الموضوع: ايه الفرق بين cbr وfvr

المشاركة الأصلية كتبت بواسطة amrt2

انا كنت عايز اعرف الفرق بينهم وايه احسن فيهم اصل فيه بايك fvr 400 على مصراوى عامل 9000

طبعا ال cbr أحسن علشان حاجات كتير ( أنا طبعا ماعرفهاش) ههههههههههههههه
بس الناس هنا هايقولولك الفرق
اهم حاااااااجه إياك ثم إياك ثم إياك من المكنه اللي معروضه علي مصراوي دي
أنا عارفها كويس جدااااا
لو انت معاك فلوس عايز ترميها (بكل معني الكلمه)
اشتريها
من الاخر مش هاتنفعك
عامله عمره
وراشش فيير
فيها شغل كبيييييييييير قوي
أنا بقوللك النصيحه وانت صاحب القرار
متسترخصش ( جامده قوي الكلمه دي أنا كتبتها ومش عارف أقرأها هههه)

شكرا يا عمر على النصيحه ومبروك البايك انا كنت عايز اعرف الفرق للمعلومات العامه اصل انا غاوى موتوسيكلات بس مش عارف اشتلرى دلوقت ادعيلى

باشا كنت عايز بس أعرفك معلومه صغيره
هي إسمها Honda VFR وفي نوع تاني إسمه VRF المهم إن الفرق بينه وبين الـ CBR إنه موتوره على شكل حرف V بمعنى إنك أكيد عارف العربيات الموتور الـ V يعني الـ CBRبيكون السلندرات بتاعته على نفس الصف وبالتالي بيكون الأربع بساتم على نفس الصف أما ال V بيكون سلندرين أمامي وسلندرين خلفي ولو إنت بصيت على المكن الستيد هاتفهم أكتر لأنه v بس هي دي الفكره وأهم عيوبه إنه بيسخن أسرع من CBR لأنه درجة حرارته بترتفع وأهم عيوبه كمان إنه مالهوش ولا مسمار في مصر ولا حتى البوجيهات لأنه بوجيهاته بتكون رفيعه جدا شبه القلم وعايز أعرفك إن أخر طقم بوجيهات دنسو إشتريته من عند نعيم صليب وكيل دنسو في مصر بـ 160 جنيه وحلفلي إنه مش هايجيبه تاني لانه تقيل جدا في بيعه يعني حتى البوجيهات مش هاتلاقيها
ومميزاته إنه بيكون راسي عالأرض عن الـ CBR وموتوره أحمى وأسرع في تجميعه من الـ CBR وبالنسبه لأسعاره أرخص من شقة الفول من عالعربيه بتاعة الواد جلال بتاع أم المصريين
شكرا وأسف عالمداخله

المشاركة الأصلية كتبت بواسطة nour_safwan

باشا كنت عايز بس أعرفك معلومه صغيره
هي إسمها honda vfr وفي نوع تاني إسمه vrf المهم إن الفرق بينه وبين الـ cbr إنه موتوره على شكل حرف v بمعنى إنك أكيد عارف العربيات الموتور الـ v يعني الـ cbrبيكون السلندرات بتاعته على نفس الصف وبالتالي بيكون الأربع بساتم على نفس الصف أما ال v بيكون سلندرين أمامي وسلندرين خلفي ولو إنت بصيت على المكن الستيد هاتفهم أكتر لأنه v بس هي دي الفكره وأهم عيوبه إنه بيسخن أسرع من cbr لأنه درجة حرارته بترتفع وأهم عيوبه كمان إنه مالهوش ولا مسمار في مصر ولا حتى البوجيهات لأنه بوجيهاته بتكون رفيعه جدا شبه القلم وعايز أعرفك إن أخر طقم بوجيهات دنسو إشتريته من عند نعيم صليب وكيل دنسو في مصر بـ 160 جنيه وحلفلي إنه مش هايجيبه تاني لانه تقيل جدا في بيعه يعني حتى البوجيهات مش هاتلاقيها
ومميزاته إنه بيكون راسي عالأرض عن الـ cbr وموتوره أحمى وأسرع في تجميعه من الـ cbr وبالنسبه لأسعاره أرخص من شقة الفول من عالعربيه بتاعة الواد جلال بتاع أم المصريين
شكرا وأسف عالمداخله

100/100
شكرا علي المعلومه
سؤال لولبي بقي
شقة الفول بكام عند الواد حماده بتاع ام المصريين ههههههههههههههههه

شكرا يا نور على المعلومات الجامده دى بس شكلك مخنوق منه جامد اوى ليه؟؟؟؟؟؟؟؟؟؟؟؟؟؟؟؟

لا والله بالعكس ده أنا جبت مره ريس vfr 400 cc وكانت أسرع مكنه جبتها بحياتي بالنسبه للبيع لأني بعتها بعد ما قعدت معايا يومين بالضبط بس كانت صدفه وعايز أقولك إني ساعتها ماكنتش بفهم حاجه في الريس وشربتها بـ 16000 جنيه وأنا مش فاهم وبعتها بـ 19000 جنيه بردو وأنا مش فاهم ولا الي إشترى فاهم سبحان الله ومفهمتش غير بعد مابعتها بفتره والي شراها مني باعها هو كمان لواحد تاني مش فاهم هو كمان في المكن
وبعد ما إشتغلت في المجال فهمت الدنيا كلها
وعليه العوض في زمن البيع والشراء الجميل دلوقتي الي بيشتري بيتشقلب تحت المكنه وفوقيها عشان يطلع عيب فيها
والشغلانه بقت مش زي الأول دلوقتي البطل يطلع مكسب 500 جنيه في المكنه لو كانت بريمو غير كده تلاقي مكسب 100 جنيه و150 جنيه ودمتم وياريت في مكن مبقاش في أصلا مكن ولا 250 ولا 400 وأنا معييش مكن دلوقتي خالص

لوسمحت حضرتك الى عارف كل حاجه عن المكنه ال vfr 400 تنورنى بمعرفتك وجزاك الله كل خير يارب الى عامله 9000

اتفضل شوف انت عايز تعرف ايه وانا تحت أمرك
بس المكنه مش عندي أنا دي كان اعلانها على مصراوي