رخصت الحمد لله...اشغل التكييف ولا لأ ؟

السلام عليكم ورحمة الله..

انهارده الحمد لله رحت رخصت في مرور الشيخ زايد, و الحمد لله كان الموضوع سهل بس طول شوية نظرا لإن ماكانش فيه طفايات ورحت اشتريت واحدة من موبيل اللي قدام زايد.

المهم الموضوع تقريبا اتكلف 750 جنيه بالكامل ترخيص سنة واحدة.

خلصت الترخيص وسلمت على الراجل بتاع Contact اللي تقريبا عمل كل حاجة, وبعدين وأنا ماشي كنت هالبس في مطب.. معرفش ايه المطبات العاملة زي المقالب ديه مش متلونة وحاجة نيلة.. بس الحمد لله دست فرامل جامد والABS اشتغل والعربية وقفت و الحمد لله اطمنت إن ال ABS شغال من غير قصد. :S_thum1[1]:

سؤال بقى, دلوقتي أنا قرأت المانيوال كله مفيش كلام مكتوب عن التكييف وإنك متشغلوش في فترة التليين...هو بس قال لك ماتقرصش على الموتور.

فـيا ترى ليه الناس بتقول ميشتغلش أول 1000 كيلو ؟؟

مستني تعليقاتكم

تحياتي
محمود

والله يا أخ راؤل أنا كنت بشغل التكيف عادي جدا وأنا بلين ومكنش في أي مشكلة
أنا فاكر اليوم إلي العربية إلي إتفتحت فيه وخلصت تلينها كانت عاملة حوالي 1400 ك يوميها كنت قاعد في العربية مع خطيبتي وكنا مستنين والدتي وفضلنا قاعدين في العربية ومشغل التكيف حوالي ساعة وأنا راجع بقى لأكتوبر يوميها حسيت بإختلاف كبيييييييييييييير في السحب والتجميع
متهيألي إنها حاجة مش مضرة ولا حاجة

اقتباس:

---

المشاركة الأصلية كتبت بواسطة das1328

والله يا أخ راؤل أنا كنت بشغل التكيف عادي جدا وأنا بلين ومكنش في أي مشكلة
أنا فاكر اليوم إلي العربية إلي إتفتحت فيه وخلصت تلينها كانت عاملة حوالي 1400 ك يوميها كنت قاعد في العربية مع خطيبتي وكنا مستنين والدتي وفضلنا قاعدين في العربية ومشغل التكيف حوالي ساعة وأنا راجع بقى لأكتوبر يوميها حسيت بإختلاف كبيييييييييييييير في السحب والتجميع
متهيألي إنها حاجة مش مضرة ولا حاجة

---

+1

http://i122.photobucket.com/albums/o...owingstars.gif

مبروووووووووووووووووووووو ك مبروووووووووووووووووووووو ك الف الف مبروك يامعلــم


وبخصوص التكييف شغله عادى , بس يفضل ان الاجهاد ما يكونش كبير خلال فترة التليين

- يعنى بلاش تكون دايما محمل العربيه , دايما مشغل التكييف , بتحرق على الغيارات-

وربنا يباركلك فيها يارب ويحفظهالك ويكفيك شر الطريق , وتفضل دايمــا بتحب جينــاhttp://i122.photobucket.com/albums/o.../th_hearts.gif

تحيـــــــــــــــاتـــىhttp://i122.photobucket.com/albums/o.../th_eclown.gif

اقتباس:

---

المشاركة الأصلية كتبت بواسطة raul_7

السلام عليكم ورحمة الله..

انهارده الحمد لله رحت رخصت في مرور الشيخ زايد, و الحمد لله كان الموضوع سهل بس طول شوية نظرا لإن ماكانش فيه طفايات ورحت اشتريت واحدة من موبيل اللي قدام زايد.

المهم الموضوع تقريبا اتكلف 750 جنيه بالكامل ترخيص سنة واحدة.

خلصت الترخيص وسلمت على الراجل بتاع contact اللي تقريبا عمل كل حاجة, وبعدين وأنا ماشي كنت هالبس في مطب.. معرفش ايه المطبات العاملة زي المقالب ديه مش متلونة وحاجة نيلة.. بس الحمد لله دست فرامل جامد والabs اشتغل والعربية وقفت و الحمد لله اطمنت إن ال abs شغال من غير قصد. :s_thum1[1]:

سؤال بقى, دلوقتي أنا قرأت المانيوال كله مفيش كلام مكتوب عن التكييف وإنك متشغلوش في فترة التليين...هو بس قال لك ماتقرصش على الموتور.

