افيدونى احسن انا كرهت كل العربيات واى حاجه تبدا بحرف العين
انا يا جماعة كرهت نفسى عمال احوش من زمان علشان اشترى عربيه واتنيلت اشتريتها وكرهتنى فى الدنيا كلها من ساعة ما جبتها وفيه حاجات غريبة بتحصل منها المنطقى ومنها الغير منطقى حاجه غريبه العربيه بولونيز مو 81 المهم اخر المطبات اللى انا مغروز فيها ومش عارف ايه اخر الموضوع ده وانا ماشى يوم السبت اللى فات على طريق السويس لقيت مره واحده لمبة الزيت نورت روحت فورا راكن ومبطل وكلمت اصحابى والميكانيكى كلهم اجمعوا على ان العربيه لازم تتسحب ما تدورش المهم واحد قالى استنى لما تبرد ودور وشوف وطبعا ده كان امل بالنسبالى لانى فى وسط الصحرا وكمان معايا بنتى طفله ولوحدى فكان لازم اتمسك بالامل المهم دورت بعد حوالى 10 دقايق لقيت اللمبه منوره وصوت الموتور اتغير بطلت بسرعه وكلمت واحد صاحبى جابلى عربيه وقطرتنى وجيبتلها ميكانيكى بعدها بيومين عمل شويه حركات كده وفك الاسبراتير وشاف الترس بتاعه والمهم قاللى دور كده فضلت ااكد عليه ادور يقوللى دور سمعت كلامه ودورت لقيت صوت الموتور ابتدى يتغير للاسوا لحد ما سمعت صوت خبط جامد فى الماكينه من تحت وفى الاخر قاللى كده الماكينة لازم تتحل وكده ممكن تدخل فى عمرة كامله ومش عارف اعمل ايه المشكله كلها تكمن فى انى ساكن فى مدينة بدر على طريق السويس والميكانيكى الى باتعامل معاه فى المطريه والفرامل بتاعتى بتحجر طول ما العربيه مبطله وهنا الميكانيكيه فى بدر اونطجيه وواخدينها لوى ذراع وفهلوة ومش عارف خايف اقطرها لحد المطريه تحصل كارثه لان الطريق طويل ومش هيبقى فيه فرامل وخايف اوديها لحد هنا يعمللى فتحه ونصبه ويدخلنى فى كلام كتير ومحتار جدا وكرهت نفسى ولو طلع محتاج عمره اجيب موتور استيراد احسن ولا اعمر والموتور الاستيراد فى حدود كام لو كان بتاع 131 وينفع اساسا يركب ولا لأ حد يفيدنى الله يخليكوا وللعلم دى اول مشاركاتى لانى اول مره اركب عربيه وشكرا