الشد العادى
العفشه
السرفيس
الكهرباء
السمكرة
الزجاج
الفنيش الاخير
الشد العادى
العفشه
السرفيس
الكهرباء
السمكرة
الزجاج
الفنيش الاخير
بالنسبة للعفشه ودتها لاكتر من عفشجى وقالولى زى الفل وحتى بتاع ظبط الزوايا وقاللى تمام وبالنسبة للكهربا ظبطها وغيرت ربع الضفيرة الامامى وبالنسبه للزجاج شغال كويس وبالنسبه للسمكره فانا مش عاوز اعمل فيها حاجه دلوقتى الا قبل التجديد اللى فى شهر يناير القادم وده لانى لسه مش متمكن اوى فى السواقه فممكن اتخبط ولا حاجه فمستنى عليها شويه هل فيه حاجه تانيه ممكن يتبص عليها ولا كده بعد العمره يبقى خلاص ولا اعملها عمره واشوفلها بيعه احسن ولا اعمل ايه
الشد ده يعتبر بناء للعربيه على هواك
زى ما قولت من قبل تبقى عارف كل حاجه فيها
يعنى بتربيها على ايدك لامؤخذة بتعلفها علشان تئنيها
مش علشان تبيع
لكن لو نيه البيع صلح وبيع
ربنا يكون في عونك
القديم كله مشاكل وهتطلع من مشكلة هتدخل في مشكلى تانية
واسمع الحكاية دي :
واحد بيقول لصاحبة عايز اشتري عربية جديدة والفلوس معاي يدوب ميجبوش حاجة
صاحبه قاله ياعم اشتري عربية قديمة على قد فلوسك
قاله ليه شايفني غني علشان اركب عربية قديمة!!!
المقصود : القديم عايز واحد مقتدر يصرف عليها ومعاه فلوس وغاوي قرف زي كده برضو
ربنا يعينك يا باشا واستحمل واصبر ومفيش حلاوة من غير نار
الجديد والقديم على السواء فيهم مشاكل ...كل حاجة ليها مميزات وعيوب والعربية فى الاول وفى الاخر عتبة مش اكتر بنا يكفيها شرها
مش كل القديم
ده بيعتمد على صاحب العربيه الاولانى و على ماركه العربيه برضه
انا عربيتي موديل 78 و اشتريتها من عمى و الحمد لله ماحصليش مشاكل كبيره (يعنى اكبر مشكله حصلتلى فيها هى تغير جوان وش السلندر ) و ده لأن عمى كان محافظ عليها اوى
فماتعقدشى الراجل من القديم
بس هو واضح انه ناقصه خبره ميكانيكيه و خبره فى عربيته نفسها و بيسمع كلام الميكانيكيه و النصابين كتير
و بالنسبه للجديد فاقرى الموضوع ده
http://www.nilemotors.net/Nile/141086-a.html وصاحب الموضوع كان بيشتكى من عيب فنى فى الكروز 2010 و عمل بيها اكتر من حادثه خطيره كان حيروح فيها اكتر من مره ..و التوكيل مش عارف يعمله حاجه
فماتعقدشى الراجل من القديم ... الموضوع كله حظ و نصيب سواء جديد و لا قديم