فـيا ترى ليه الناس بتقول ميشتغلش أول 1000 كيلو ؟؟

مستني تعليقاتكم

تحياتي
محمود

---

بدل ما اعمل موضوع جديد الف مبروك يا حودة على الترخيص والحمد لله انا لسة مخلص ترخيصى بردة ومش عايز اقولك ان نفس التوبيك بتاعك هوة اللى حصلى بالملى باستثناء وحدة المرور وان الطفاية كانت موجودة والمطب :) مكنش موجود :)
المهم انا دفعت بردة 750 جنية مصاريف سنة والراجل بتاع كونتاكت خلص كل حاجة انا تقريبا معملتش اى حاجة بس الجو كان علقة سخنة من عين الصيرة الى اكتوبر ذهابا وايابا على الرغم ان الحمد لله الدنيا كانت سالكة وانا رايح وانا راجع مع انى مشيت من الهرم (سبحان الله ربنا كان مسهلها من عندة ) ونفس شعور انى حموت واشغل التكييف لانى اتسلقت بس بصراحة قلبى مش مطاوعنى :) اتسلق انا ماشى لكن جيجى متتعبش الجو كان سخن فوق الوصف
مبروك علينا كلنا وربنا يباركلنا فى عربياتنا البروتون

الف مليون مبروم للبشمهندس احمد والاستاذ محمود وعقبال صيانه ال 100.000

اقتباس:

---

المشاركة الأصلية كتبت بواسطة ramyar

الف مليون مبروم للبشمهندس احمد والاستاذ محمود وعقبال صيانه ال 100.000

---

الله يبارك فيك يا بشمهندس رامى احنا ماشيين بتعليماتك يا مستشارنا
تحياتى

ألف ألف مبروك يا محمود باشا
بالنسبه لموضوع التليين في المانيوال زي مانت عارف مكتوب في جزء واحد فقط وهو عند السرعات اللي يجب التغيير عندها و مكتوب شوية ملاحظات أهمها انك تتجنب الحرق على الموتور (high rpm) بس الغريب ان أساسا السرعات المنصوح بيها سرعات عاليه و تقريبا ما بتجيش على rpm أقل من 3.5-4 و أنا شخصيا باحس ان خلاص صوت الموتور بيعلى و باكون عايز أغير (برغم انو لسه العربيه ممكن تسحب و السرعه تزيد من غير ما أنقل) وفي الفيديو اللي مرفوع في المنتدى الخبير الماليزي بيقول أن ال
optimun gear shift at 4.5 to 6.5 rpm
يعني احسن استهلاك للبنزين مع أحسن كفائه للموتور وانا بصراحه شايف ان دا كتير بالنسبه للي احنا متعودين عليه
أنا باذن الله اروح بكرا صيانة الألف في اسكندريه و هاسأل على الموضوع دا برغم اني امبارح كنت في القاهره و طبعا ماقدرتش امشي من غير التكييف علي الmaximum

والله يا إخواني أنا عارف إحساسكم دلوقتي لأني مريت بيه من 3 أشهر ونص تقريبا
بس صدقوني بعد ما تعملو صيانة ال 5000 هتلاقو نفسكو بتجرو وبتحرقو لأن الجن2 مغرية ثبات وتجميع وإحساس فوق الوصف

مين الراجل بتتاع الكونتاكت دا يا جدعان

اقتباس:

---

المشاركة الأصلية كتبت بواسطة x512

مين الراجل بتتاع الكونتاكت دا يا جدعان

---

ده مندوب من شركة كونتاكت بييجى يرخصلك لما تكون مقسط معاهم و بجد ناس محترمين قوى و عارفين شغلهم كويس.

