ب 235 الف السيارة لمن يعرفها فقط وهية انجليزى
السادة الكرام نريد بيعها بسعر السوق ولا نعرف السعر علمنا بانها الوحيدة فى مصر بهذا الموديل وهذ الكيلو متر
وتم عمل الصيانة عند 11 الف كيلو فى توكيل تويوتا ايجيب فى سنة 2008 وصيانة ال19 الف كيلو سنة 2009 وذلك بالفواتير المعتمدة من التوكيل لبيع لعدم الحاجة اليها لاننا اشترينا تويوتا كامرى موديل 2010
شكرا لكم واتمنى التوفيق لاعضاء المنتدى الكرام
تلفونى للاستفسار ولمزيد من التفاصيل av 1.jpg

av ganb.jpg

av motor.jpg 011000679

**gazzar91** · 15-06-2010 12:17 AM

عاوز رأيي... العربية دي من العربيات اللي لما بشوفها بحس إن تويوتا مش هتعمل زيها تاني.. عربية وقورة بحق...
خسارة تتباع... بس طبعاً دي رغبة حضرتك... للأسف معرفش حاجة عن السوق و لكن حبيت أقولك ربنا يوفقك...
في رعاية الله..

**Eng_Mostafa_89** · 16-06-2010 08:33 PM

ممكن اعرف السعر

**أبو عبدالله** · 17-06-2010 11:41 AM

اخي الفاضل
العربية الزيرو موديل 2010 موديل جديد منها
يعني مفيش وجه مقارنة
وعلى فكره هيا حاله نادره ولكن فيه حالات مثيلة برضه منها ساعات
السعر بتعها هيتراوح من 110 الى 120 الف
لو اكتر من كده يبقى حسب احتياج الزبون للعربيه وهيا ونصيبها اما لو عاوز تبيع بسرعه يبقى زي ما انا قولتلك ان شاء الله
ومتنساش ان العربيه موديل 2007 يعني انت داخل على فارق اربع سنين موديل لأن موديلات 2011 بتنزل في شهر 9 او 11 القادم
ربنا يوفقك في بيعها ويحسن لك بيعها ان شاء الله

**a7madramadan** · 17-06-2010 03:43 PM

خسارة تتباع ........ هتخسر فيها ..سعر السوق من 110 ل 120 زي ما الاستاذ قال لان كانت قدامي واحدة بس ماشية كتير عن عربيتك ....استخدام طبيعي من 2007-2010... ونفس الموديل تقريبا و اتباعت على 112500... .....الله يسهلك بيعها..بس برضه نصيحة كمان مرة العربية خسارة بيعها...قيمتها معاك احسن بكتييييييير

**أبو عبدالله** · 18-06-2010 02:22 PM

ياريت يا اخي صور للعربيه وجزاك الله كل خير

**mexmarine** · 18-06-2010 04:55 PM

ربنا يوفقك فى البيع

**memoz** · 18-06-2010 07:50 PM

بالتوفيق في البيع

**ashraf12345** · 19-06-2010 07:58 PM

اشكركم ياجماعة حقيقى على ردودكم واهمامتك فعلا جزيل تقديرى ليكم وللمنتدى زى ماتفضلتم وقولتو كتير اوى شافوها بس اغلبهم معارض سيارات الى يقولى 108والى يقولى 110 وطبعا عشان يبيعها باكتر من كدة بكتير مش عارف اعمل اية
تصورو بقى لما عربية زى دة تقارن باوبترا مثلا او كروز مش قادر اصدق العربية فعلا تحفة او كلمة تحفة دة قليلة عليها يكفى ان فيها مانع صوت يخلى الواحد منعزل عن العالم الخارجى اساسا
عموما مش حتفرق سنة كمان ما كدة كدة بتستخدم كل سنة فى كام شهر وبس
بكرر شكرى وتقديرى والسلام عليكم

**ashraf12345** · 19-06-2010 08:02 PM

يا استاذ ابو عبد الله معاك حق الزيرو 2010 لا مجال للمقارنة بس ياسيدى الفاضل ال 2010 ب 235 الف وممكن تتصل بتويوتا اجيبت وتسال حضرتك يعنى فرق تقريبا 100 الف
تانى حاجة سعاتك الكرولا 2007 المانيول سعرها من 95 الى 100 الف طبعا الحالة النادرة زى حالة عربيتى يبقى بالزمة كدة عربيتى سعرها يفرق عن الكرولا 10الف جنية
شكرا سيدى الفاضل
سلام عليكم

الموضوع: تويوتا افينسيس موديل 2007 لم تستخدم

LinkBack

أدوات الموضوع

عرض

-

-

-

-

-

-

المواضيع المتشابهه

اوكتافيا a4 او تويوتا افينسيس

تويوتا افينسيس الجديدة

تويوتا كرولا 2007 ولا لانسر 1600 موديل 2007

تويوتا يارس 2007 لم تستخدم

الكلمات الدلالية لهذا الموضوع

المفضلات

المفضلات

ضوابط المشاركة