كدة كدة العربية و هى دايرة بتاخد كهربا من الدينامو مش البطارية
MMamdouh
عرض للطباعة
كدة كدة العربية و هى دايرة بتاخد كهربا من الدينامو مش البطارية
MMamdouh
أولا أشكر كل تفضل بالرد
مهندسينا الأفاضل
ثانيا رحت النهاردة للكهربائى قاس شحن الدينامو بيقول لى كويس قلت له حتى و لو
نزله و إعمل له صيانة
حل الدينامو و لقى كل شئ كويس ما عدا فيه شربون أحيانا السوستة بتاعته مش بترجع كويس
غيرناهم و غسلناه و ركبنا و الحمد لله المدافع قلت جدا
بس العربية مع دوسة البنزين بتبقى مكتومة و بعدين تتفتح
( بمعنى إن لو دايس بنزين جايب 2000 لفة و مثبت على نفس الدوسة بعد ثانية تلاقى العربية إتفتحت و عدد اللفات زاد وصل 3500 بنفس الدوسة)
قلت له شيك لى على كهربا الرشاشات قاسها بلمبة تست و قال كويس بس لقى فيه
رشاش مش بيستجيب كويس
( خلع فيشة الرشاشات واحد واحد يشيل واحد العربية تتلت إلا رشاش واحد المكنة لم تتاثر و بعد شوية شاله تانى العربية تاثرت)
رحت للميكانيكى قال إن فيه رشاش بيأخر فى الفتح بتاعه و بعدين يفتح فالمكنة تفوق
إيه رايكم فى الكلام دة.....
أعمل دور نظافه كويس مع البوابه وزيت واير الأكسراتير وروق سوستة بكرة الأكسراتيراقتباس:
( بمعنى إن لو دايس بنزين جايب 2000 لفة و مثبت على نفس الدوسة بعد ثانية تلاقى العربية إتفتحت و عدد اللفات زاد وصل 3500 بنفس الدوسة)
نظف الفيش نفسها ونتايات الفيش اللى على الرشاشات صحاقتباس:
( خلع فيشة الرشاشات واحد واحد يشيل واحد العربية تتلت إلا رشاش واحد المكنة لم تتاثر و بعد شوية شاله تانى العربية تاثرت)
بأى منظف كهربى مناسب وجفف بسيشوار مثلا وركب الفيش بأحكام تام وأزنقها على الرشاشات صح
وجرب العربيه تانى
وخللى الكلام ده على جنب حاليا
اقتباس:
رحت للميكانيكى قال إن فيه رشاش بيأخر فى الفتح بتاعه و بعدين يفتح فالمكنة تفوق
بالنسية للبوابة كنت منظفها من شوية كدة و النهاردة حليتها لقيتها زى الفل
و كمان بصيت فى المنافول لقيته نضيف جدا و البكرة كمان كنت حطيت عليهاwd40 وتمام
و بالنسبة لدوسة البنزين اللى بيحصل ده حتى لو بتزود من البكرة نفسها
على العموم أنا هنضف الفيش تانى بتاعة الرشاشات و هجربها فى مشوار طويل يوم الجمعة
( يعنى رأى حضرتك أسيب موضوع تغيير الرشاش دة شوية يمكن مع مشوار يكون فيه حاجة و تسلك أو مع قفلة البطارية فى اليوم إياه تكون تاثر شوية)
بالظبط
نظافة الفيش صح وتركيبها صح
هى الأهم حاليا
للأطمئنان على توصيل كهربى جيد للرشاشات
________________________________
مفيش كهربه صح للرشاشات
يبقى مفيش شغل صح للمكنه عند أى وضع تسارع أو سلانسيه
دى حكمة اليوم
السلام عليكم
أخر التطورات
العربية عطلت فى دمنهور من 10 أيام واحد صاحبى أخدها لكهربائى
قال فى الأول إن الايدل مخرف نغيره
و غير موتور الطلمبة بواحد بوش ألمانى و المدافع قلت
و بعد عدة تجارب كانت العربية ما زالت مخنوقة فى بداية كل غيار و بعدين تفتح لوحدها
جبت له حساس tps و حساس اكسجين و ركبنا و دورنا
حساس tps من أولها أعطى خطأ
فكه و ركب القديم و دور تمام و المدافع قلت جدا جدا
ركبت ومشينا العربية فى بداية كل غيار ( يعنى مع شيل الرجل من على البنزين ثم إعادتها)
بتكون مخنوقة جدا و عدد لفات الموتور مش بيزيد بالشكل الطبيعى و تضرب مدافع بس قليلة
و بعدين تفتح تانى لوحدها و تبقى تمام أول ما أشيل رجلى و أدوس تانى ترجع ريمه
كدة تأكدت إن حساس ال tps هو السبب كل شوية أنزل أشيل الفيشة و أركبها تتحسن شوية و بعدين ترجع تانى
الجديد بقى
رحت مشوار بيها لمطار برج العرب بشوية مسايسة و أحيانا أشد بيها ل 140 - 145
و أنا راجع أحيانا الغيار مش راضى يعشق فى مكانه و بعدين يعشق و نمشى شوية
و بعد مرتين تلاته حلفت ماهى ماشية خالص
الغيار يتعشق بس مفيش حركة نهائى
المهم طلع الديسك ( تخيلو الديسك بتاعها الأصلى من 16 سنة و ماشى 145000 كيلو بس الديسك كان واصل للحديد و كمان عامل مجرى فى الاسطوانة و الكل كان بيستغرب كانت ماشية و بتسحب إزاى )
الحمد لله تم تغيير طقم الدبرياج كامل
و الميكانيكى فك حساس tps ( القديم ) و نضفه و ركبه و العربية الحمد لله مفيش مدافع ولا خنقة
و فايقة تماما
بس عيب بسيط الغيار الخامس بيعشق بصعوبة شوية و سحبه تحس فيه خنقة ( أنا لسة مجربتهاش بس صاحبى اللى متابعها قال لى كدة الميكانيكى قال يمكن يكون المشاغل و هيظبطها النهاردة )
عايز ملاحظاتكم
هل الموضوع دة كله سببه طقم الدبرياج!!!!!!!!
تم حل مشكلة الغيار الخامس
و الحمد لله
السلام عليكم
العربية مع الأسف رجعت تانى
مخنوقة فى بداية دوسة البنزين و تضرب مدافع بس مش كتير
و
بعدين تنتش تنتش تنتش و بعدين تفتح و بعد الغيار تتخنق تانى و هكذا
تم تغيير حساس الاكسجين و حساس ال TPS و IDLE ولا زالت المشكلة
على فكرة عطل TPS كان بيدى high voltage
هل ممكن يكون عيب فى الضفيرة ( قفلة مثلا)
....هل ممكن يكون العيب من سلوك البوجيهات ؟
أم من الرشاشات مثلا؟
و آخر فتوى ممكن يكون فيه عيب فى الصبابات!!!!!!!!!
أو يكون فيه عيب فى الكنترول مع إنه لم يعطى خطأ على الاسكانر!!!
ارجاء أفيدونى أى الإحتمالات أبدأ بيه....
غيرلك طقم سلوك كورى جديداقتباس:
هل ممكن يكون العيب من سلوك البوجيهات ؟
بيعمل حوالى 45 ج
وشوف النظام أيه
لو لسه الوضع برضه معصلج
جرب تستلف بوبينا من أجل التجربه