اقتباس:

---

المشاركة الأصلية كتبت بواسطة das1328

والله يا أخ راؤل أنا كنت بشغل التكيف عادي جدا وأنا بلين ومكنش في أي مشكلة
أنا فاكر اليوم إلي العربية إلي إتفتحت فيه وخلصت تلينها كانت عاملة حوالي 1400 ك يوميها كنت قاعد في العربية مع خطيبتي وكنا مستنين والدتي وفضلنا قاعدين في العربية ومشغل التكيف حوالي ساعة وأنا راجع بقى لأكتوبر يوميها حسيت بإختلاف كبيييييييييييييير في السحب والتجميع
متهيألي إنها حاجة مش مضرة ولا حاجة

---

تمام يا معلم, وأنا شغلته انهارده نظرا لإن طريقي كله صحراوي وكنت ماشي على rpm واطي خالص. :)

اقتباس:

---

المشاركة الأصلية كتبت بواسطة Ayman_52

+1

http://i122.photobucket.com/albums/o...owingstars.gif

مبروووووووووووووووووووووو ك مبروووووووووووووووووووووو ك الف الف مبروك يامعلــم


وبخصوص التكييف شغله عادى , بس يفضل ان الاجهاد ما يكونش كبير خلال فترة التليين

- يعنى بلاش تكون دايما محمل العربيه , دايما مشغل التكييف , بتحرق على الغيارات-

وربنا يباركلك فيها يارب ويحفظهالك ويكفيك شر الطريق , وتفضل دايمــا بتحب جينــاhttp://i122.photobucket.com/albums/o.../th_hearts.gif

تحيـــــــــــــــاتـــىhttp://i122.photobucket.com/albums/o.../th_eclown.gif

---

تمام يا أيمن بيه الكبير, وشكرا عالنصيحة. http://i122.photobucket.com/albums/o.../th_eclown.gif

اقتباس:

---

المشاركة الأصلية كتبت بواسطة mido_soliman

بدل ما اعمل موضوع جديد الف مبروك يا حودة على الترخيص والحمد لله انا لسة مخلص ترخيصى بردة ومش عايز اقولك ان نفس التوبيك بتاعك هوة اللى حصلى بالملى باستثناء وحدة المرور وان الطفاية كانت موجودة والمطب :) مكنش موجود :)
المهم انا دفعت بردة 750 جنية مصاريف سنة والراجل بتاع كونتاكت خلص كل حاجة انا تقريبا معملتش اى حاجة بس الجو كان علقة سخنة من عين الصيرة الى اكتوبر ذهابا وايابا على الرغم ان الحمد لله الدنيا كانت سالكة وانا رايح وانا راجع مع انى مشيت من الهرم (سبحان الله ربنا كان مسهلها من عندة ) ونفس شعور انى حموت واشغل التكييف لانى اتسلقت بس بصراحة قلبى مش مطاوعنى :) اتسلق انا ماشى لكن جيجى متتعبش الجو كان سخن فوق الوصف
مبروك علينا كلنا وربنا يباركلنا فى عربياتنا البروتون

---

حبيبي ألف مبروك الترخيص, معلش هي أكيد علقة بس الحمد لله عدت على خير. :S_thum1[1]:

اقتباس:

---

المشاركة الأصلية كتبت بواسطة ramyar

الف مليون مبروم للبشمهندس احمد والاستاذ محمود وعقبال صيانه ال 100.000

---

الله يبارك فيك يا أستاذ رامي, ويا رب إن شاء الله يسمع منك, بس نعمل صيانة ال 1000 الأول. :B4_282:

اقتباس:

---

المشاركة الأصلية كتبت بواسطة ahmedgalwash

ألف ألف مبروك يا محمود باشا
بالنسبه لموضوع التليين في المانيوال زي مانت عارف مكتوب في جزء واحد فقط وهو عند السرعات اللي يجب التغيير عندها و مكتوب شوية ملاحظات أهمها انك تتجنب الحرق على الموتور (high rpm) بس الغريب ان أساسا السرعات المنصوح بيها سرعات عاليه و تقريبا ما بتجيش على rpm أقل من 3.5-4 و أنا شخصيا باحس ان خلاص صوت الموتور بيعلى و باكون عايز أغير (برغم انو لسه العربيه ممكن تسحب و السرعه تزيد من غير ما أنقل) وفي الفيديو اللي مرفوع في المنتدى الخبير الماليزي بيقول أن ال
optimun gear shift at 4.5 to 6.5 rpm
يعني احسن استهلاك للبنزين مع أحسن كفائه للموتور وانا بصراحه شايف ان دا كتير بالنسبه للي احنا متعودين عليه
أنا باذن الله اروح بكرا صيانة الألف في اسكندريه و هاسأل على الموضوع دا برغم اني امبارح كنت في القاهره و طبعا ماقدرتش امشي من غير التكييف علي الmaximum

---

الله يبارك فيك يا أحمد, تمام كلامك, بس أنا كنت مشغله على خفيف بس هو مش فارق خفيف ولا عالي كده كده الكمبرسر بيشتغل, بس أنا كنت مهدي ال rpm خالص.

