ايه يا جماعه هو كله كده صغير
مافيش حد كده داخل في الخمسين او الستين :)
ايه يا جماعه هو كله كده صغير
مافيش حد كده داخل في الخمسين او الستين :)
لو يرجع بيا الزمن
كنت حاحب نفسى واساعدها اكثر من اى حد ثانى لان للاسف محدش بينفع حد
وكنت حاحاول ابقى اجرأ فى مواجهة المستقبل المجهول و اتخلص من خوفى
اما حاليا فانا احاول تصحيح اى وضع خاطئ قدر استطاعتى
بحاول امارس رياضة خفيفة و خصوصا المشى و احافظ على صحتى و مظهرى
و برضو بحاول اعمل لنفسى اهداف ولو بسيطة و بفرح قوى لما احقق هدف منها خطوة خطوة
وعلى فكرة بكبر دماغى عن اى مشكلة مش لاقى لها حل و احاول اخرج منها باقل الخسائر و خصوصا النفسية
يعنى ما اقعدش الف فى فلك هذه المشكلة لما تكئبنى و تجننى ، كده الواحد مش حيلاحق
باخليها على الله و ادور على اى ميزات تانية ربنا انعم عليا بها و احاول انميها واستفيد منها و افيد غيرى
و ربنا الموفق
قال الفضيل بن عياض لرجل: كم أتى عليك؟ قال: ستون سنة . قال: فأنت منذ ستين سنة تسير إلى ربك يوشك أن تبلغ. فقال الرجل: إنا لله و إنا إليه راجعون. قال الفضيل: أتعرف تفسيره تقول: إنا لله و إنا إليه راجعون !! فمن علم انه لله عبد وانه إليه راجع فليعلم انه موقوف، ومن علم انه موقوف، فليعلم انه مسئول، فليعد للسؤال جوابا، فقال الرجل: فما الحيلة؟ قال: يسيرة. قال: ما هي؟ قال: تحسن فيما بقي يغفر لك فيما مضى، فانك إن أسأت فيما بقى، أخذت بما مضى وما بقى والأعمال بالخواتيم.
نسأل الله أن يحسن ختامنا ..
[youtube]http://www.youtube.com/watch?v=3fGm0HivF64[/youtube]
ماشى يا عم حركب ألة الزمن اللى انت مخترعها علشان نرجع 15 سنة لورا
حكون 22 سنه
كنت هختار الهجرة لامريكا لما كانت متاحة لى فى ذلك الوقت دلوقتى متاحة برضه بس مينفعش خلاص
و الحمد لله على كل شىء
كان حيبقى عندى 15 سنة وكانت دى بداية حيانىكنت حمارس رياضة اكتركنت حاكل الكتب فى الكلية علشان اجيب تقدير اعلى (تخيلوا عاملى مشاكل لغااية دلوققتى انى جايب جيد فقط)كنت اول مخلض كلية كنت حبدا دراسات عليا فورا كان زمانى مقرب على الدكتوراه دلوقتىبس قبل كل ده كنت حهتم اكتر بامى الله يرحمها لانها فى الوقت ده كانت عيانة وفضلت تعبانة سنتين لغاية لما توفت ولانى كنت صغير مكنتش حاسس بمعاناتها ومكنتش متخيل انها حتموت الله يرحمها بندم كل يوم انى محستش بيها فى الاوقات دى
عندي ٣٣ سنة....... عمري ماعملت حاجة أنا مجبر عليها ،،كل شيء تم بإختياري
أنا مكنتش حاعمل حاجة أكتر أو أقل من إلي أنا عملته
اللهم لك الحمد والشكر على كل شيء
ممممممممممممممممم
28 سنه - 15 سنه
يعني المفروض يكون عندي 13 سنه
كنت حطلب من والدي وابوس ايده يخرجني من ازهر عشان اخد ثانويه عامه عاديه
وادخل كليه كمبيوتر ساينس احسن ما ادخلها في كليه خاصه
واهري نفسي كورسات كمبيوتر
وابقي احسن في المجال اللي بحبه افضل من المجال اللي انا شغال فيه دلوقتي
وكنت بردو حختار خطيبتي واتجوزها
يلا قدر الله وما شاء فعل
لو علمتم الغيب لاختارتم الواقع .
بصراحة لو رجع الزمن مكنتش هغير غير حاجات بسيطة جدا يعنى فى حاجات مكنتش هعملها و بس على كدا .
لكن لو رجع الزمن بأهلى كانوا ممكن يهاجروا و اتولد فى بلد تانية .