الحمد لله يا جماعه وربنا يسترها على الناس كلها يا رب .
عرض للطباعة
الحمد لله يا جماعه وربنا يسترها على الناس كلها يا رب .
الحمد لله قدر الله وما شاء فعل وربنا يسرتها معاك ومع الجميع
بالنسبة للسمكرة كل حاجه ممكن تعمل وتتظبط سهلة ولا يهمك واعتقد ان الباب مش هيحتاج يتغير لأني برضه قبل كده عربية نقل طبقتلي نفس الباب بشكل بشع وسمكرته والحمد لله رجع تمام
بالنسبة للأسعار اللي انت طالبها :-
- الباب الخلفي أعتقد هتجيبه فاضي من غير فرش ولا ماكينة ولا زجاج وده مش عارف سعره كام بس ممكن يعمل في حدود 300 جنيه او اقل لأن طقم 4 ابواب كامل بكل حاجه بزجاج كهرباء امامي بمفاتيح زجاج الكهرباء كنت سئلت عليه ب 1200 من فترة
- فانوس امامي ديبو تايواني + فانوس اشارة = 150 + 30 = 180
- بالنسبة للشبكة الامامية اللي بيركب عليها العلامة فهي تعمل في حدود 70 او 80 جنيه
الأسعار دي من الحرفيين من عند الشيخ حسن للجديد و محل استيراد جنبه بس مش فاكر اسمه
وربنا يوفقك وتحت أمرك في اي حاجه
الله يخليك يا ا / ايهاب وانا متشكر اوى لكلام حضرتك والله حضرتك طمنتى من ان السمكرة ممكن ترجع الحاجة زي ما كانت .
بالنسبة للفانوس ناس زمايلى لما شافوه قالولى ان الفانوس سليم ممكن تعمل وش زجاج بس هل ده ينفع مع العربية ؟
وبالنسبة للفانوس ديبو التايوانى هو ده الماركة الى تركب عندى فعلا وشكله زي الفانوس التانى ولا اية النظام ؟
بالنسبة للشبكة الامامية اللي بيركب عليها العلامة ده بتتجاب جديدة ولا استيراد ؟
وبخصوص الباب انا الحمد لله الزجاج سليم والفرش بتاعه ما حصلش فية حاجة وبيقفل ويفتح تمام بس هو موارب شوية عن جسم العربية بتاع 3 سم كده ؟
حمدالله على سلامتكم
بالنسبة للزجاج سمعت عنه ولكن لم اجده ومش هيكون بنظافة الجديد والفانوس التايواني ده الجديد هو مش اصلي والأصلي مش موجود غير استيراد لكن انا دورت قبل كده في الاستيراد وملقيتش حاجه تعجبني عشان تاخد فانوس سليم هيقلك خد الاتنين مع بعض او يقلك خد الربع الأمامي ....... بيهرجو .. لكن صعب تاخد فانوس واحد استيراد سليم
والتايواني عندي راكب بقاله سنة وممتازجدا ولا يوجد به اي مشاكل ولا لونه اتغير واضاءته ممتازة جدا وزيه زي الاصلي بالضبط
الشبكة الأمامية موجودة جديدة واستيراد اللي بقلك عليها دي جديدة لكن الاستيراد برضه هيقلك خد الربع الامامي كله عشان يرضي يديك الشبكة او يقلك خدها بالعلامة والفانوسين لكن لوحدها اكيد هتكون فيها عيب مثلا ودن مكسورة او فيها اي حاجه
علي العموم انزل الحرفيين ولف ودور اسأل كتير عشان تاخد خبرة وبعدين اشتري وفاصل علي قد ما تقدر واللي تلاقيه مناسب استيراد او جديد اشتريه وبالتوفيق