اقتباس:

---

المشاركة الأصلية كتبت بواسطة das1328

والله يا إخواني أنا عارف إحساسكم دلوقتي لأني مريت بيه من 3 أشهر ونص تقريبا
بس صدقوني بعد ما تعملو صيانة ال 5000 هتلاقو نفسكو بتجرو وبتحرقو لأن الجن2 مغرية ثبات وتجميع وإحساس فوق الوصف

---

هو التفتيح مش من بعد ال 1000 كيلو ؟

باشا حاول ماتشغلوش افضل
لانه فعلا بيحمل على الموتور ولو 1% وهاتحسها لو شغلته فبلاش حمل عليه دلوائتى

وحاول بعد الالف تفتحه تدريجيا يعنى مثلا بعد الالف اوصل ل 4000 ار بى ام
وبعد ال3 الاف اوصل ل 4500
وبعد الخمسه الاف فتحه جامد بئا براحتك

الكلام ده عمره ماهايفرق معاك دلوائتى بس هايفرق بعد مرور 100000 كم مثلا هاتحس ان موتورك لسه بحالته ماخفش خالص
والكلام ده عن تجربه فى عربيات قديمه مش بروتون بس كلها مواتير بردو

آه على فكرة يا جماعة, انهارده في الترخيص قابلت واحد بروتوني, راجل كده تقريبا في التلاتينات وكنت فاتح الموتور عشان الفحص جه بص كده و سلم قال لي عامل ايه والعربية عاملة ايه وبتاع, قال لي ده مغيرين الفلتر هنا وغطى الموتور, قلتله فعلا.

المهم الراجل قال لي تمام, انا معايا Gen 2 موديل 2006, قلتله تمام عاملة كام ؟ قال لي فوق ال 100,000 حاليا, قلتله وايه رأيك فيها ؟ قال لي بصراحة عربية كويسة, بس كان فيها كام حاجة في الكهربة كده بس كله بيتظبط الحمد لله.

قلتله تمام وبتاع, وسألته بيعمل الصيانة في التوكيل ولا لأ ؟ قال لي أنا كنت بعملها لحد 40,000 وبعدين بقت بعملها عند أشرف حاجة كده في فيصل.

المهم في الآخر سلم عليَّ وباركلي ومشي بس كان راجل ذوق قوي واللهِ.

ربنا يباركله في جينته. :)

اقتباس:

---

المشاركة الأصلية كتبت بواسطة momopersona

باشا حاول ماتشغلوش افضل
لانه فعلا بيحمل على الموتور ولو 1% وهاتحسها لو شغلته فبلاش حمل عليه دلوائتى

وحاول بعد الالف تفتحه تدريجيا يعنى مثلا بعد الالف اوصل ل 4000 ار بى ام
وبعد ال3 الاف اوصل ل 4500
وبعد الخمسه الاف فتحه جامد بئا براحتك

الكلام ده عمره ماهايفرق معاك دلوائتى بس هايفرق بعد مرور 100000 كم مثلا هاتحس ان موتورك لسه بحالته ماخفش خالص
والكلام ده عن تجربه فى عربيات قديمه مش بروتون بس كلها مواتير بردو

---

قصدك بعد ال 1000 افتح الموتور وانا مشغل التكيف عادي ؟

لا اول سطرين ردى بخصوص التكييف فقط
يعنى حاول ماتشغلوش غير بعد مرور اول 1000 كم


وباقى الرد عن تفتيح الموتور انك تفتحه بعد الالف
لكن تفتحه تدريجيا مش قفش
يعنى مش بعد ماتكون محافظ اوى اوى تقوم قارص عليه جامد مره واحده خد الموضوع تدريجى الكلام ده بعد الالف طبعا
وطبعا التكييف شغله براحتك بعد مرور اول الف

لو طريقك مفتوح و سريع شغله لان الحمل بيبقي شبه منعدم لو العربية ماشية

والف الف مبروك

السلام عليكم ....
مبروك يا باشا على العربية و ربنا يباركلك فيها و يكفيك شر الطريق .
أهم حاجة متخليش العربية تغريك للجري لأي سبب كان . وربنا يستر طريقك.

