شهادة حق امام الله (تقرير كامل من كل اللوجانين بكل العيوم والمميزات للسيارة )

**Egyzizo** · 16-06-2010 03:50 PM

المشاركة الأصلية كتبت بواسطة Col. Eng. Khaled

الخامة نفسها أعتقد فيها حاجة مش مسألة سُمك (نفس سُمك باقي العربيات) .

أكيد عاملينه disposable استعمال مرة واحدة
اخبط وغير ..
يا سلاااااام على التميز ..

**WALEED9001** · 16-06-2010 04:57 PM

انا بشكر كل الاخوة الكرام الى ردو على الموضوع وبحترم ارائهم بس برده محدش افادنى بتقرير يمكن متابعتة مع رينو او جمعية حماية المستهلك اتكلمتو على الفتيس والساج .......ماشى كلام جميل بس فى ناس منكم اشتكت من الصيانه فى التوكيل لما بيركب مجموعة البريك بيعملو مشكل تانية فا ياريت الموضوع يتوضح

**NaderNabil** · 16-06-2010 10:36 PM

المشاركة الأصلية كتبت بواسطة waleed9001

انا بشكر كل الاخوة الكرام الى ردو على الموضوع وبحترم ارائهم بس برده محدش افادنى بتقرير يمكن متابعتة مع رينو او جمعية حماية المستهلك اتكلمتو على الفتيس والساج .......ماشى كلام جميل بس فى ناس منكم اشتكت من الصيانه فى التوكيل لما بيركب مجموعة البريك بيعملو مشكل تانية فا ياريت الموضوع يتوضح

تقرير إيه اللي حضرتك عاوزه؟

**WALEED9001** · 17-06-2010 12:36 PM

يعنى حضرتك شايف الواحد لما يروح يشترى العربية للوجان الجديدة يعمل حساب مجموعة البريك وكمان محدش وضح المجموعة ده بتركب على حسابى ولا حساب التوكيل يعنى من الاخر الناس اعضاء المنتدى بتنقد اكتر مابتكلم حضرتك لو قرأة الموضوع هتلاقى محدش رد عليه طب انا مش عارف اوضح انا هقول نقط وحضرتك ترد علية بما انك بتسال انا عن التقرير
1- مجموعة البريك على حسابى ولا حساب التوكيل
2- تركبه بيحل المشكلة نهائى ولا ليه ديول
3-المفروض الجديد مثلا 2011 هتنزل فيها مشكله المرشير ولا المفروض تتحل فى المصنع قبل ما تيجى
4- عازل الحرارة الى فى سدر السيارة الجديده بينزل معزول ولا بيسلمهولك وانتى بتشترى السيارة ( من بابك الدحك)
هتأولى والكلام ده هيفدنى فى ايه ؟؟؟؟ انا ارد عليك لو الموضوع فى دفعه معينه خلاص مفيش مشكلة والموضوع ده ممكن يخلص فى مصر طب لو الموضوع ده مستمر فى الدفعات القادمة انت مش شايف ان المفروض نعمل تقرير ويرسل الى رينو نفسها حفاظا على سمعة السيارة ولا ايه رأى حضرتك

**amr.elsayed** · 17-06-2010 12:58 PM

المشاركة الأصلية كتبت بواسطة waleed9001

يعنى حضرتك شايف الواحد لما يروح يشترى العربية للوجان الجديدة يعمل حساب مجموعة البريك وكمان محدش وضح المجموعة ده بتركب على حسابى ولا حساب التوكيل يعنى من الاخر الناس اعضاء المنتدى بتنقد اكتر مابتكلم حضرتك لو قرأة الموضوع هتلاقى محدش رد عليه طب انا مش عارف اوضح انا هقول نقط وحضرتك ترد علية بما انك بتسال انا عن التقرير
1- مجموعة البريك على حسابى ولا حساب التوكيل
موضحة بالقسم .... تركيب البريك فى الضمان .. لا يوجد عضة اصلا فى الدفعات الجديدة ومش محتاج بريك

2- تركبه بيحل المشكلة نهائى ولا ليه ديول
موضحة بالقسم ... بيحل المشكلة .. لان المشكلة اصلا مش مشكلة عويصة او توقف العربية

3-المفروض الجديد مثلا 2011 هتنزل فيها مشكله المرشير ولا المفروض تتحل فى المصنع قبل ما تيجى
موضحة بالقسم .... لا يوجد مشكلة بالمارشدير فى الدفعات الجديدة

4- عازل الحرارة الى فى سدر السيارة الجديده بينزل معزول ولا بيسلمهولك وانتى بتشترى السيارة ( من بابك الدحك)
موضحة بالقسم ... اصلا ناس قليلة جدا اللى حسيت بالحرارة ... وبيتركب فى الصيانة حتى لو مش حاسس بيها وهى اصلا مش مشكلة وعربيات كتير فيها نفس السخونة الموضوع موضوع عزل مش مشكلة فى قطعة بتسخن

هتأولى والكلام ده هيفدنى فى ايه ؟؟؟؟ انا ارد عليك لو الموضوع فى دفعه معينه خلاص مفيش مشكلة والموضوع ده ممكن يخلص فى مصر طب لو الموضوع ده مستمر فى الدفعات القادمة انت مش شايف ان المفروض نعمل تقرير ويرسل الى رينو نفسها حفاظا على سمعة السيارة ولا ايه رأى حضرتك
لأ مش قصتنا اننا نحافظ على سمعة السيارة ... دى شغلة التوكيل مش مشغلة المستهلك
احنا ما علينا اننا بنوضح مميزات وعيوب واللى يناسبه العيوب وتكون غير مؤثرة بالنسباله يتوكل على الله فالعربية ممتازة ممتازة بتوكيل جيد لا يتهرب من اى مشكلة

خودلك لفة فى القسم علشان كل تساؤلاتك اجابتها موجودة وبما يرضى الله زى ما انت طالب
نصيحتى ليك شوف بدائل للوجان علشان انا شايف انك متحفز لعيوب العربية ومش شايف مميزاتها .... حط جنبها كذا عربية علشان تعرف تفاضل وتقارن وتختار العربية المناسبة

**mohamed1979** · 17-06-2010 01:17 PM

نصيحتى ليك شوف بدائل للوجان علشان انا شايف انك متحفز لعيوب العربية ومش شايف مميزاتها .... حط جنبها كذا عربية علشان تعرف تفاضل وتقارن وتختار العربية المناسبة [/color][/size][/quote]

نفس احساسى برده لما قريت الموضوع العربيه مش مستاهله الموضوع ده كله

**medoadel** · 17-06-2010 02:18 PM

يا باشا انا العربية معايا بقالها اكتر من 9شهور والحمد لله ماندمتش لحظة على شراها ولو رجع بيا الزمن اكيييييييييييييد هاشتري لوجان و 3 اصحابى اشتروها بعد ما شافوها معايا ، مش معقول ها حط نفسى فى موقف وحش معاهم عشان ايه ، والحمد لله مبسوطين بيها جامد ماعدا العيوب البسيطة المعروفة وكلها اتحلت فى التوكيل فى الصيانة.
بصراحة عربية محترمة بجد ، وادخل على باقى العربيات المنافسة ليها فى المنتدى وشوف الناس بيقولو عليها ايه عشان تعرف الحقيقة . وشكرا