مرسيدس عاملة حادثة

**mrwho1982** · 16-06-2010 12:23 AM

السلام عليكم اولا

ثانيا مرسيدس عيون عملت حادثة ودخلت في رصيف الفشة مدمرة من قدام والموتور وقع كل الزيت اللي فية والكاوتش مش راضي لا يحود لايمين ولا شمال

نعمل ايه دلوقتي ونوديها عند مين يعملها صح غير التوكيل

**ahmed_moeaz** · 16-06-2010 02:41 AM

الف سلامة عليك يا باشا وقدر الله وما شاء فعل ،شوف يا غالى دى الخطواط اللى هتمشى عليها
اولاً هترفع العربية على عربية خدمة طريق او نقل جامبو وتوديها الجراج
ثانياً تبدأ تسأل وتدور على احسن ميكانيكى وسمكرى وعفشجى والاخوة هنا اللى من القاهرة هيدلوك فين ولازم تتأنى وتصبر جداً عربيتك فى الجراج وان شاء الله هتتصلح بلاش الاستعجال ابداً دى عربية محترمة وخسارة الاستعجال فى تصليحها
هترسى على ميكانيكى محترم ترحله وتوصفله الحالة وهو يجى معاك ويشوف العربية ويشوف لو الموتور محتاج يحتل والعربية تروحلة ازاى وتقريباً فى الغالب هيرفع الماتور
ثالثاً تروح مودى العربية لسمكرى محترم يشوف اللى فى العربية ويظبتها ويحل قدام وتودى العفشة لعفشجى محترم يشوف اللى فيها وايه اللى محتاجاه وتشوف لو ينفع الجنوط تتعدل ولا هتحتاج تجيب جديد

ويا رب خير واحنا معاك لو احتجت اى سؤال

**Mohab555** · 16-06-2010 03:30 AM

فى واحد فى الهرم ده بجد استاذ ومرسيدس مش بيشتغل فى حاجة غير مرسيدس فى الشارع المقابل لشارع ضياء فى الهرم هتلاقيه شارع نازل لتحت شوية اسمه ولاد عوف بس بجد الراجل ده استاذ وهتلاقى المركز بعد الجامع الى فى الشارع على الشمال

**mrwho1982** · 16-06-2010 11:49 AM

الف شكر علي جميع الردود

**Amr ElShimy** · 16-06-2010 01:59 PM

May Allah Help you

**vedodido** · 16-06-2010 03:17 PM

قدر الله وما شاء فعل وتيجى فى الحديد ولا تيجى فى العبيد والف سلامه
متتسرعشى فى تصليح العربيه ودور على الورش وشوف احسنهم وان شاء الله ترجع زى الاول

**tamer_a7** · 16-06-2010 03:25 PM

في مركز صيانه في المعادي بعد محطه المترو علي ايدك اليمين (نفس صف المحطه) ما بيشتغلش غير في مرسيدس وعندهم اجهزه الاستعدال بالكمبيوتر واكيد طبعا عندهم كتيب مقاسات العربيه وهو دا اهم شيء في الموضوع واللي بيفرق التوكيل عن غيره
صحيح هو في اتجاه الثكنات

**Ahmed Galal** · 16-06-2010 11:08 PM

ممكن توديها الالمانية فى جسر السويس مركز خدمة معتمد عشان تطمن على الميكانيكا بتاعتها الساعة ب 120 جنيه و شغلهم ممتاز جدا بس للاسف من كلامك هاتحتاج حاجات كتير فى العفشة قدام و هاتتكلف يعنى لا سمح الله لو فيها علبة دركسيون لوحدها بتعمل 16000 جنيه دا غير فيه مقصات قدام المونيا و حديد بالجلب بتاعتهم و فيه صالة امامية شايلة العفشة كلها بردك غالية بحوالى 18000 جنيه و تطمن كمان على الفتيس و المكنة
غير كده السمكرة مقدور عليها فى اى مكان المهم العربية تمشى و الباقى يهون