بالنسبة للتليين .
شغل التكييف عادي جدا و مفيش أي مشكلة ( لما تحس بتقل شوية بسبب التكييف متحرقش قوي على الموتور )
أهم حاجة أنك متحرقش على الغيارات و متعليش الغيار عن 3000 لفة .
و بعد أول ألف كم ........ أبقى أعمل اللي أنت عايزه

ربنا يباركلك فيها و يكفيك شرها و يستر طريقك و ألف مبروك

اقتباس:

---

المشاركة الأصلية كتبت بواسطة momopersona

لا اول سطرين ردى بخصوص التكييف فقط
يعنى حاول ماتشغلوش غير بعد مرور اول 1000 كم


وباقى الرد عن تفتيح الموتور انك تفتحه بعد الالف
لكن تفتحه تدريجيا مش قفش
يعنى مش بعد ماتكون محافظ اوى اوى تقوم قارص عليه جامد مره واحده خد الموضوع تدريجى الكلام ده بعد الالف طبعا
وطبعا التكييف شغله براحتك بعد مرور اول الف

---

تمام...شكرا للتوضيح.

اقتباس:

---

المشاركة الأصلية كتبت بواسطة DR.almaghraby

لو طريقك مفتوح و سريع شغله لان الحمل بيبقي شبه منعدم لو العربية ماشية

والف الف مبروك

---

تمام يا محب, وهو فعلا بيبقى الطريق مفتوح وسريع.

اقتباس:

---

المشاركة الأصلية كتبت بواسطة tutankhamoun

السلام عليكم ....
مبروك يا باشا على العربية و ربنا يباركلك فيها و يكفيك شر الطريق .
أهم حاجة متخليش العربية تغريك للجري لأي سبب كان . وربنا يستر طريقك.

بالنسبة للتليين .
شغل التكييف عادي جدا و مفيش أي مشكلة ( لما تحس بتقل شوية بسبب التكييف متحرقش قوي على الموتور )
أهم حاجة أنك متحرقش على الغيارات و متعليش الغيار عن 3000 لفة .
و بعد أول ألف كم ........ أبقى أعمل اللي أنت عايزه

ربنا يباركلك فيها و يكفيك شرها و يستر طريقك و ألف مبروك

---

وعليكم السلام ورحمة الله...أستاذ توت ألف شكر لردك.

تمام كلامك, وأنا الحمد لله من ساعة ماجبتها معدتش بيها 3000 rpm.

وجزاك الله خير عالدعاء, والله يبارك فيك.

الف مبروك ربنا يديك خيرها و يكفيك شرها ممكن تشغل التكيف بس مش دائما يعني ول نازل بليل و لاقيت الجو مش مستاهل بلاش
و و انت مشغل التكيف براحه علي العربيه بلاش جري مفاجئ او كبس علي البنزين سايس العربيه

اقتباس:

---

المشاركة الأصلية كتبت بواسطة powerofhelll

الف مبروك ربنا يديك خيرها و يكفيك شرها ممكن تشغل التكيف بس مش دائما يعني ول نازل بليل و لاقيت الجو مش مستاهل بلاش
و و انت مشغل التكيف براحه علي العربيه بلاش جري مفاجئ او كبس علي البنزين سايس العربيه

---

تمام يا فندم وانا فعلا بعمل كده...ومابشغلوش بالليل خالص بس الصبح بشغله بدل مروح الشغل سايح من الحر. :ma:

ألف ألف مبروك يا معلم .. و الله فرحتلك.. ربنا يباركلك فيها ويحفظهالك.. وموضوع التكييف ممكن تشغله من غير أي قلق طالما أنت مش بتشد وبتمشي علي مهلك في أول ألف كم.
تحياتي .. وبالتوفيق ..

