للاسف اليوم الى بيروح مش بيرجع تانى و علينا ان نتحمل نتيجة اختيارتنا
للاسف اليوم الى بيروح مش بيرجع تانى و علينا ان نتحمل نتيجة اختيارتنا
ما كنتش حأعمل حاجات كثير
منها مثلا
ما كنتش دخلت الكلية اللي اتخرجت منها
كنت رفضت التعامل مع شخصيات كثيرة مرت عليا في حياتي وكان لها تأثير سئ عليها وعلى نظرتي لحاجات كثير
وكنت اتعلمت السواقة بدري وماقولتش اني مش من الشخصيات اللي لا تصلح للسواقة لانها محتاجة جرأة
كنت ما فوتش اي رحلة تتعرض عليا
كنت حاجات كثير مش فاكرها
الحمد لله اكيد ربنا بيختار لنا الافضل لكن عقولنا لا تدرك ذلك وانفسنا لا ترضى بالمكتوب
كنت هصمم على رايى اودام والدى واعيد ثانويه عامه علشان ادرس واشتغل المهنه اللى بحبها انما ملحوؤه ان شاء الله ومش ناوى اكرر نفس الغلط مع بناتى وهسيبلهم الحريه فى دراسة اللى يحبوه
الواحد ابتدى يقلق من مواضيع الجواز دى مش عارف ليه بقيت اشوف ناس كتير بقت بتعيد حساباتها فى مواضيع الجواز بعد ماتجوزوا بكام سنة
يعنى انا ليا واحد صاحبى قرفان من مراته بعد 3 سنين جواز بس
وبعدين كلام حضرتك
بس فى نقطة عاوزك توضحهالى ( بدون الخوض فى التفاصيل لان دى حياتك)
بس مش المفروض ان الواحد لما بيتقدم لواحدة وقرر انه يتجوزها
مش المفروض انه اعجب بيها مثلا وبطريقة كلامها وتصرفاتها
ايه اللى بيخلى الواحد بعد ميقضى معاها الفترة دى من الجواز يرجع يقول انا اتسرعت
النقطة الخامسة انت قولت الافضل انك تسافر برغم انك قولت انك مش عاوز زوجتك تشتغل لانك تقدر تكفيها
يعنى اللى فهمته ان مفيش مشاكل من الناحية المادية يبقى ايه لازمته السفر
معلش ان كانت اسئلتى رخمة ولا حاجة بس اصل الواحد لوقتى فى مفترق الطرق دى ومحتار يمشى فى انهى سكة (يعنى لسه حخوض التجربة)
النقطة التامنة دى انا اتعلمتها من بدرى اوى فعلا من سنتين تقريبا وبقيت مقتنع انه مفيش حاجة اسمها صديق العمر
انا عندى 28 سنه ناقص 15 يبقي عندى 13 سنه مش كنت حخش ثانويه عامه كنت حخش صنايع قسم سيارات
او كنت اذكر كويس في ثانوى واجيب مجموع
لو رجعت 10 سنين مثلا كنت هفكر اسافر بره مصر باي طريقة عشان اعرف اتعلم صح !
يا ريت نقول للزمان ارجع يا زمان :)
عن نفسي ماكونتش هتجوز :)
ماتفتكروش انكم بس يعني اللي متضايئين من الجواز :_Alshmokh08[1]:
احنا بس اللي مش بنتكلم:_Alshmokh08[1]:
اسمحلي ارد عليك في النقطه دي
مافيش اتنيين بيتجوزوا و مش بيكونوا معجبيين ببعض و مقتنعيين ببعض
بس الجواز غير فترة الخطوبه
بعد ما بيعيشوا مع بعض نظرا لان كل واحد منهم متربي في بيت مختلف عن التاني بتكون فيه طباع مختلفه و دي ممكن تأدي لمشاكل
و طبعا اللي غالبا بيتنازل هي الزوجه , مش دايما طبعا بس غالبا بتكون الزوجه
المشاكل بئي بتيجي من عدم تقوي ربنا و العند و فعلا العند يولد الكفر , اسوا صفه في اي انسنا هي العند
والله لو الزوج اتقي ربنا في زوجته و هي اتقت ربنا في زوجها ما هنلائي المشاكل اللي بنسمع عنها و القرف اللي في البيوت دا
أنا عندي 20 ونص كده يعني لو راجع بيَّ الزمن 15 سنة هابقى صغير يعني 5 سنين بس أتمنى إني أكون فاهم زي ماأنا فاهم دلوقتي علشان أقدر أعمل الحاجات اللي شايف إني كان ممكن أعملها وأنا دلوقتي بحول إني مقعيش فـاخطاء الناس اللي أكبر مني
قدر الله وما شاء فعل
30-15=15
كنت حذاكر كويس اوى فى ثانوى وادخل كلية افضل من كلية التربية