حمدا لله عسلامتك ايجيمان خير ان شاء الله...لو ناوي تغير الباب هو فاضي يعمل 150 جنيه وهتلاقي نفس اللون كمان ان شاء الله لأني غيرت باب السواق قبل كده ولقيت الوان كتير بس انت الباب الحلق الحديد بتاعه من جوه في تعريجات واشكال عالصاج ناحيه المفصلة فاحفظ شكلها وانت نازل تشتري عشان تجيب باب 94 مش 98 99 ده لو فارقة معاك وطبعا متقلش للتاجر كده بس انا خدت باللي بعد مجبت الباب انو 94 والسوكة بتاعته بومبيه مش زي حف السكينة سيف كده يعني(وده في موديل 98 99) وحك فالرفرف الأمامي بعد مركبته والسمكري فك الرفرف وريحه جوه شويه...الحمد لله
وخللي بتاع الأبواب والسنتر هو اللي يفك ويغيير الباب لأن السمكري مهما كان شاطر فهو سمكري حديد في حديد يومها نبهت عليه انو ميفكش الباب وفكه ورمي كاوتشه كانت بتمنع دخول الهوا ولاضيعها الله اعلم وبوظللي وحده السنتر اللوك الهوا الفبريكة بتاعت العربية اللي في الباب اللي هي قربة هوا حاجة زي كده واجي اقفل تنفيس هواء وباب السواق بس اللي يقفل وبقيت الأبواب والتانك والشنطة سكتم بكتم ميتقفلوش لازم يدوي والله اعلم ايه تاني كان ممكن يبوظ كليبسات فرش ولا ازاز الحمدلله صلحتها ب50جنيه فالأفضل بتاع الأبواب اللي يغير الباب وكمان لو اشتريت الباب نفس اللون هتظبط لون العربية عليه لو هي مرشوشه قبل كده ربنا معاك والحمدلله عكل شيء
قدر الله ماشاء فعل الف سلامة عليك وان شاء الله ترجع زى الاول واحسن
الف شكر ليكم يا شباب وعلى مشاركتكم الغالية معايا ربنا يكرمك وربنا ان شاء الله يسترها على الجميع .
تفاصيل التصليح :
1- اول واحد رحت عنده سمكرى قالى لازم باب جديد .
2- روحت لواحد تانى معرفة شوية والحمد لله الراجل قالى ان شاء الله ارجعه زي ما كان .
3- والحمد لله الباب الراجل فعلا رجعه زي ما كان حتى انا وانا قاعد اتفرج عليه عمال اقول فى قرارة نفسي الباب ده هيرجع تانى ازاى .
4- وسيبت العربية ورجعت تانى يوم لقيت الباب الحمد لله زي الفل اكن ما حصلش حاجة ما بقتش مصدق .
5- وهو النهاردة ان شاء الله المفروض ان بتاع الدوكو هيبدأ معجون .
6- على فكرة ناا فتحت فى سمكرة العربية عموما لان كان فيها كام حاجة مش عجبانى فقلت بالمرة اعملها .
7- اتفقت معاه انه هيدخل العربية كلها فرن ما عدا الشنطة والسقف والاتفاق كان 1200 جنية سمكرة للعربية ودوكو وفرن للعربية ما عدا الشنطة والسقف .
8- المشتريات كانت : (فانوس امامى + اشارة = 180 جنية ماركة ديبو تايوانى ، الشبكة بتاعه العلامة الامامية جديدة = 100 جنية ) الكلام ده من عند سامح ابيزا .
وربنا يسهل النهاردة ان شاء الله هروح اتفرج عليها بليل المفروض تكون خلصت معجون وفيلر تقريبا مش فاكر اية تانى على اساس انها بكهر يبدأ يسنفر العربية ويجهزا للكابينة والرش .
9- اما بخصوص الباب هو فعلا هو الى فك فرش الباب والزجاج بس بيقولى هيرجعهم زي ما كانوا وعموما لا قدر لو طلع فى حاجة ابقى اروح اظبطه عند بتاع الابواب .
قدر الله وماشاء فعل وحمد الله على سلامة حضرتك.....