اقتباس:

---

المشاركة الأصلية كتبت بواسطة khaledmontero

ألف ألف مبروك يا معلم .. و الله فرحتلك.. ربنا يباركلك فيها ويحفظهالك.. وموضوع التكييف ممكن تشغله من غير أي قلق طالما أنت مش بتشد وبتمشي علي مهلك في أول ألف كم.
تحياتي .. وبالتوفيق ..

---

تسلم يا خالد, الله يبارك فيك, وشكرا عالتأكيد. :)

مبروك يا باشا على الترخيص
بس 750 فى سنه واحده ليه
أنا دافع 1000 فى تلاته

اقتباس:

---

المشاركة الأصلية كتبت بواسطة normal

مبروك يا باشا على الترخيص
بس 750 فى سنه واحده ليه
أنا دافع 1000 فى تلاته

---

السلام عليكم

انا كنت مرخص 3 سنوات ب 1290 بالضبط + الاكراميات

ترخيص سنه ب 750(تقريبا): قيمة ترخيص السنه + الاستماره + التأمين الاجباري + ثمن طفايه الحريق + الاكراميات ها تحسبها هاتلاقيها جابت ال 700.

وليه مش رخصها 3 بدل سنه, لانها تقسيط على حد علمي وقرائتي لمشاركه سابقه.


والف مبروك للاخ راؤول على الترخيص وعقبال التجديد وصيانة ال 250 الف ان شاء الله.

وبالنسبه للمكيف, انا مشغله من اول يوم استلمتها فيه, المهم زي ما قال الاخوه, مش تضغط على الموتور بس وان شاء الله خير.

تحياتي

مبرووووووك من الاعماق والى الامام وبالتوفيق يارب

اقتباس:

---

المشاركة الأصلية كتبت بواسطة Raul_7

السلام عليكم ورحمة الله..

انهارده الحمد لله رحت رخصت في مرور الشيخ زايد, و الحمد لله كان الموضوع سهل بس طول شوية نظرا لإن ماكانش فيه طفايات ورحت اشتريت واحدة من موبيل اللي قدام زايد.

المهم الموضوع تقريبا اتكلف 750 جنيه بالكامل ترخيص سنة واحدة.

خلصت الترخيص وسلمت على الراجل بتاع Contact اللي تقريبا عمل كل حاجة, وبعدين وأنا ماشي كنت هالبس في مطب.. معرفش ايه المطبات العاملة زي المقالب ديه مش متلونة وحاجة نيلة.. بس الحمد لله دست فرامل جامد والABS اشتغل والعربية وقفت و الحمد لله اطمنت إن ال ABS شغال من غير قصد. :S_thum1[1]:

سؤال بقى, دلوقتي أنا قرأت المانيوال كله مفيش كلام مكتوب عن التكييف وإنك متشغلوش في فترة التليين...هو بس قال لك ماتقرصش على الموتور.

فـيا ترى ليه الناس بتقول ميشتغلش أول 1000 كيلو ؟؟

مستني تعليقاتكم

تحياتي
محمود
________________________

باشا الف مبروك علي الإستلام و الترخيص ،،،

و ربنا يكفيك شرها ، بص يا باشا - انا كنت زيك كده خايف اشغل التكييف برده و قعدت اسئل و استشير الناس في نفس الموضوع ، اللي يقول لأ بلاش بعد الألف و اللي يقول عادي ((( ))) المهم في الاخر قولت انا ادلع عربيتي اكتر و افتح التكييف بعد الالف ،،،، و بعدين جيت سئلت اللي بعلي العربية من عز العرب في شارع الطيران __ رد عليا رد خللاني اضحك لما وقعني علي الارض من الضحك ...:U_thin1[1]:

قاللي انا كل ده خايف انك ما تشغلش التكييف قولت اه قاللي ياعم العربيات ده كلها بتيجي من اسكندرية من الجمارك و السواقين كلهم بيشغلو التكييف و هما جايين ... :C_laugh[1]::C_laugh[1]::C_laugh[1]:...

المهم طلعت مشوار اسكندرية و عملت 800 كم مرة واحدة و لفيت بيها علشان اخلص ..
المهم هيا فعلا حاجة واحدة بس انك ما تقرص علي العربية اكتر من 3000 - 4000 rpm > و شغل التكييف عادي و ماتخفش بس خلييك علي الهادي و ما تجريش بالعربية .:S_thum1[1]:

---